21-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ରାଜ୍ୟ  ପଞ୍ଚାୟତି ରାଜ ଓ ପାନୀୟ ଜଳ ଯୋଗାଣ କମିଶନର ଶ୍ରୀ ଏସ୍ ଏନ ଗିରିଶ  ସୁବର୍ଣ୍ଣପୁର ଜିଲ୍ଲା ସୋନପୁର ପଞ୍ଚାୟତ ସମିତି ଅନ୍ତର୍ଗତ କଳାପଥର ଗ୍ରାମ ପଞ୍ଚାୟତ ର ନନ୍ଦନମାଲ  ଠାରେ ନିର୍ମାଣାଧୀନ( Water Trratment Plant) ୱାଟର ଟ୍ରିଟମେଣ୍ଟ ପ୍ଲାଣ୍ଟ ପରିଦର୍ଶନ କରିଥିଲେ।  ପରେ ପରେ ଉଲୁଣ୍ଡା ପଞ୍ଚାୟତ ସମିତି ଅନ୍ତର୍ଗତ କୋଟ ସମଲାଇ ଗ୍ରାମ ପଞ୍ଚାୟତର  କୋଟସମଲାଇ ଠାରେ ନିର୍ମାଣାଧୀନ ଜଗନ୍ନାଥ ମନ୍ଦିର ର ନିର୍ମାଣ କାର୍ଯ୍ୟର ତଦାରଖ କରିଥିଲେ ଓ ପାତାଳୀ ଶ୍ରୀକ୍ଷେତ୍ର ମନ୍ଦିର ଓ ଗୁମ୍ଫା ଦର୍ଶନ କରିଥିଲେ। ଏହି ଗସ୍ତ ସମୟରେ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ଜିଲ୍ଲା ପରିଷଦ, ସୁବର୍ଣ୍ଣପୁର, ଶ୍ରୀ ଅଶ୍ୱିନୀ କୁମାର ମେହେର,    ଓ  ଅଧିକ୍ଷଣ ଯନ୍ତ୍ରୀ, ଗ୍ରାମ୍ୟ ପାନୀୟ ଜଳ ଓ ପରିମଳ, ସୁବର୍ଣ୍ଣପୁର, ଶ୍ରୀ ଆଶୁତୋଷ ଭଦ୍ର ଓ ସହକାରୀ ଯନ୍ତ୍ରୀ, ସୋନପୁର ଓ ବୀରମହାରାଜପୁର ଦ୍ୱୟ, ଯନ୍ତ୍ରୀ MEIL ଓ ଅନ୍ୟ କର୍ମଚାରୀମାନେ କମିଶନର ତଥା ଶାସନ ସଚିବଙ୍କ ସହିତ ଗସ୍ତ କରି ପ୍ରକଳ୍ପ ବିଷୟରେ ଅବଗତ କରାଇଥିଲେ। ଏହି ଗସ୍ତ  ଅବସରରେ ସେ ସୋନପୁର ଓ ତରଭା ବ୍ଲକରେ ବର୍ତ୍ତମାନ ଚାଲୁଥିବା ମେଗା ପାଇପ ଜଳ ଯୋଗାଣ ପ୍ରକଳ୍ପ ଗୁଡ଼ିକର ନିର୍ମାଣ କାର୍ଯ୍ୟର ଅଗ୍ରଗତିର ପର୍ଯ୍ୟଲୋଚନା କରିଥିଲେ। କମିଶନର ତଥା ଶାସନ ସଚିବ, EPC କର୍ମକର୍ତ୍ତାଙ୍କୁ  ଅଧିକ ସଂଖ୍ୟକ ମାନବ ସମ୍ବଳ ବିନିଯୋଗ କରି ନିର୍ଦ୍ଧାରିତ ସମୟ ମଧ୍ୟରେ ପ୍ରକଳ୍ପ କାର୍ଯ୍ୟ ସମାପନ କରିବା ସହିତ ପ୍ରକଳ୍ପ ଗୁଡ଼ିକର ଗୁଣବତ୍ତା ସଠିକ୍ ଭାବରେ ବଜାୟ ରଖିବାକୁ ନିର୍ଦ୍ଦେଶ କରି ଥିଲେ।