26-Nov-2025

ବିନିକା(ହିମାଂଶୁ ଶେଖର ପୁଟେଲ)ପର୍ଯ୍ୟଟନ ସ୍ଥଳୀ ବିନିକାର ପୁଣ୍ୟପୀଠ ପାପକ୍ଷୟର ଐତିହାସିକ କିମ୍ବଦନ୍ତୀକୁ ପ୍ରଚାର ପ୍ରସାର କରିବାର ଉଦ୍ଦେଶ୍ୟ ନେଇ ଏବଂ ଏ ଅଞ୍ଚଳର କଳା,ସଂସ୍କୃତିକୁ ବଞ୍ଚାଇବା ପାଇଁ ପ୍ରତିବର୍ଷ ଆୟୋଜିତ ହୋଇ ଆସୁଛି ପାପକ୍ଷୟ ଲୋକ ମହୋତ୍ସବ।ଏହି ପରିପ୍ରେକ୍ଷୀରେ ଆସନ୍ତା ନବବର୍ଷ ଜାନୁଆରୀ ୧୧ତାରିଖରୁ ୧୪ତାରିଖ ପର୍ଯ୍ୟନ୍ତ ୪ଦିନ ଧରି ଅନୁଷ୍ଠିତ ହେବାକୁ ଯାଉଥିବା ଲୋକ ମହୋତ୍ସବ ପାଇଁ ନୂତନ କାର୍ଯ୍ୟାଳୟ ଉଦ୍ଘାଟିତ ହୋଇଯାଇଛି । ଦେବୀ ଦୁର୍ଗାଙ୍କ ମନ୍ଦିରରେ ପୂଜକଙ୍କ ମନ୍ତ୍ର ଉଚ୍ଚାରଣ ପରେ ମହୋତ୍ସବ କମିଟି ସଭାପତି ପ୍ରଶାନ୍ତ ଦଣ୍ଡସନା ରୀତିନୀତି ଅନୁଯାୟୀ ପୂଜାର୍ଚ୍ଚନା କରିଥିଲେ।ପରେ ଏନଏସି ଉପାଧକ୍ଷା ତପସ୍ଵିନୀ ମେହେର ଓ ସମାଜସେବୀ ଜ୍ୟୋତିରେଖା ମିଶ୍ର ପୁଣ୍ୟ କଳସ ଧରି ମହୋତ୍ସବ କାର୍ଯ୍ୟାଳୟକୁ ଆସିଥିଲେ ।ସମସ୍ତ କମିଟି କର୍ମକର୍ତ୍ତାଙ୍କ ଉପସ୍ଥିତିରେ ଦୁର୍ଗା ପୂଜା କମିଟି ସଭାପତି ସନ୍ତୋଷ ପଣ୍ଡା ଫିତା କାଟି ନୂତନ କାର୍ଯ୍ୟାଳୟକୁ ଉଦ୍ଘାଟନ କରିଥିଲେ ।ଏହି ଅବସରରେ କମିଟି ଉପଦେଷ୍ଟା ଆଇନଜୀବୀ ସୁଧାଂଶୁ ଶେଖର ଦାଶ,ସମ୍ପାଦକ ଧର୍ମେନ୍ଦ୍ର ସାହୁ,କୋଷାଧ୍ୟକ୍ଷ କାହ୍ନୁଚରଣ,ବିଜୟ ବରାଇ,ଗୋପୀନାଥ ପଣ୍ଡା,ମଧୁସୂଦନ ଖେତି,ଧର୍ମେନ୍ଦ୍ର ଥନାପତି,ଦୀନବନ୍ଧୁ ମେହେର,ଅଜିତ ଦାଶ,ଶ୍ରୀକାନ୍ତ ସାହୁ,ତପନ ସାହୁ,ଶାଶ୍ଵତ ତ୍ରିପାଠୀ,କେଦାର ପଣ୍ଡା,ବିଶେଶ୍ୱର ସେଠୀ,ରବୀନ୍ଦ୍ର ପାତ୍ର,ଧୁବୁଲେ ବାରିକ,ଗୋବିନ୍ଦା ମହାଣା,ଜିତୁ ମଲ୍ଲିକ ପ୍ରମୁଖଙ୍କ ସମେତ କମିଟିର ସମସ୍ତ ସଦସ୍ୟ ଉପସ୍ଥିତ ଥିଲେ।