25-Dec-2025

ସିନାପାଲି ( ଚିନ୍ତାମଣି ନେତାମ )
ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ  ସିନାପାଲି  ସହର ଠାରେ  ଅବସ୍ଥିତ ରାଜଶ୍ରୀ ପବ୍ଲିକ ସ୍କୁଲର  ୧୯ ତମ ବାର୍ଷିକ କ୍ରୀଡା ପ୍ରତିଯୋଗିତା ବହୁତ ଉତ୍ସାହ ଉଦ୍ଦୀପନା ସହ ବିଦ୍ୟାଳୟ ର  ଖେଳପଡିଆ ଠାରେ ଅନୁଷ୍ଠିତ ହୋଇଯାଇଛି  l  ଏହି ଅବସରରେ ଅନୁଷ୍ଠିତ ଉଦ୍ଘାଟନୀ ସଭାରେ ରାଜଶ୍ରୀ ପବ୍ଲିକ ସ୍କୁଲ ର  ଚେୟାରମ୍ୟାନ ଶ୍ରୀଯୁକ୍ତ ରାଜେଶ କୁମାର ଅଗ୍ରୱାଲ  ସଭାପତିତ୍ୱ କରିଥିବାବେଳେ  ମୁଖ୍ୟ ଅତିଥି ଭାବରେ  ପୋଲିସ  ଏସ  ଆଈ   ଶ୍ରୀମତୀ  ରେବତୀ ପ୍ରଧାନ, ବିଶିଷ୍ଟ ଅତିଥି ଭାବରେ   ଖରସେଲ ଗ୍ରାମ ପଂଚାୟତର ସରପଞ୍ଚ  ଶ୍ରୀଯୁକ୍ତ ବୀରେନ୍ଦ୍ର କୁମାର ଖମାରୀ, ମୁଖ୍ୟ ବକ୍ତା ଭାବରେ  ଶିକ୍ଷାବିତ  ନୀଳଜି ଉ:ପ୍ରା ବିଦ୍ୟାଳୟ ର ପ୍ରଧାନ ଶିକ୍ଷକ  ଶ୍ରୀଯୁକ୍ତ ସତ୍ୟବ୍ରତ ଗହୀର,  ସମ୍ମାନିତ ଅତିଥି ଭାବରେ ଅବସର ପ୍ରାପ୍ତ ଆର୍ମି ଅଫିସର  ଶ୍ରୀଯୁକ୍ତ ଭୂପିନ୍ଦର ନାଏକ,ଏୟାରଟେଲ ଇଞ୍ଜିନିଅର ଶ୍ରୀଯୁକ୍ତ ଅଖିଳ ଚନ୍ଦ୍ର ସା, ଏବଂ ବିଦ୍ୟାଳୟ ର  ଅତିଥି ଖେଳ ପ୍ରଶିକ୍ଷକ   ଶ୍ରୀଯୁକ୍ତ  ସୁରେନ୍ଦ୍ର କୁମାର  ଯୋଗଦାନ କରିଥିଲେ l  ସ୍କୁଲର ଅଧ୍ୟକ୍ଷା ଭାଗ୍ୟବତୀ ପ୍ରଧାନ ଅତିଥି ଗଣଙ୍କୁ  ମଞ୍ଚକୁ ଆମନ୍ତ୍ରଣ କରିବା ସହ ସ୍ୱାଗତ  ଭାଷଣ ପ୍ରଦାନ କରିଥିଲେ  l  ଛାତ୍ରୀଗଣ ଅତିଥି ଗଣ ଙ୍କୁ  ଫୁଲ ଗୁଛ, ସିନ୍ଦୁର ଚନ୍ଦନ ଓ  ବ୍ୟାଚ ଦେଇ ସମ୍ମର୍ଦ୍ଧିତ କରିଥିଲେ l ଛାତ୍ରୀମାନେ ହୃଦୟ ଛୁଆଁ  ସ୍ୱାଗତ ସଂଗୀତ ଓ ନୃତ୍ୟ  ପରିବେଷଣ କରିଥିଲେ  l ତାପରେ ଅତିଥିଗଣ  ବିଦ୍ୟାଦାତା  ଶ୍ରୀଗଣେଶ ଭଗବାନ ଙ୍କ  ପ୍ରତିମୂର୍ତ୍ତି କୁ  ଫୁଲ ଚନ୍ଦନ, ଧୂପ,ଦୀପ, ନାରିକେଳ ଦେଇ ବିଦ୍ୟାଳୟ ର  ମଙ୍ଗଳ କାମନା କରିଥିଲେ l   ସ୍କୁଲ ଚେୟାରମ୍ୟାନ ଅତିସୁନ୍ଦର ଭାବରେ ସଭାକାର୍ଯ୍ୟ  ପରିଚାଳନା କରିଥିଲେ l  ମୁଖ୍ୟ ଅତିଥି ବିଦ୍ୟାଳୟ ର ମଶାଲ ସ୍ଥାପନ ଓ  ପତାକା ଉତ୍ତୋଳନ କଲାପରେ କ୍ରୀଡା ପ୍ରତିଯୋଗିତା  ଶୁଭାରମ୍ବ  ହେଲା ବୋଲି  ଅନୁଷ୍ଠାନିକ ଭାବରେ   ଘୋଷଣା କରିଥିଲେ  l ଶରୀର, ମନ ଓ   ଆତ୍ମା ର  ବିକାଶ ପାଇଁ କ୍ରୀଡା  କସରତ , ଯୋଗ ପ୍ରାଣାୟାମ ଓ ବ୍ୟାୟାମର ନିତାନ୍ତ ଆବଶ୍ୟକ ରହିଛି ବୋଲି  ଅତିଥିଗଣ ନିଜ ବକ୍ତବ୍ୟ ରେ  ମତ ରଖିଥିଲେ  l  ସଭା ଶେଷରେ ଅଧ୍ୟକ୍ଷା  ଅତିଥିଗଣଙ୍କୁ ଧନ୍ୟବାଦ ଅର୍ପଣ କରିଥିଲେ   l ନର୍ସରୀ ରୁ  ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଶ୍ରେଣୀ ଓ ବାଳକ  ବାଳିକା ୱାରୀ ଷାଠିଏଟି  ଏଭେଣ୍ଟରେ ପ୍ରାୟ ୧୮୦ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ  l ବିଜେତା ଛାତ୍ରଛାତ୍ରୀ ମାନଙ୍କୁ  ମେଡାଲ ଓ ପ୍ରମାଣ ପତ୍ର ପ୍ରଦାନ କରି  ପ୍ରଶଂସିତ କରିବା ସହ   ଅତିଥିଗଣ ଉତ୍ସାହିତ କରିଥିଲେ  l ଉକ୍ତ କ୍ରୀଡା ପ୍ରତିଯୋଗିତା ଆୟୋଜନ କରିବାରେ ବିଦ୍ୟାଳୟ ର  ସମସ୍ତ  ଶିକ୍ଷକ / ଶିକ୍ଷୟିତ୍ରୀ ଆନ୍ତରିକ ସହଯୋଗ କରିଥିଲେ  l