26-Nov-2025

ବଲାଙ୍ଗୀର, ୨୬ ନଭେମ୍ବର: ସମ୍ବିଧାନ ଦିବସ ଅବସରରେ ଜିଲ୍ଲା ଓବିସି ମଞ୍ଚ ପକ୍ଷରୁ ଏକ ଆଲୋଚନା ଚକ୍ର ଓ ମଞ୍ଚର ପୁନର୍ଗଠନ କାର୍ଯ୍ୟକ୍ରମ ଆୟୋଜିତ ହୋଇଥିଲା। ରାଜ୍ୟ ଓବିସି ମଞ୍ଚ ସଭାପତି ଶଙ୍କର ପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ରାଜ୍ୟ କୋଷାଧ୍ୟକ୍ଷ ପ୍ରଦେଶୀ ବିଶ୍ୱାଳ ମୁଖ୍ୟ ବକ୍ତା ଭାବେ ଯୋଗଦେଇ ସମ୍ବିଧାନର ମହତ୍ତ୍ୱ ଓ ଓବିସି ସମୁଦାୟର ଅଧିକାର ଉପରେ ଆଲୋକପାତ କରିଥିଲେ।କାର୍ଯ୍ୟକ୍ରମରେ ଜିଲ୍ଲା ଓବିସି ମଞ୍ଚର ନୂଆ କମିଟି ଗଠନ କରାଯାଇଥିଲା। ନୂତନ କର୍ମକର୍ତ୍ତା ରେ ସଭାପତି ଶଙ୍କର ପାତ୍ର,ଉପ ସଭାପତି

କିଶୋର ଚନ୍ଦ୍ର ସାଏ ସମ୍ପାଦକ ପ୍ରଦେଶୀ ବିଶ୍ଵାଲ,ଜତି ପ୍ରଧାନ ଙ୍କୁ ସହ ସମ୍ପାଦକ, ବ୍ରଜଭୁଷଣ ସାଏ ଙ୍କୁ କାର୍ଯକାରୀ ସମ୍ପାଦକ, ମଧୁସୂଦନ ଖେତୀ ଙ୍କୁ କୋଷାଧ୍ୟକ୍ଷ ଏବଂ ଶେଷଦେବ ପୁଟେଲ, ସରସ୍ଵତୀ ସାହୁ, ମଞରୀ ପଟେଲ,ସୁବାସୀନି ସାହୁ,ଉତ୍ତମ ଖମାରୀ , ନିରଞ୍ଜନ ଡାଙ୍ଗ ଙ୍କୁ କମିଟି ସଦସ୍ୟ ଭାବରେ ମନୋନୀତ କରାଗଲା।ଦିନବନ୍ଧୁ ନାଏକ, , ମନୋରଞ୍ଜନ ସାହୁ, ପୁର୍ଣ୍ଣଚନ୍ଦ୍ର ବିଶ୍ବାଳ ପ୍ରମୁଖ ସମ୍ବିଧାନ ସଚେତନତା ଉପରେ

ଉଦବୋଧନ ଦେଇଥିଲେ ଓବିସି ମଞ୍ଚ ସଂଯୋଜକ ସରୋଜ କୁମାର ମେଶ୍ୱା ଧନ୍ୟବାଦ ଅର୍ପଣ କରି କହିଥିଲେ ଯେ, ଏହି କାର୍ଯ୍ୟକ୍ରମ ସମ୍ବିଧାନର ଆତ୍ମାକୁ ବୁଝାଇବା ସହ ଓବିସି ସମୁଦାୟକୁ ଏକଜୁଟ କରିବାରେ ସଫଳ ହୋଇଛି। ଜିଲ୍ଲାର ବିଭିନ୍ନ ସ୍ଥାନରୁ ଆସିଥିବା ପ୍ରତିନିଧିଙ୍କ ଉପସ୍ଥିତି ଏହାକୁ ଅର୍ଥପୂର୍ଣ୍ଣ କରିଥିଲା। ଆଗକୁ ମଞ୍ଚ ଆହୁରି ସକ୍ରିୟ ହେବ ବୋଲି ଆଶା ପ୍ରକାଶ କରାଯାଇଛି।