26-Nov-2025

ବଲାଙ୍ଗୀର, ଆଜି ଜେଏସ୍ଏମ୍  ଆର୍ଟସ, କମର୍ସ ଏଣ୍ଡ ସାଇନ୍ସ କଲେଜ ଆନୁକୂଲ୍ୟରେ ସମ୍ବିଧାନ ଦିବସ  ପାଳିତ ହୋଇ ଯାଇଛି l କଲେଜର ଅଧ୍ୟକ୍ଷ ଡ. ମନସ୍ମିତା ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବରେ ସ୍ଥାନୀୟ ଯୁଧିଷ୍ଟିର ମିଶ୍ର ଆଇନ ମହାବିଦ୍ୟାଳୟର ପ୍ରଫେସର ଚଣ୍ଡିପ୍ରସାଦ ଖମାରୀ ଯୋଗ ଦେଇ ସମ୍ବିଧାନର ଜନକ ଡ. ଭୀମରାଓ ଆମ୍ବେଦକରଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ୱଳନ କରି ସଭାକୁ ଉଦ୍ଘାଟନ କରିଥିଲେ । ମୁଖ୍ୟ ଅତିଥି ଶ୍ରୀ ଖମାରୀ ନିଜ ବକ୍ତବ୍ୟରେ

କହିଥିଲେ ଯେ, ଭାରତୀୟ ସମ୍ବିଧାନ କେବଳ ଆମ ଦେଶର ଇତିହାସର ଏକ ଅଧ୍ୟାୟ ନୁହେଁ ଏହା ହେଉଛି ଜୀବନ୍ତ ଏକ ସଂକଳ୍ପ, ଯାହା ପ୍ରତ୍ୟେକ ପିଢ଼ିକୁ ନ୍ୟାୟ, ସ୍ୱାଧୀନତା ଓ ଜାତୀୟ ଏକାତର ପଥରେ ଦୃଢ଼ତାର  ସହ ଅଗ୍ରସର ହେବାର ପ୍ରେରଣା ଦେଇ ଆସୁଛି ।  କଲେଜର ମୁଖ୍ୟ ଉପଦେଷ୍ଟା ମନୋରଂଜନ ସାହୁ ସମ୍ବିଧାନ ଦିବସ ଠିକ ହିସାବରେ କାର୍ଯ୍ୟକାରୀ ନହେଲେ ସମ୍ବିଧାନ ପ୍ରଣେତାଙ୍କ ପରିଶ୍ରମ ମୂଲ୍ୟହୀନ ହୋଇଯିବ ବୋଲି କହିଥିଲେ । କେଲଜର ପ୍ରତିଷ୍ଠାତା ସିଏ ଶ୍ରୀକାନ୍ତ ଶର୍ମା ଓ ନିଦ୍ଦେର୍ଶକ ପୀତବାସ ପଣ୍ଡା ଆଜି ଦିବସର ପ୍ରଚାର ପ୍ରସାରର ଆବଶ୍ୟକତା ଅଛି ବୋଲି ମତବ୍ୟକ୍ତ କରିଥିଲେ । ରାଜନୀତି

ବିଜ୍ଞାନର ବିଭାଗୀୟ ମୁଖ୍ୟ ସ୍ମୃତିସ୍ମରଣିକା ବେଚ୍ ସ୍ୱାଗତ ଭାଷଣ ଦେଇ ସମ୍ବିଧାନର ଧାରା ସଂପର୍କରେ ବର୍ଣ୍ଣନା କରିଥିଲେ । କଲେଜର ଛାତ୍ରୀ ସୁମିତ୍ରା ଭଞ୍ଜ, ରୋଜାଲିନ ବେହେରା, ପଦ୍ମାଳୟା ଷଡଙ୍ଗୀ ପ୍ରମୁଖ ମତବିନିମୟ କାର୍ଯ୍ୟକ୍ରମରେ ଭାଗ ନେଇଥିଲେ । କାର୍ଯ୍ୟକ୍ରମକୁ ଅଧ୍ୟାପିକା ଏବିରାମ ଲିପ୍ସା ସଂଯୋଜନା କରିଥିବା ବେଳେ କ୍ରିଷ୍ଣା ମିଶ୍ର ଧନ୍ୟବାଦ ଅର୍ପଣ କରିଥିଲେ । ଏହି  କାର୍ଯ୍ୟକ୍ରମରେ କଲେଜର ସମସ୍ତ ଛାତ୍ରଛାତ୍ରୀ, କର୍ମଚାରୀ ଓ ଅଧ୍ୟାାପକ, ଅଧ୍ୟାପିକା ମାନେ ସହଯୋଗ କରିଥିଲେ  ।