24-Dec-2025

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ବଡଟିକା କ୍ରୀଡା ସଂଘ ଆନୁକୂଲ୍ଯରେ ଆୟୋଜିତ ଦ୍ବିତୀୟ ରାଜ୍ଯ ସ୍ତରୀୟ ବଡଟିକା କପ୍ ଫୁଟବଲ୍ ଟୁର୍ଣ୍ଣାମେଣ୍ଟ୍ ର ପ୍ରଥମ  ସେମି ଫାଇନାଲ୍ ଖେଳ ବି୍ଏଫ୍ ସି କୁଚିଣ୍ଡା ଦଳ  ଓ  ବରଗଡ ୟୁନାଇଟେଡ୍  ମଧ୍ଯରେ ଅନୁଷ୍ଠିତ ହୋଇଥିଲା । ଆଜିର ଖେଳରେ ବି୍ଏଫ୍ ସି କୁଚିଣ୍ଡା ଟ୍ରାଇବେକର ଜରିଆରେ ରେ ବିଜୟୀ ହୋଇ ପୁଲ୍ -ଏ ରୁ ଫାଇନାଲ୍ କୁ ପ୍ରବେଶ କରିଛି । ଏହି ଅବସରରେ  ମୁଖ୍ଯ ଅତିଥି ଭାବେ ପୂର୍ବତନ ଆଗଲପୁର ବ୍ଲକ୍ ଅଧ୍ଯକ୍ଷ  ମନମୋହନ ପଟେଲ ଯୋଗଦେଇ ଥିବାବେଳେ ବଡଟିକା ଗ୍ରାମ ପଞ୍ଚାୟତ ପୂର୍ବତନ ସରପଞ୍ଚ ଅଶୋକ କୁମାର ପଟେଲ , ଆଇନଜୀବି ଦିଲିପ କୁମାର ବେହେରା, ରାଜ୍ଯ ଯୁବ କଂଗ୍ରେସ ସଭାପତି ଗଣେଶ କୁମାର ସାହୁ, ଝରଣୀପାଲି ସରପଞ୍ଚ ସୁନୀତା ସାହୁ, ଡାକ୍ତର ସଞ୍ଜିବ କୁମାର ଦୋରା, ଅବସର ପ୍ରାପ୍ତ ପୂର୍ବତନ ବଡଟିକା ଗ୍ରାମ ପଞ୍ଚାୟତ ସଂପାଦକ  ତଥା ଆଞ୍ଚଳିକ କୁଲୁତା ସମାଜର ସଂପାଦକ ନେପାଲ ବେହେରା, ବେନ୍ଦ୍ରା ସରପଞ୍ଚ ରବିନ୍ଦ୍ର ସାହୁ, ବିଏସ୍ ଏଫ୍ ଜବାନ୍ ଗିରିଧନ ରାଏ, ସମାଜସେବୀ ସୁଜିତ କୁମାର ସାହୁ ପ୍ରମୁଖ  ସମ୍ମାନୀତ ଅତିଥିଭାବେ ଯୋଗଦେଇଥିଲେ ।  ମ୍ଯାଚ୍ କମିଶନର୍ ସୁଦୟ ବାରିକ ଙ୍କ ପ୍ରତ୍ଯକ୍ଷ ତତ୍ୱାବଧାନରେ କରୁଣାକର ପଧାନ ,ସୁଧାଂଶୁ ଶେଖର ସେଠ୍,  ସଞ୍ଜିବ ମହାରଣା ଓ ରୋଶନ୍ ମେହେର ଆଜିର ଖେଳକୁ ପରିଚାଳନା କରିଥିଲେ ।   ବି୍ଏଫ୍ ସି କୁଚିଣ୍ଡା ଦଳର ସିଦ୍ଧୁ କିଶାନ ଆଜିର ଖେଳର ଶ୍ରେଷ୍ଠ ଖେଳାଳି ଭାବେ    ମୁଖ୍ଯ ଅତିଥିଙ୍କଠାରୁ ପୁରସ୍କୃତ ହୋଇଥିଲେ  ।  ବଡଟିକା କ୍ରୀଡା ସଂଘର କାର୍ଯ୍ୟକ୍ରମ ସଂଯୋଜକ ଋଷଭ ପଧାନ ମଞ୍ଚ ପରିଚାଳନା କରିଥିବା ବେଲେ  ହିମାଶୁ ଦଳପତି ଧାରା ବିବରଣୀ ପ୍ରଦାନ କରିଥିଲେ । କ୍ରୀଡା ସଂଘର ସଭାପତି ଭୁବନେଶ୍ବର ଧରୁଆ, ଉପ ସଭାପତି ଗୋପାଳ ବିଶ୍ବାଳ, ସଂପାଦକ ଅନିଋଦ୍ଧ ଭୋଇ, ସହ ସଂପାଦକ ମନରଞ୍ଜନ ବିଶ୍ବାଳ, କୋଷାଧ୍ୟକ୍ଷ ରାଜୁ ପଧାନ,   ଧନସିଂ ବାଗ ଶୁଶିଲ ବିଶ୍ବାଲ, ପୂର୍ବତନ ବରିଷ୍ଠ ଫୁଟବଲ୍ ଖେଳାଳି  ଦିଲିପ ଧରୁଆ, କ୍ରୀଡା ସଂଘ ର  ସମସ୍ତ ସଭ୍ଯ ତଥା ଗ୍ରାମବାସୀ ସହଯୋଗ କରିଥିଲେ l