05-Jan-2026

ବାଙ୍କୀ : ବାଙ୍କୀ ର ଅସ୍ମିତା, କଳା,ସାହିତ୍ୟ, ସଂସ୍କୃତି ସହ ବାଙ୍କୀର ବହୁମୁଖୀ ସମସ୍ୟାକୁ ସମାଜର ବିଭିନ୍ନ ସ୍ତରରେ ପହଞ୍ଚେଇବା ପାଈଁ ପ୍ରୟାସ କରି ଆଜି ବାଙ୍କୀ ସ୍ୱୟଂ ଶାସିତ ମହାବିଦ୍ୟାଳୟ ଠାରେ ମୋ ଗାଁ ମୋ ବାଙ୍କୀ ନାମକ ଏକ ପାକ୍ଷିକ ଖବରକାଗଜର ଶୁଭ ଉନ୍ମୋଚନ ହୋଇଯାଇଛି | ଏହି ଅବସରରେ ବାଙ୍କୀ ଉପଖଣ୍ଡର ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଯୋଗଦେଇଥିବା ବେଳେ ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଡମପଡା ଗଡର ରାଜା  ସାହେବ ଶ୍ରୀଯୁକ୍ତ ଜୟନ୍ତ ଚନ୍ଦ୍ର ମର୍ଦ୍ଧରାଜ ହରିଚନ୍ଦନ ଏବଂ ବାଙ୍କୀ ରାଜା ସାହେବ ଶ୍ରୀଯୁକ୍ତ ଦୁର୍ଗାମାଧବ ଶ୍ରୀଚନ୍ଦନ ମହାପାତ୍ର ଓ ମୁଖ୍ୟ ବକ୍ତା ଭାବେ ଡାକ୍ତର ରାମ ଚନ୍ଦ୍ର ରାଉତ, ରାଜକିଶୋର ପାଲ, ସମ୍ମନିତ ଅତିଥି ଭାବେ ଘନଶ୍ୟାମ ସେଠୀ, ସାହିତ୍ୟିକ ରବି ନାରାୟଣ ମଙ୍ଗରାଜ ଯୋଗଦେଇ ଥିଲେ | ଅନ୍ୟ ପଟେ ଉକ୍ତ ସଭାରେ ସାମ୍ବାଦିକ ଶୁଶାନ୍ତ ନାୟକ, ମାନସ ରଞ୍ଜନ ସାହୁ, ସୁବ୍ରତ ନାୟକ,ଶ୍ରବଣ ସେଠିଙ୍କୁ ସମ୍ବର୍ଦ୍ଧିତ କରାଯାଥିଲା |  ଏହି ଖବରକାଗଜ ବାଙ୍କୀ ମାଟିର  ପରିଚୟ ଏବଂ ବାଙ୍କୀ ମାଟିର ସ୍ୱର ପାଲଟିବ ବୋଲି ମତ ପ୍ରକାଶ କରି ଏଭଳି ପଦକ୍ଷେପ ପାଇଁ ସମ୍ପାଦକ ସୁଧୀର ଚନ୍ଦ୍ର ନାୟକ ଓ ସହସମ୍ପାଦକ ପୂର୍ଣ୍ଣେନ୍ଦୁ କୁମାର ନାୟକ ଙ୍କୁ ଧନ୍ୟବାଦ ଜଣାଇଥିଲେ |  ଅନ୍ୟପଟେ ସଭା ଶେଷରେ ଏହି ଖବର କାଗଜଟି ବାଙ୍କୀରେ କିପରି ଆଦୃତ ହେବ ତତସମ୍ବଦ୍ଧିୟ ଏକ ଆଲୋଚନା ମୋ ଗାଁ ମୋ ବାଙ୍କୀ ଉପଦେଷ୍ଟା ମଣ୍ଡଳୀର ସଦସ୍ୟ ବଳଭଦ୍ର ପଣ୍ଡା, ବିପିନ ବିହାରୀ ମହାନ୍ତି, ଡ଼ଃ ସୁଵିତ କୁମାର ପଟ୍ଟନାୟକ, କୌଶିକ ନାୟକ, ବିରେନ କୁମାର ନାୟକ ପ୍ରମୁଖ ଯୋଗଦେଇ ବିସ୍ତୃତ ଆଲୋଚନା କରିଥିଲେ |  ପରିଶେଷରେ କବି ବଂଶୀଧର ମହାପାତ୍ର ସଭା ସାଙ୍ଗ କରିବା ସହ କାର୍ଯ୍ୟକ୍ରମ ର ମୁଖ୍ୟ ସଂଯୋଜକ ମନୋଜ କୁମାର ସାହୁଙ୍କୁ ଧନ୍ୟବାଦ ଅର୍ପଣ କରିଥିଲେ |