01-Jan-2026

ସୋନପୁର (ମନୋରଞ୍ଜନ ତ୍ରିପାଠୀ)
ପଏଁରି ତିହାର ୨୦୨୬  ଆଜି ମହା ସମାରୋହ ରେ ମା ସୁରେଶ୍ଵରୀ ମନ୍ଦିର କ୍ୟାମ୍ପସ ରେ  ଉଦ୍‌ଘାଟିତ ହୋଇଯାଇଛି। ସୋନପୁରର ପଏଁରୀ ଅନୁଷ୍ଠାନ, କେନ୍ଦ୍ର ସଂସ୍କୃତି ବିଭାଗ, ନୂଆଁଦିଲ୍ଲୀ ସଂଗୀତ ନାଟକ ଏକାଡେମୀର ମିଳିତ ଅନୁକୂଲ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ଅନୁଷ୍ଠାନର ସଭାପତି ଲଡୁକିଶୋର ମଲ୍ଲିକ ସଭାପତିତ୍ଵ କରିଥିଲେ। ଏଥିରେ ମୁଖ୍ୟଅତିଥି ଭାବେ ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପ ରାଜ ସାହୁ ଯୋଗ ଦେଇ ଅସଲ ଜୀବନ ଟା ପୁରାତନ ସଂସ୍କୃତି ରେ ଅଛି, ଜୀବନ ବର୍ତ୍ତମାନ ସହ ପରମ୍ପରା ସଂସ୍କୃତି କୁ ଯୋଡ଼ିବାକୁ ପଡ଼ିବ ବୋଲି କହିଥିଲେ l  ସୁବର୍ଣ୍ଣପୁର ଏ କଳା ସଂସ୍କୃତି ମାଟି ରେ ସଦ ଭାବ ମାନବିକ ଧର୍ମ ଓ ଆବେଗ ଅଛି ବୋଲି କହି ଦୀର୍ଘ ୪୨ ବର୍ଷ ପରେ ଶ୍ରୀ ଗୋପାଳ ଜୀ ମହାପ୍ରଭୁ  ଫେରିବା ର ଚମତ୍କାର ଅନୁଭୁତି କହି ଏହା ହିଁ ଏ ମାଟିର ମହକ ଏ ମାଟି ର ଶକ୍ତି ବୋଲି ଜିଲ୍ଲାପାଳ ଡ଼ ସାହୁ ମତ ପ୍ରକାଶ କରିଥିଲେ  l  ଯେ କେହି ବି ଲୋକ ଏ କଳା ସଂସ୍କୃତି ରେ ମତୁଆଲା ହୋଇଯିବ ବୋଲି କହିଥିଲେ l ଏସପି ଶ୍ରୀ ନାରାୟଣ ନାଏକ ସମ୍ମାନିତ ଅତିଥି ଭାବରେ ଯୋଗ ଦେଇ ଏ କାର୍ଯ୍ଯ କ୍ରମ ଅୟୋଜନ ଓ ଉଚ୍ଚ କୋଟୀର ଗୀତ ନାଚ କୁ ଭୂୟସୀ ପ୍ରଶଂସା କରିଥିଲେ l ଅନ୍ୟ ତମ ଅତିଥି ଭାବେ ଅନୁଷ୍ଠାନ ର ଉପଦେଷ୍ଟା ଶ୍ରୀବତ୍ସ ମଲ୍ଲିକ, ଅଭିମନ୍ୟୁ କୁଶଳ, ନାଟ୍ୟ ଶ୍ରୀ ଗଦାଧର ବାରିକ,   ମମତା ଡୋରି ର ପ୍ରତିଷ୍ଠାତା ମମତା ଦାସ,  ବିଗୁଲ ଟିଭି ର ଅଧ୍ୟକ୍ଷ ସନ୍ତୋଷ ମିଶ୍ର ଯୋଗ ଦେଈ ସୁବର୍ଣପୁରର କଳା ସଂସ୍କୃତି ପାଇଁ ଜିଲ୍ଲାର ସ୍ବତନ୍ତ୍ର ପରିଚୟ ସୃଷ୍ଟି ହୋଇଛି ବୋଲି କହିଥିଲେ। । ଅନୁଷ୍ଠାନର ସମ୍ପାଦକ ଚୌଧୁରୀ ବିଭାର ଅତିଥି ପରିଚୟ ପ୍ରଦାନ କରି ଏ ଉତ୍ସବ ର ଲକ୍ଷ୍ୟ ଓ ଉଦ୍ଦେଶ୍ୟ ଜ୍ଞାପନ କରିଥିଲେ । ସଭ୍ୟ ସୁଶାନ୍ତ ସାହୁ ସଭା ସଂଯୋଜନା କରିଥିବାବେଳେ ଅନୁଷ୍ଠାନ ର ଉପସଭାପତି ପ୍ରଫୁଲ୍ଲ ନାଏକ ଧନ୍ୟବାଦ ଦେଇଥିଲେ। ଏହି ଅବସରରେ କଳାକାର ସଦାନନ୍ଦ ମାଝୀ, ମହାଦେବ ବେହେରା ଙ୍କୁ ପଏଁରୀ  ସମ୍ମାନ ରେ ଓ ବାନ୍ଧ ଶିଳ୍ପୀ ଶ୍ୟାମ ସୁନ୍ଦର ମେହେର ଙ୍କୁ ଏବଂ ବିଶିଷ୍ଟ ବ୍ୟକ୍ତିବିଶେଷ, ସମ୍ବାଦିକଙ୍କୁ ଅତିଥି ଙ୍କ ଦ୍ଵାରା ସମ୍ବର୍ଧିତ  କରାଯାଇଥିଲା। ଏହାପରେ ସ୍ଥାନୀୟ ଓ ବିଭିନ୍ନ ରାଜ୍ୟ ର କଳାକାରମାନେ ସାଂସ୍କୃତିକ କାର୍ଯ୍ୟକ୍ରମରେ ଲୋକନୃତ୍ୟ ପ୍ରଦର୍ଶନ କରିଥିଲ। ସଭା ପୂର୍ବରୁ ଦିଶିଷ୍ଟ କଣ୍ଠଶିଳ୍ପୀ ଶତୃଘ୍ନ ଲୁହା, ସୁଜାତା ଗିରି, ନବୀନ କୁହଁର, ନରାୟଣ ଲୁହା ପ୍ରମୁଖଙ୍କ ଦ୍ବାରା ପାରମ୍ପାରିକ ଲୋକଗୀତ ପରିବେଷଣ କରିଥିଲେ। ଆଜି ସକାଳୁ ମାଁ ସୁରେଶ୍ଵରୀଙ୍କ ମନ୍ଦିରରୁ ଏକ ସାଂସ୍କୃତିକ ଦଳ ଙ୍କ ମଶାଲ ଶୋଭାଯାତ୍ରା ସହର ପରିକ୍ରମା କରି ମା ସୁରେଶ୍ଵରୀ ମନ୍ଦିର ପ୍ରାଙ୍ଗଣ କୁ  ପହଞ୍ଚିଥି ଥିଲା । ପରେ ଉତ୍ସବକୁ ସୋନପୁର ଉପ ଜିଲ୍ଲାପାଳ ଡ଼ ସୌମ୍ୟ ରୂପା ରଥ ଉଦ୍‌ଘାଟନ କରିଥିଲେ l ଏହି କାର୍ଯ୍ୟକ୍ରମରେ ପଏଁରୀ ଅନୁଷ୍ଠାନର ସମସ୍ତ ସଦସ୍ୟ ସହଯୋଗ କରିଥିଲେ l