31-Jan-2021

ବଲାଙ୍ଗୀର,,ମୁରିବାହାଲ, (ପ୍ରେରଣା ଖବର):ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଅଞ୍ଚଳରେ କାର୍ଯ୍ୟରତ ଥିବା ରେଞ୍ଜର ପ୍ରଶାନ୍ତ ନାୟକଙ୍କୁ ଗତ ମାସ ଡିସେମ୍ବର ୪ ତାରିଖରେ ଆୟ ବହିର୍ଭୂତ ସଂପତ୍ତି ଠୁଳ ମାମଲାରେ ଭିଜିଲାନ୍ସ ପକ୍ଷରୁ ତାଙ୍କ ଅଫିସ ଓ ଟିଟିଲାଗଡ ସ୍ଥିତ ବାସଗୃହ ଉପରେ ଚଢ଼ାଉ କରି ତାଙ୍କୁ ଗିରଫ କରାଯାଇଥିଲା ।  ଏହି ଘଟଣା ସାରା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଥିଲା  । ସୂଚନା ଅନୁଯାୟୀ ବିଭିନ୍ନ ଯୋଜନା ଆଳ ରେ ରେଞ୍ଜର ଶ୍ରୀ ନାୟକଙ୍କ ଦ୍ୱାରା କୋଟି କୋଟି ଟଙ୍କା ଖର୍ଚ୍ଚ ହୋଇଥିବା ଦର୍ଶାଯାଇଥିବା ସୂଚନା ଦିଆଯାଇଥିଲା । ହେଲେ କଗଜକଲମରେ ସବୁ ଯୋଜନା କାର୍ଯ୍ୟକାରୀ କରି କୋଟି କୋଟି ଟଙ୍କାର ଜାଲ, ବିଲ ଭାଉଚର କରି ସମସ୍ତ ରାଶି ହଡପ କରିଥିଲେ । ଅଧିକାଂଶ ପ୍ରକଳ୍ପରେ ମହାଦୁର୍ନୀତି ହୋଇଥିବା ତଦନ୍ତରୁ ଜଣାପଡ଼ିଥିଲା। ଦୁର୍ନୀତିଗ୍ରସ୍ତ ଅଧିକାରୀଙ୍କ ବିରୋଧରେ ରାଜ୍ୟ ସରକାର ଜୋର ଦେଇ ଶୁକ୍ରବାର ୯ଜଣଙ୍କୁ ବାଧ୍ୟତାମୂଳକ ଅବସର ଦେଇଛନ୍ତି। ଆୟ ବହିର୍ଭୂତ ସଂପତ୍ତି ଠୁଳ ମାମଲାରେ ବନ ବିଭାଗର ରେଞ୍ଜର ଶ୍ରୀ ନାୟକଙ୍କୁ ମଧ୍ୟ ବାଧ୍ୟତାମୂଳକ ଅବସର ଦିଆଯାଇଥିବା ସୂଚନା ମିଳିଛି। ବଲାଙ୍ଗୀର ଫରେଷ୍ଟ ଡିଭିଜନ ସୂତ୍ରରୁ ପ୍ରକାଶ ପାଇଛି ।