26-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଫୁଲମୁଠି ସ୍ଥିତ ଭବିଷ୍ୟ ଇଂଲିଶ ମିଡିୟମ ସ୍କୁଲରେ ବିଜ୍ଞାନ ମେଳା ଅନୁଷ୍ଟିତ ହୋଇଯାଇଛି ।ଏଥିରେ ସର୍ବମୋଟ ୧୧୦ଟି ପ୍ରକଳ୍ପ ଛାତ୍ରଛାତ୍ରୀ ମାନଙ୍କ ଦ୍ଵାରା ପ୍ରଦର୍ଶିତ ହୋଇଥିଲା।ସେଥିରୁ ୨୧ଟି ପ୍ରକଳ୍ପ ଖାଦ୍ୟ ପ୍ରକ୍ରିୟା କରଣ ଥିବା ବେଳେ କ୍ରାଫ୍ଟ ଏବଂ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା।ମେଲାକୁ ବିନିକା ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ଭୋଇ ଉଦ୍ଘାଟନ କରିଥିଲେ।ବିଜ୍ଞାନ ମେଳାରେ ବିଚାରକ ଭାବେ ଗୌରୀ ଶଙ୍କର ହୋତା,ପ୍ରହଲ୍ଲାଦ ପଣ୍ଡା,ଅଭିନାସ ପଣ୍ଡା,ଭବାନି ଶଙ୍କର ମେହେର,ଅଭିଷେକ ନାଏକ ପ୍ରମୁଖ ଦାୟିତ୍ଵ ନିର୍ବାହ କରି ଛାତ୍ରଛାତ୍ରୀଙ୍କ ଦ୍ବାରା ପ୍ରଦର୍ଶିତ ପ୍ରକଳ୍ପ ଚୟନ କରିଥିଲେ ।ସ୍କୁଲ ଅଧ୍ୟକ୍ଷା ସସ୍ମିତା ସାମନ୍ତରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଯାପନୀ ଉତ୍ସବରେ ବିନିକା ତହସିଲଦାର ରେଶ୍ମା ଭୋଇ ମୁଖ୍ୟ ଅତିଥି,ଭବିଷ୍ୟ ଚାରିଟେବୁଲ ଟ୍ରଷ୍ଟ ମେନେଜିଂ ଡାଇରେକ୍ଟର ସୁଧାଂଶୁ ଶେଖର ଦାଶ,ଏକାଡେମୀ ଏଡଭାଇଜର ଡ଼ ଭବାନି ଶଙ୍କର ମେହେର ସମ୍ମାନିତ ଅତିଥି ଭାବେ ଯୋଗଦେଇଥିଲେ ।ସଭାକୁ ଶିକ୍ଷକ ମନୋଜ କୁମାର ନାୟକ ସଂଯୋଜନା କରିଥିବା ବେଳେ ଶିକ୍ଷୟତ୍ରୀ ପ୍ରତୀକ୍ଷାରାଣୀ ମେହେର ଧନ୍ୟବାଦ ଅର୍ପଣ କରିଥିଲେ।ମେଳା ପରିଚାଳନାରେ ସ୍କୁଲ କମିଟି ସଦସ୍ୟ,ଶିକ୍ଷକ/ଶିକ୍ଷୟତ୍ରୀ ସହଯୋଗ କରିଥିଲେ।