11-Dec-2025

ଭବାନୀପାଟଣା(ପ୍ରେରଣା ଖବର)-ଆନ୍ତର୍ଜାତୀୟ ମାନବ ଅଧିକାର ଦିବସ ଅବସରରେ  ଶ୍ରମ ଵାହନୀ   ମୁକ୍ତ ବନ୍ଧକ ଶ୍ରମିକ  ସଂଘ, ଓଡ଼ିଶା ଭବାନୀପାଟଣା, କଳାହାଣ୍ଡିରେ ଏକ କାର୍ଯ୍ୟକ୍ରମ ଆୟୋଜନ କରହିଥିଲା । ଏହି କାର୍ଯ୍ୟକ୍ରମରେ ଅଧ୍ୟକ୍ଷ ଝାସକେତନ ବାଘ, ଉପାଧ୍ୟକ୍ଷ ଉପେନ୍ଦ୍ର ବାଗର୍ତି ଓ କଳାହାଣ୍ଡି ଜିଲ୍ଲା ଅଧ୍ୟାୟର ନେତୃତ୍ୱ  ପୁଣ୍ୟବତୀ କେତକୀ, ଧନଞ୍ଜୟ ରଣା, ଦିୟାଳୁ ନିଆଳ ଏବଂ ସଂଗଠନର ଅନ୍ୟାନ୍ୟ ସଦସ୍ୟମାନଙ୍କ ଉପସ୍ଥିତିରେ ପରିଚାଳନା କରାଗଲା। ଉକ୍ତ
କାର୍ଯ୍ୟକ୍ରମରେ ଭବାନୀପାଟଣା ଜେଲ୍‌ ଛକରୁ ଜିଲ୍ଲାପାଲ୍ ଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଏକ ଶାନ୍ତିପୂର୍ଣ୍ଣ ସମାବେଶ ଆୟୋଜିତ ହୋଇଥିଲା, ଯେଉଁଥିରେ 50 ଜଣ ମୁକ୍ତ ବନ୍ଧକ ଶ୍ରମିକ ଅଂଶଗ୍ରହଣ କରିଥିଲେ । ସମାବେଶ ସମୟରେ ସଭ୍ୟମାନେ ବନ୍ଧୁଆ ଶ୍ରମ ସମ୍ପର୍କିତ ସଚେତନତା ବାର୍ତ୍ତା ସହ ଲିଫଲେଟ୍  ବିତରଣ କରିଲେ l 
ଜିଲ୍ଲାପାଳଙ୍କ କାର୍ଯ୍ୟାଳୟ ପହଞ୍ଚିବା ପରେ ସଂଘ ତରଫରୁ  ଜିଲ୍ଲାପାଲ୍ ଏକ  ଦାବିପତ୍ର ପ୍ରଦାନ କରାଗଲା । ଦାବିଗୁଡ଼ିକ ମଧରେ

• କେନ୍ଦ୍ରୀୟ କ୍ଷେତ୍ର ଯୋଜନା ଅନ୍ତର୍ଗତ ଅବଶିଷ୍ଟ ପୁନର୍ବାସ ଧନରାଶି ମୁକ୍ତି।
• ପ୍ରଧାନମନ୍ତ୍ରୀ ଆବାସ ଯୋଜନା ଅନ୍ତର୍ଗତ ଆବାସ ସୁବିଧା ପ୍ରଦାନ।
• ଜିଲ୍ଲାର ବନ୍ଧୁଆ ଶ୍ରମ ନିରୀକ୍ଷଣ କମିଟିର କାର୍ଯ୍ୟକ୍ଷମ ସଞ୍ଚାଳନ।

ଜିଲ୍ଲାପାଲ୍ ଦାବି ଗୁଡ଼ିକ ଶୁଣି ଜିଲ୍ଲାର ସମସ୍ତ ମୁକ୍ତ ବନ୍ଧୁଆ ଶ୍ରମିକଙ୍କୁ ସମସ୍ତ ଯୋଗ୍ୟ ସୁବିଧା ସକ୍ରିୟଭାବରେ ପ୍ରଦାନ କରାଯିବ ବୋଲି ଆଶ୍ୱାସନ ଦେଇଥିବାରୁ ସଂଘ ତରଫରୁ ଖୁସି ହୋଇ ଜିଲ୍ଲାପାଳଙ୍କୁ ଧନ୍ୟବାଦ୍  ଅର୍ପଣ କରିଛନ୍ତି।