23-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) ସୋନପୁର ମହାବିଦ୍ୟାଳୟ ଠାରେ ଦୁଇ ଦିନ ଧରି ଏକ ସଫେଇ କାର୍ଯକ୍ରମ ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟରେ ନୂତନ ପ୍ରିନ୍ସିପାଲ ଭାବରେ ପ୍ର. ରାଧାକାନ୍ତ ନାୟକ ଯୋଗ ଦେବା ପରେ କଲେଜ ରେ ଲାଗି ରହିଥିବା ବିଭିନ୍ନ ସମସ୍ୟା ବିଷୟରେ ଅବଗତ ହୋଇ ତାହାର ତ୍ଵରିତ ସମାଧାନ ଦିଗରେ ବିଭିନ୍ନ ପଦକ୍ଷେପ ନେଉଥିବା ଦେଖାଯାଇଛି । ଦୀର୍ଘ ବର୍ଷ ହେବ କଲେଜ ପରିସରରେ ଥିବା ବଗିଚା ଏବଂ ଅନାବନା ବୃକ୍ଷ କଲେଜ ପରିସରକୁ କବଳିତ କରିଥିବା ବେଳେ ପ୍ର. ଶ୍ରୀ ନାୟକ ଙ୍କ ଉଦ୍ୟମରେ ଏବଂ କଲେଜ ଆଲୁମିନୀ ସଂଘ କର୍ମକର୍ତ୍ତାଙ୍କ ସହଯୋଗରେ ଦୁଇ ଦିନ ଧରି ସଫେଇ କାର୍ଯକ୍ରମ ହୋଇଯାଇଛି । ଏହି ସଫେଇ ଅଭିଯାନ ରେ ଆଲୁମିନୀ ସଂଘ କୁ ପ୍ରତ୍ୟକ୍ଷ ସହଯୋଗ କରିଥିଲେ ଭୂର୍ଷାପାଲି ଓ ଲୁପୁରସିଂହା ଯୁବ ଗୋଷ୍ଠୀ । 
ବିନା ପାରିଶ୍ରମିକ ନେଇ ସେବା ମନୋବୃତି ନେଇ ପ୍ରଥମ ଦିନ ୭ ଜଣ ଓ ଦ୍ଵିତୀୟ ଦିନ ୧୩ ଜଣ ଯୁବଗୋଷ୍ଠୀ ଟାଙ୍ଗିଆ , ତିନି ଗୋଟି ଗ୍ରାସ କଟର୍ ମେସିନ, ଗୋଟିଏ ଗଛ କଟା ମେସିନ କେବଳ ତେଲ ଖର୍ଚ୍ଚ ନେଇ ଆଲୁମିନୀ ସଂଘ କୁ ସହଯୋଗ କରିଥିଲେ । ଏହି ସଫେଇ ଅଭିଯାନ ରେ ଭୂର୍ଷାପାଲି ଓ ଲୁପୁରସିଂହା ଗ୍ରାମର ଆଲୁମିନୀ ସଂଘ ର କର୍ମକର୍ତ୍ତା ବଳଦେବ ଦେହେରୀ ଙ୍କ ସହ ବ୍ୟାସଦେବ ମହାକୁଡ, ରାଧାକାନ୍ତ ମହଲିଙ୍ଗ, ରାଜୀବ ବସ୍ତିଆ, ଝାଣ୍ଟୁ ବରିହା, ସଂଗ୍ରାମ ଦାସ, ଜଗନ୍ନାଥ ମେଲ୍ଲୀ ଓ ରଜତ ମେଲ୍ଲୀ ପ୍ରମୁଖ ଙ୍କ ସହ ୧୩ ଜଣ ଯୁବଗୋଷ୍ଠୀ ସାମିଲ ହୋଇଥିଲେ ।

କଲେଜ ର ପ୍ରିନ୍ସିପାଲ୍ ପ୍ର. ରାଧାକାନ୍ତ ନାୟକ ଙ୍କ ତତ୍ବାବଧାନରେ ଅନୁଷ୍ଠିତ ଏହି କାର୍ଯକ୍ରମରେ କଲେଜ ଏନସିସି ର ଲେଫ୍ଟେନାଣ୍ଟ ଆଶିଷ ଅଗ୍ରୱାଲ, ଦୁର୍ଜନି ସାହୁ, ଉମାକାନ୍ତ ନାଗ ଏବଂ ଆଲୁମିନୀ ସଂଘ ର ସମ୍ପାଦକ ଭାରତ ଭୂଷଣ ଦାଶ, ବିଶ୍ୱବୀର ମିଶ୍ର, ସୁଧିର ପଣ୍ଡା, ରାଜ କିଶୋର ତ୍ରିପାଠୀ ଙ୍କ ଉପସ୍ଥିତିରେ ସଫେଇ କାର୍ଯକ୍ରମ ସୁରୁଖୁରୁରେ ଅନୁଷ୍ଠିତ ହୋଇଯାଇଛି । କ୍ୟାମ୍ପସ ର ଏଇ ସ୍ୱଚ୍ଛତା ଅଭିଯାନ କାର୍ଯ୍ଯ କ୍ରମ କୁ ସହର ର ବୁଦ୍ଧିଜୀବି ପ୍ରଶଂସା କରି ଥିବା ବେଳେ ଆଗକୁ ଏଇ କଲେଜ ର ଶିକ୍ଷା ସହ ସ୍ୱଚ୍ଛତା ଓ ସମଗ୍ର ପରିବେଶ ର ସଂସ୍କାର ଆଣିବା ର   ନୂତନ କଲେଜ ଅଧ୍ୟକ୍ଷ ଓ ଆଲୁମିନି କମିଟି ର ଏଇ ପ୍ରାୟସ ଓ ଉଦ୍ୟମ କୁ ସାଧୁବାଦ୍ ଜଣାଇଛନ୍ତି l ଓ  କଲେଜ ର ସମସ୍ତ ଅଧ୍ୟାପକ ଅଧ୍ୟାପିକା କର୍ମଚାରୀ ମଧ୍ଯ ଦକ୍ଷତା, ସ୍ବଚ୍ଛତା ଓ ନିରପେକ୍ଷତା ର ସହ ନିଜ ନିଜ ର ଅଧ୍ୟାପନା ଓ ସମସ୍ତ କାର୍ଯ୍ଯ ସମ୍ପାଦନ କରି ସର୍ବ ପୁରାତନ ଏଇ କଲେଜର ସୁନାମ ବଜାୟ ରଖିବା କୁ ବୁଦ୍ଧିଜୀବି ଦୃଢ଼ ଆଶା ବିଶ୍ୱାସ ରଖି ଛନ୍ତି l