23-Dec-2025

ନୂଆପଡ଼ା  (ରାମନାଥ ପଣ୍ଡା)
 ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ସ୍ନାତକ ମହାବିଦ୍ୟାଳୟରେ ଜାତୀୟ ସେବା ଯୋଜନା , ପ୍ରଶାସନ ଓ ସମ୍ବାଦର ମିଳିତ ଆନୁକୁଲ୍ୟରେ ଅନୁଷ୍ଠିତ ରକ୍ତ ଦାନ ଶିବିରରେ ଜିଲ୍ଲାପାଳ ମଧୁସୂଦନ ଦାସ ମୁଖ୍ୟ ଅତିଥି ଭାବରେ ଯୋଗଦାନ କରି ଶିବିର ଉଦଘାଟନ କରିଥିଲେ ।ଉପ ଜିଲ୍ଲାପାଳ ସୁରମୀ ସୋରେନ,ବି ଡି ଓ ସୁଶାନ୍ତ କୁମାର ରଣା, ପୂର୍ବତନ ବ୍ଲକ ଅଧ୍ୟକ୍ଷ ତଥା ବରିଷ୍ଠ ବି ଜେ ପି ନେତା ଲମ୍ବୋଦର ନିଆଳ,୯୭ ଥର ରକ୍ତ ଦାନ କରିଥିବା ଶିକ୍ଷକ କିଶୋର କୁମାର ପରିଡ଼ା,ୟାର ଅନୁଷ୍ଠାନ ସଭାପତି ମହେନ୍ଦ୍ର କୁମାର ଯୋଶୀ ଓ ବିରେନ୍ଦ୍ର ଧରୁଆ ଯୋଗଦାନ କରିଥିଲେ।ଜାତୀୟ ସେବା ଯୋଜନା ଅଧିକାରୀ ଡଃ କିଶୋର କୁମାର କର୍ଣ୍ଣଙ୍କ ଉଦ୍ୟମରେ ମହାବିଦ୍ୟାଳୟରେ ଅଧ୍ୟକ୍ଷ ଅବନୀ କୁମାର ଖମାରୀଙ୍କ ପୂର୍ଣ୍ଣ ସହଯୋଗରେ ତଥା ସମ୍ବାଦ ପକ୍ଷରୁ ସାମ୍ୱାଦିକ ଦିଲ୍ଲୀପ କୁମାର ପଣ୍ଡା ଓ ଭୀଷ୍ମ ଦେବ ହେର୍ଣ୍ଣା ଏବଂ ସାମ୍ବାଦିକ ରାମନାଥ ପଣ୍ଡାଙ୍କ ସମେତ ମହାବିଦ୍ୟାଳୟର ସମସ୍ତ ଜାତୀୟ ସେବା ସଂସ୍ଥାର ସ୍ୱେଚ୍ଛା ସେବୀ ଓ ସମସ୍ତ କର୍ମଚାରୀଙ୍କ ସହଯୋଗ ରହିଥିଲା ।ସମୁଦାୟ ୨୧ ୟୁନିଟ ରକ୍ତ ସଂଗ୍ରହ ହୋଇଥିଲା।୨୧ ଜଣ ରକ୍ତଦାତାଙ୍କ ମଧ୍ୟରେ ଜାତୀୟ ସେବା ସଂସ୍ଥାର ମହିଳା ସ୍ବେଚ୍ଛାସେବୀ ପ୍ରେମ ଶିଳା ମାଝୀ ଓ କୌଶଲ୍ୟା ମାଝୀ ସାମିଲ ଥିଲେ । ରକ୍ତ ଦାତାଙ୍କୁ ଏଚ ଡି ଏଫ୍ ସି ବ୍ୟାଙ୍କ୍ ଖରୀଆରରୋଡ ଦ୍ଵାରା ଥର୍ମୋଫ୍ଲାସ ଏବଂ ସର୍ଟିଫିକେଟ  ଜିଲ୍ଲାପାଳ ମଧୁସୂଦନ ଦାସ ପ୍ରଦାନ କରି ଉତ୍ସାହିତ କରିଥିଲେ ।