28-Dec-2025

ବଲାଙ୍ଗିର(ପ୍ରେରଣା ଖବର): ୧୮୮୫ ମସିହାରେ ପରାଧିନ ଭାରତରେ ଆଜିର ଦିନରେ ଜାତୀୟକଂଗ୍ରେସଦଳ ପ୍ରତିଷ୍ଠା କରାଯାଇଥିଲା । ଦେଶକୁ ସ୍ୱାଧିନ କରିବାରେ କଂଗ୍ରେସ ନେତୃବୃନ୍ଦ ସଂଗ୍ରାମକୁ ଓହ୍ଲାଇ ବଳିଦାନ ଦେଇଥିଲେ । ବିଶ୍ୱରେ କଂଗ୍ରେସଦଳ ଆଜି ଏକ ପ୍ରତିଷ୍ଠିତଦଳ ଭାବରେ ପରିଚିତ ହୋଇ କଂଗ୍ରେସଦଳକୁ ୧୪୧ବର୍ଷ ହେଲା । ସେଥିପାଇଁ ସାରା ଦେଶରେ କଂଗ୍ରେସଦଳ ଆଜି ବିଭିନ୍ନ କାର୍ଯ୍ୟକ୍ରମ ଆୟୋଜନ କରି ପ୍ରତିଷ୍ଠାଦିବସ ପାଳନ କରୁଛି । ବଲାଙ୍ଗୀର ଜିଲ୍ଲା କଂଗ୍ରେସକମିଟି ପକ୍ଷରୁ ଆଜି ବଲାଙ୍ଗୀର ମୁଖ୍ୟଚିକିତ୍ସାଳୟର ରକ୍ତଭଣ୍ଡାରରେ ସ୍ୱେଚ୍ଛାକୃତ ରାକ୍ତଦାନ ଶିବିର ଆୟୋଜନ କରି ପ୍ରତିଷ୍ଠାଦିବସ ପାଳନ କରିଛି । ଜିଲ୍ଲାକଂଗ୍ରେସ କମିଟିର ସଭାପତି ଅନୀଳ ମେହେରଙ୍କ ନେତୃତ୍ୱରେ ଅନୁଷ୍ଠିତ ଏହି ରକ୍ତଦାନ ଶିବିରକୁ କଂଗ୍ରେସଦଳର ରାଜ୍ୟଉପସଭାପତି ତଥା କଣ୍ଟାବାଞ୍ଜିର ପୂର୍ବତନ ବିଧାୟକ ସନ୍ତୋଷସିଂ ସାଲୁଜା ଉଦଘାଟନ କରିଥିଲେ । ଜିଲ୍ଲାର ବିଭିନ୍ନ ଅଞ୍ଚଳରୁ ଆସିଥିବା ଦଳୀୟନେତା ଓ କର୍ମି ସ୍ୱେଚ୍ଛାକୃତ ରକ୍ତଦାନ କରିଥିଲେ । ଦେଶକୁ ସ୍ୱାଧିନ କରିବାରେ କଂଗ୍ରେସଦଳ ପ୍ରମୁଖ ଭୂମୀକା ନେଇଥିଲା ଓ ପରିବର୍ତ୍ତି ପର୍ଯ୍ୟାୟରେ ସ୍ୱାଧିନତାପରେ ଦେଶର

ବିକାଶରେ ମଧ୍ୟ ମୁଖ୍ୟ ଭୂମୀକା ନେଇଛି ।  ଆଜି ଦେଶର ବିଭିନ୍ନ ସମସ୍ୟାକୁ ନେଇ କଂଗ୍ରେସ ଲୋକଙ୍କ ପାଇଁ ଲଢେଇ କରୁଛି । ଦଳର ସର୍ବୋଚ୍ଚନେତ୍ରୀ ସୋନିଆଁ ଗାନ୍ଧୀ,ରାଷ୍ଠ୍ରୀୟ ସଭାପତି ମଲ୍ଲିକାର୍ଜୁନ ଖାଡଗେ,ବିରୋଧିଦଳର ନେତା ରାହୁଲ ଗାନ୍ଧୀ,ସାଂସଦ ପ୍ରୀୟଙ୍କା ଗାନ୍ଧୀ ଓ ରାଜ୍ୟରେ ପିସିସି ସଭାପତି ଭକ୍ତଚରଣ ଦାସଙ୍କ ନେତୃତ୍ୱରେ ଦଳ ଲୋକଙ୍କ ପାଇଁ ଲଢେଇ ଜାରିରଖିଛି ବୋଲି ସନ୍ତୋଷ ସିଂସାଲୁଜା କହିଛନ୍ତି । ଏହି ରକ୍ତଦାନ ଶିବିରରେ କଂଗ୍ରେସଦଳର ରାଜ୍ୟମିଡିଆସେଲ ଅଧ୍ୟକ୍ଷ ଅରବିନ୍ଦ ଦାସ,ଜନ୍ମେଜୟ ସାହୁ,ଦେବରାଜ ପଣ୍ଡା ପ୍ରମୁଖଙ୍କ ସହ ବହୁସଂଖ୍ୟାରେ କଂଗ୍ରେସନେତା ଓ କର୍ମି ଯୋଗଦେଇଥିଲେ ।