31-Jan-2021

ବଲାଙ୍ଗିର,-(ପ୍ରେରଣା ଖବର)- ବଲାଙ୍ଗୀର ରେ ପ୍ରଥମ ଥର ପାଇଁ ଏକ ଅତ୍ୟାଧୁନିକ ଏଡ୍ ଭେଞ୍ଚର୍ ପାର୍କ ଏ ଥ୍ରୀ ୱାର୍ଲ୍ଡ ଲୋକାର୍ପିତ ହୋଇଯାଇଛି l ଆଜି ବଲାଙ୍ଗିର ସହରରୁ ମାତ୍ର 7 କିମି ଦୂର ଉଡ଼ାର ପଞ୍ଚାୟତ ଅଧୀନରେ ଥିବା ଏକ ବନ ପାହାଡ ଘେରା ଜଲିଆ ଅଞ୍ଚଳରେ ଏହାର ଶୁଭାରମ୍ଭ ହୋଇଛି l ଏହି ଅବସରରେ ଏ ଥ୍ରୀ ୱାର୍ଲ୍ଡ ପରିସରରେ ଅନୁଷ୍ଟିତ ଏକ ସମାରୋହରେ ଓଡିଶା ପର୍ଯ୍ୟଟନ ଉନ୍ନୟନ ନିଗମ ର ଅଧ୍ୟକ୍ଷl ଶ୍ରୀମୟୀ  ମିଶ୍ର ମୁଖ୍ୟ ଅତିଥି ଭବରେ ଯୋଗ ଦେଇ ଏହି ଅତ୍ୟାଧୁନିକ ପାର୍କ କୁ ଉଦଘାଟନ କରିଥିଲେ l ସମ୍ମାନିତ ଅତିଥି ଭବରେ ବଲାଙ୍ଗିର ଜିଲ୍ଲାପାଳ ଚାଞ୍ଚଲ୍ ରାଣl  ଓ ବଲାଙ୍ଗିର ଏସ୍ ପି ନୀତିନ୍ କୁଶଳରେ  ମଞ୍ଚାସୀନ ରହି  ବ୍ୟସ୍ତ ବହୁଳ ଜୀବନରେ ବଲାଙ୍ଗିର ଜିଲ୍ଲାବାସୀଙ୍କ ମନୋରଞ୍ଜନ ପାଇଁ ଏପରି ଏକ ପାର୍କ ର ଆବଶ୍ୟକତା ଥିଲା ବୋଲି କହିଥିଲେ l ସଭା ପ୍ରାରମ୍ଭରେ ଜିଲ୍ଲା ମଧୁ ବୈଶ୍ୟ ସମାଜର ଉପସଭାପତି ମନୋରଞ୍ଜନ ସାହୁ ପ୍ରାରମ୍ଭିକ ସୂଚନା ଦେବା ସହିତ ସଭା ସଂଯୋଜନା କରିଥିଲେ l ଏ ଥ୍ରୀ ୱାର୍ଲ୍ଡ ର ସତ୍ୱାଧିକାରୀ ସ୍ମାରକ ସରାଫ ଏହି ପାର୍କ ରେ ଉପଲବ୍ଧ ସୁବିଧା ଓ ଆମୋଦ ପ୍ରମୋଦ ର ବିଭିନ୍ନ ଦିଗ ଉପରେ ଆଲୋଚନା କରିବା ସହ ସଭା ଶେଷରେ ଧନ୍ୟବାଦ ଅର୍ପଣ କରିଥିଲେ l କାର୍ଯ୍ୟକ୍ରମ କୁ ସଫଳ କରିବାରେ  ଅମ୍ବରିଷ ସରାଫ, ପ୍ରୀତି ସରାଫ, ଅମିତାଭ ସରାଫ, ସନ୍ତକ ସରାଫ, ରମେଶ ସାହୁ ପ୍ରମୁଖ ସହଯୋଗ କରିଥିଲେ l
   ସୂଚନାଯୋଗ୍ୟ, ପ୍ରାୟ ଚାରି ଏକର ପରିମିତ ଜମିରେ ଗଢି ଉଠିଥିବା ଏହି ମନୋରମ ଉଦ୍ୟାନ ଉଭୟ ଶିଶୁ ଓ ବଡ ମାନଙ୍କୁ ବହୁଳ ଭବରେ ଆକୃଷ୍ଟ କରିବ ବୋଳି ଆଶା କରାଯାଉଛି l  

ଆାଗାମୀ ଦିନରେ ଏଠାରେ ପର୍ଯ୍ୟଟକ ମାନଙ୍କୁ ଆକୃଷ୍ଟ କରିବା ପାଇଁ ବୋଟିଂ ପାର୍କ ସହ ଟୋୟ ଟ୍ରେନ ର ବ୍ୟବସ୍ଥା କରାଯିବ ବୋଲି ସତ୍ୱାଧିକାରୀ ସ୍ମାରକ ସରାଫ ସୂଚନା ଦେଇଛନ୍ତି l