18-Dec-2025

ସିନାପାଲି(ପରମେଶ୍ଵର ମେହେର): ନୂଆପଡା ଜିଲ୍ଲା ସିନାପାଲି ବ୍ଲକ ସିନାପାଲି ପି. ଏମ. ଶ୍ରୀ ସରକାରୀ ଉଚ୍ଚ ବିଦ୍ୟାଳୟ ଠାରେ ବାର୍ଷିକ କ୍ରୀଡା ଉତ୍ସବ ୨୦୨୫ ଗୁରୁବାର ଉଦଯାପିତ ହୋଇଯାଇଛି। ଏହି କ୍ରୀଡା ଉତ୍ସବ ୨ଦିନ ଧରି ଉଚ୍ଚ ବିଦ୍ୟାଳୟ ସ୍ଥିତ ଖେଳ ପଡିଆରେ ଅନୁଷ୍ଠିତ ହୋଇଥିଲା। ପ୍ରଥମ ଦିବସରେ ଆୟୋଜିତ କ୍ରୀଡା ଉତ୍ସବ ରେ ପୂର୍ବତନ ଜିଲ୍ଲା ପରିଷଦ ସଦସ୍ୟ ପ୍ରିୟ ରଞ୍ଜନ ମେହେର ମୁଖ୍ୟଅତିଥି ଭାବେ ଯୋଗଦାନ କରି କ୍ରୀଡା ଉତ୍ସବ ଟିକୁ ଉଦଘାଟନ କରିଥିଲେ। ଏହି ଅବସରରେ ଅନୁଷ୍ଠିତ ସଭାରେ ଭାରପ୍ରାପ୍ତ ପ୍ରଧାନ ଶିକ୍ଷକ ମନୋ ରଞ୍ଜନ ମେହେର ସଭାପତିତ୍ବ କରିଥିବା ବେଳେ ସମ୍ମାନିତ ଅତିଥି ସଭାପତି ସାମ୍ୱାଦିକ ସଂଘ ଅଜିତ କୁମାର୍ ଯୋଶୀ ଓ ବରିଷ୍ଠ କ୍ରୀଡା ଶିକ୍ଷକ ଅରୁଣ ଗଡତିଆ ଯୋଗଦାନ କରିଥିଲେ। ସେହି ପରି ଦ୍ଵିତୀୟ ଦିବସରେ ଆୟୋଜିତ ସଭାରେ ଭାରପ୍ରାପ୍ତ ପ୍ରଧାନ ଶିକ୍ଷକ ମନୋରଞ୍ଜନ ମେହେର ସଭାପତିତ୍ବ କରିଥିବା ବେଳେ ମୁଖ୍ୟଅତିଥି ଗୋଷ୍ଠି ଶିକ୍ଷା ଅଧିକାରୀ ଯତୀନ୍ଦ୍ର କୁମାର ସେଠ, ସମ୍ମାନିତ ଅତିଥି ପୂର୍ବତନ ଅତିରିକ୍ତ ମସ୍ୟ ଚାଷ ଅଧିକାରୀ ପ୍ରବୀଣ କୁମାର୍ ଯୋଶୀ, ପ୍ରାକ୍ତନ ଶିକ୍ଷକ ପ୍ରଜେଶ କୁମାର ପାଣିଗ୍ରାହୀ, ଶିକ୍ଷକ ଅନିଲ କୁମାର ସା , ଶିକ୍ଷକ ମହେଶ କୁମାର୍ ମେହେର ଯୋଗଦାନ କରିଥିଲେ। ଛାତ୍ର ଛାତ୍ରୀ ମାନେ ସ୍ଥାନୀୟ ମନ୍ଦିରରୁ ଏକ ଶୋଭା ଯାତ୍ରାରେ ମଶାଲ ପଡିଆକୁ ଆଣିଥିଲେ। ପଡିଆରେ ମଶାଲ ସ୍ଥାପନ ପୂର୍ବକ କ୍ରୀଡା ପତାକା ଉତ୍ତୋଳନ କରି କ୍ରୀଡା ର ଶୁଭାରମ୍ଭ କରାଯାଇଥିଲା। ଖେଳ ଶିକ୍ଷକ ଭାଷ୍କର କୁମାର ପାତ୍ର ଓ ଅରୁଣ ଗଡତିଆ ଖେଳକୁ ପରିଚାଳନା କରିଥିଲେ। ଏହି କ୍ରୀଡା ପ୍ରତିଯୋଗିତା ରେ ୩୦୦ଜଣ ଛାତ୍ରୀ ଓ ୨୨୦ଜଣ ଛାତ୍ର ଅଂଶ ଗ୍ରହଣ କରିଥିଲେ। ପରିଶେଷରେ ଭାଷ୍କର ପାତ୍ର ଧନ୍ୟବାଦ୍ ଅର୍ପଣ କରିଥିବା ବେଳେ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ସହଯୋଗ କରିଥିଲେ।