03-Jan-2026

ବଲାଙ୍ଗିର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକର ଦେଷଣ୍ଢ ଚାନ୍ଦିଲିପାହାଡଠାରେ ଚାଲିଥିବା ୯ମ ଚାନ୍ଦିଲିପାହାଡ ମହୋତ୍ସବ ଜମିଆସୁଛି । ପାହାଡର ପାଦଦେଶରେ ଥିବା ପେଣ୍ଡାରେ ଚାଲିଥିବା ମହୋତ୍ସବରେ ମୁଖ୍ୟଅତିଥି ଭାବରେ ଯୋଗଦେଇ ବଲାଙ୍ଗୀର ଅତିରିକ୍ତ ଜିଲ୍ଲାପାଳ(ସାଧାରଣ ପ୍ରଶାସନ) କହିଛନ୍ତି ଯେ, ମହୋତ୍ସବମାନେ ଅଞ୍ଚଳରେ ମୈତ୍ରୀ ଓ ଏକତାର ବାର୍ତ୍ତା ଦେଇଥାଏ । ସାମାଜିକ,ଅର୍ଥନୈତିକ ବିକାଶ ଓ ସଦଭାବ୍ ବଜାୟ ରଖିବାକୁ ମହୋତ୍ସବ ଆୟୋଜନର ଯଥେଷ୍ଟ ଭୂମିକ  ହିଛି ବୋଲି ମହୋତ୍ସବର ଦ୍ଵିତୀୟ ସନ୍ଧ୍ୟାରେ 

ଯୋଗ ଦେଇଥିବା ଅତିଥିଗଣ ମତବ୍ୟକ୍ତ କରିଥିଲେ । ମହୋତ୍ସବ କମିଟିର ଆବାହକ ଲକ୍ଷ୍ମଣ କୁମାର ମେହେରଙ୍କ ସଭାପତିତ୍ୱ ଓ ସଂଯୋଜନାରେ ଅନୁଷ୍ଠିତ ଦ୍ୱିତୀୟ ସଂଧ୍ୟାର ସାଂସ୍କୃତିକ ସଭାରେ ମୁଖ୍ୟଅତିଥି ଭାବରେ ବଲାଙ୍ଗୀର ଅତିରିକ୍ତ ଜିଲ୍ଲାପାଳ ଡ.ବିଜୟ କୁମାର ସେଠୀ, ମୁଖ୍ୟବକ୍ତା ଭାବରେ ଦେଓଗାଁ ବିଡିଓ ପ୍ରୀୟରଂଜନ କୁମ୍ଭାର ଓ ସମ୍ମାନୀତ ଅତିଥି ଭାବରେ କୋସଲବାଦୀ ନେତା ତଥା ଆଇନଜୀବୀ ପ୍ରମୋଦ କୁମାର ମିଶ୍ର, ବିଜେପିର ବରିଷ୍ଠନେତା ଗୋପାଳଜୀ ପାଣିଗ୍ରାହୀ, ବିଜେପିର ଜିଲ୍ଲା ସଭାପତି ଶ୍ରୀବତ୍ସ ବେହେରା, ବରିଷ୍ଠସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା, ପ୍ରେରଣା ଖବରକାଗଜର ସଂପାଦକରଘୁନନ୍ଦନ ସିଂହ। ସାଂସଦଙ୍କ ଦେଓଗାଁ ବ୍ଲକ ପ୍ରତିନିଧି 

ଶଚିଭୂଷଣ ପାଣିଗ୍ରାହୀ,ପୂର୍ବତନ ପ୍ରତିନିଧି ଅମିତ ସିଂନୀନା, ସାଂସଦଙ୍କ ସଇଁତଳା ବ୍ଲକ ପ୍ରତିନିଧି ଅକ୍ଷୟ ରଣା,ବାସୁଦେବ ସିଂନିନା,ବନ୍ଧପଡା ମଣ୍ଡଳ ସଭାପତି ମନବାସ ନାଏକ ଓ ଦେଷଣ୍ଢ ସରପଞ୍ଚ ଯଶୋଦା ମେହେର ପ୍ରମୁଖ ଯୋଗଦେଇ ଥିଲେ । ଚାନ୍ଦିଲିପାହାଡ ପର୍ଯ୍ୟଟନସ୍ଥଳୀର ବିକାଶରେ ସମସ୍ତେ ସହଯୋଗ କରିବେ ବୋଲି ପ୍ରତିଶୃତି ଦେଇଥିଲେ । ମହୋତ୍ସବ ପେଣ୍ଡାଲରେ ଆୟୋଜିତ ରାବଣଦରବାର ଓ ସାଂସ୍କୃତିକଦଳର କାର୍ଯ୍ୟକ୍ରମ ଦର୍ଶକଙ୍କ ମନମୋହିଥିଲା । ପ୍ରତ୍ୟହ ଏଠାରେ ରାବଣଦରବାର,ମହିମାସାଧୁଙ୍କ ଦ୍ୱାରା ଅଖଣ୍ଡ ବ୍ରହ୍ମଯଜ୍ଞ, ଭଜନକିର୍ତ୍ତନ ଓ ନାମଯଜ୍ଞ ଚାଲୁରହିଛି । ଗତ ୩୧ ତାରିଖରେ ଏଠାରେ ଶତାଧିକ ମହିଳାଙ୍କ ଦ୍ୱାରା କଳଶ ଶୋଭାଯାତ୍ରା କରାଯାଇଥିଲା । ଜାନୁୟାରୀ ୧ ତାରିଖରେ ବଲାଙ୍ଗୀର ଉପଜିଲ୍ଲାପାଳ ଅଲୋକକୁମାର ପଟେଲ ମହୋତ୍ସବକୁ ଉଦଘାଟନ କରିଥିଲେ । ଶୁକ୍ରବାର ସଂଧ୍ୟାରେ ବଲାଙ୍ଗୀର ମଳମୁଣ୍ଡାର ବଜାସାଲ ଟିମ,ବଲାଙ୍ଗୀର କୋସଲ ଫୋକ୍ ଏକାଡେମୀ ଓ ଏକ ସ୍କୁଲର ଛାତ୍ରଛାତ୍ରୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ମହୋତ୍ସବ ପାଇଁ ଲାଗିଥିବା ମୀନାବଜାରେ ହଜାର ହଜାର ଲୋକଙ୍କ ସମାଗମ ହେଉଛି । ମହୋତ୍ସବକୁ କମିଟିର ସଭାପତି ରାଧେଶ୍ୟାମ ମେହେର, ସଂପାଦକ ସ୍ୱୟଂମ୍ବର ମେହେର, ଘାସିରାମ ରଣା, ଇନ୍ଦ୍ରଜିତ ରାଉତ, ପ୍ରଦ୍ୟୁମ୍ନ ଷଢଙ୍ଗୀ, ତ୍ରିଲୋଚନ ରଣା, ଦୀନବନ୍ଧୁ ମେହେର, ରବିନ୍ଦ୍ର ସାଏ ପ୍ରମୁଖ ପରିଚାଳନା କରୁଛନ୍ତି । ରାବଣ ଦରବାରରେ ରାମାୟଣର ବିଭିନ୍ନ ଚରିତ୍ରରେ କଳାକାର ମାନଙ୍କର ପ୍ରଦର୍ଶନ ଖୁବ ଉଚ୍ଚକୋଟିର ରହିଥିଲା ଓ ଦର୍ଶକ ମନଭରି ଏହାକୁ ଉପଭୋଗ କରିଥିଲେ ।