26-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ସହର ର ପୁରୁଣା ବସ୍ତି ସରକାରୀ ବାଳିକା ହାଇସ୍କୁଲ ଛକ ଠାରୁ ବଡ଼ବଜାର ରାସ୍ତା ପୌର ପରିଷଦ ପକ୍ଷରୁ ନୂତନ ଭାବରେ ତିଆରି ହୋଇଛି । ଦୀର୍ଘଦିନ ଧରି ଅବହେଳିତ ଅବସ୍ଥାରେ ପଡି ରହିଥିବା ରାସ୍ତା ନୂତନ ଓ ଚକାଚକ୍ ଭାବରେ ତିଆରି ହେଲା ସମସ୍ତେ ଖୁସି ହେଲେ କିନ୍ତୁ ଏହା ବରିଷ୍ଟ ନାଗରିକ ତଥା ଭିନ୍ନକ୍ଷମ ମାନଙ୍କ ପାଇଁ ନାହିଁ ନ ଥିବା ଦୁଃଖ ଆଣି ଦେଇଛି । ଗାର୍ଲ୍ସ ହାଇସ୍କୁଲ ଠାରୁ ବଡ଼ବଜାର ୫୦୦ ମିଟର କୁ ୧୦ ଟି ହମ୍ପସ ତାହା ପୁଣି ସହରୀ କରଣ ହମ୍ପସ ନ ହୋଇ ପିଚୁ ରେ ତିଆରି ବଡ଼ ବଡ଼ ହମ୍ପସ ହୋଇ ଥିବାରୁ ସ୍କୁଟି ତଥା ବାଇକ ର ତଳ ପଟ ଇଞ୍ଜିନ ରେ ବାଜି ଲୋକ ଙ୍କ କ୍ଷୟ କ୍ଷତି ହେଉଛି  । ଭିନ୍ନକ୍ଷମ ମାନଙ୍କ ତିନି ଚକିଆ ସାଇକଲ ନେବାରେ ବହୁ ଅସୁବିଧା ସୃଷ୍ଟି ହେଉଥିବା ଦେଖିବାକୁ ମିଳୁଥିବା ଅଭିଯୋଗ ହେଉଛି । ବଡ ବଡ ହମ୍ପସ ପାଇଁ ପ୍ରତ୍ୟହ ଛୋଟ ଛୋଟ ଦୁର୍ଘଟଣା ଘଟୁଥିବା ଦେଖା ଯାଉଛି । ସହର ମଧ୍ୟରେ ହମ୍ପସ ନିର୍ମାଣ ବେନିୟମ ହୋଇଥିବା ବେଳେ କିଛି ଗୁରୁତ୍ଵପୂର୍ଣ୍ଣ ସ୍ଥାନ ଯଥା ଗାର୍ଲ୍ସ ହାଇସ୍କୁଲ ଏବଂ ଟିକିରିପଡା ଦୂର୍ଗାପୂଜା ମଣ୍ଡପ ନିକଟରେ କେବଳ ତିନି ଚାରି ଗୋଟି ନୂତନ ଶୈଳୀ ରେ ହମ୍ପସ ନିର୍ମାଣ ହୋଇଥିଲେ ମଧ୍ୟ ଦୁର୍ଘଟଣା ରୋକା ଯାଇ ପାରିବ l  କିନ୍ତୁ ଏହା ପୌର ପ୍ରଶାସନ ନା କାହାର ମାନମନୀ ଏ ନେଇ ବୁଦ୍ଧିଜୀବି ପ୍ରଶ୍ନ କରିଥିବା ବେଳେ ପୌର ଅଧିକାରୀ ୠଷି ମାଝୀ ଙ୍କ ଦୃଷ୍ଟି ଆକର୍ଷଣ କରିବାରୁ ସ୍ଥାନୀୟ କିଛି ଯୁବକ ଙ୍କ ଅଭିଯୋଗ କ୍ରମେ ଏହା ନିର୍ମାଣ କରାଯାଇଥିବା କଥା କହିଥିଲେ । ତୁରନ୍ତ ବେଆଇନ ହମ୍ପସ ରାସ୍ତା ରୁ ହଟାଯିବା ସହ ଗୁରୁତ୍ଵପୂର୍ଣ୍ଣ ସ୍ଥାନରେ ନୂତନ ଭାବରେ ଆସୁଥିବା ସ୍ପିଡ୍ ବ୍ରେକର ଦିଆଯିବା ପାଇଁ ଜନସାଧାରଣ ତଥା ବୁଦ୍ଧିଜିବୀ ମହଲ ରେ ଦାବୀ ହେଉଛି ।