29-Dec-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୋନପୁର  ବ୍ଲକ ରୁ ଜିଲ୍ଲା ସଦର ମହକୁମାକୁ ପ୍ରାୟତଃ ପ୍ରତିଦିନ ଲକ୍ଷ୍ମୀ ବସରେ ବିଭିନ୍ନ ସମୟରେ ପାଞ୍ଚଶହ ରୁ ଉର୍ଦ୍ଧ୍ୱ ଯାତ୍ରୀ ଯାତାୟାତ କରିଥାନ୍ତି ହେଲେ ପ୍ରଥମରୁ ବ୍ଲକ କାର୍ଯ୍ୟାଳୟ ପରିସରରେ ରହୁଥିବା ବସ୍ ଗୁଡ଼ିକ ଏବେ ବ୍ଲକଛକ ନିକଟସ୍ଥ ପରିବା ଓ ଫଳବଜାର ପାଇଁ ନିର୍ମାଣ ହୋଇଥିବା ପିଣ୍ଡି ସାମ୍ନା ରେ ରହି ଯାତ୍ରୀ ମାନଙ୍କୁ ନେବା ଆଣିବା କାମ କରିବା ସହ ସେଠାରେ ବସ୍ ମାନଙ୍କର ରାତ୍ରୀ ରହଣି ମଧ୍ୟ ହେଉଛି ହେଲେ ସେଠାରେ ଯାତ୍ରୀ ମାନଙ୍କପାଇଁ ସର୍ବନିମ୍ନ ପିଇବାପାଣି ର ଘୋର ଅସୁବିଧା ଦେଖାଯାଇଛି ଯାଫଳରେ   ବିଭିନ୍ନ କାମରେ  ସହରକୁ ଆସୁଥିବା ଯାତ୍ରୀ ମାନେ ଅକଥନୀୟ ଦୁର୍ଦ୍ଦଶା ଭୋଗୁଛନ୍ତି। ସେଠାରେ ବିଦ୍ୟୁତ ସେବାର ମଧ୍ୟ ସୁବ୍ୟବସ୍ତା ନଥିବା ହେତୁ ବସମାନଙ୍କର ରାତ୍ରୀ ରହଣି ମଧ୍ୟ ନିରାପଦ ନୁହଁ। ସେଠାରେ ପୈ।ର ପରିଷଦ ପକ୍ଷରୁ ଷ୍ଟ୍ରୀଟ  ଲାଇଟ୍ ଲାଗିଥିବା ସତ୍ତ୍ୱେ  ଏବେ ଜଳୁନଥିବା ଦେଖାଯାଇଛି। ଯଦିଓ ସେଠାରେ କିଛି ସୋଲାର ଲାଇଟ୍ ଲାଗିଛି ତାହା ପର୍ଯ୍ୟାପ୍ତ  ନୁହେଁ ଏଣୁ ଅନ୍ଧାର ର  ସୁଯୋଗ ନେଇ ପ୍ରାୟତଃ ସଂଧ୍ୟା ହେଲେ ସେଠାରେ ମଦ୍ୟପ ମାନଙ୍କର ଆଡ୍ଡା ଜମୁଛି ଯାହାକି ସୁରକ୍ଷା ଦୃଷ୍ଟିରୁ ମଧ୍ୟ ନିରାପଦ ନୁହଁ। ଏପରିକି ଦୁର ଦୁରାନ୍ତର ଯାତ୍ରୀ କେହି କେହି ଡାକ୍ତରଖାନା କୁ ଆସି ସଂଧ୍ୟା ପରେ ଆଉ ଫେରି ନପାରି ଉକ୍ତ ପିଣ୍ଡି ରେ ରାତ୍ରୀଯାପନ ମଧ୍ୟ କରୁଥିବାର ଦେଖାଯାଉଛି ଏଣୁ ଉକ୍ତ ସ୍ଥାନରେ ବିଦ୍ୟୁତ ଓ  ପିଇବାପାଣି ର ବ୍ୟବସ୍ଥା କରିବା ସହ  ପୋଲିସ ର ନିୟମିତ ପେଟ୍ରୋଲିଂ ମଧ୍ୟ ଚାଲୁ ରଖିବା ଆବଶ୍ୟକ ହୋଇପଡିଛି। ଏଣୁ ଏହି କଥାକୁ ଦୃଷ୍ଟିରେ ରଖି ଜିଲ୍ଲାପାଳ କିଛି ବିହିତ ପଦକ୍ଷେପ ନେବାକୁ ସ୍ଥାନୀୟ ବୁଦ୍ଧିଜୀବୀ ମହଲରେ ଦାବି ହୋଇଛି।