17-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା କଂଶାରିପଡ଼ା ସ୍ଥିତ ବ୍ରଜ ବିହାରୀ ନୃତ୍ୟ କଳା ପରିଷଦ ଓ ପୁଣ୍ୟବାସୀ ଯୁବକ ସଂଘ ଆନୁକୂଲ୍ୟରେ ଚାଲିଥିବା ୨୪୨ତମ ଗୋକୁଳାଷ୍ଟମୀ ମହୋତ୍ସବ ରବିବାର ଉଦଯାପିତ ହୋଇଯାଇଛି।ଆଜି ଶେଷ ଦିନରେ ପ୍ରଭୁ ଶ୍ରୀକୃଷ୍ଣ ଓ ବଳରାମ ମଥୁରା ନଗରୀ ବିନିକା ସହର ପରିକ୍ରମା କରିଥିଲେ।ସ୍ଥାନୀୟ ଦେବୀ ଦୁର୍ଗାଙ୍କ  ମନ୍ଦିରରେ ପୂଜାର୍ଚ୍ଚନା ପରେ ନଗର ଶୋଭାଯାତ୍ରା ଆରମ୍ଭ ହୋଇଥିଲା ।ଘଣ୍ଟ,ଶଙ୍ଖ ହୁଳହୁଳି ଧ୍ବନି ସହ ସଂକୀର୍ତ୍ତନର ତାଳେ ତାଳେ କୃଷ୍ଣ ବଳରାମ ଏକ ସୂ ସଜ୍ଜିତ ରଥରେ ବିରାଜମାନ ହୋଇଥିଲେ ।କେତେକ ସ୍ଥାନରେ ଶ୍ରଦ୍ଧାଳୁ ଭକ୍ତମାନେ ପ୍ରଭୁଙ୍କ ପାଦ ଧୋଇବା ଆଶିଷ ନେଉଥିବା ଦେଖିବାକୁ ମିଳିଥିଲା।ପ୍ରଭୁ କୃଷ୍ଣ ବଳରାମ ବିନିକା ଗଡଭିତର ସ୍ଥିତ ଜଗନ୍ନାଥ ମନ୍ଦିରକୁ ପହଞ୍ଚିବା ପରେ ସେଠାରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା।ସାଥିରେ ଥିବା ଭକ୍ତ ମାନଙ୍କୁ ପ୍ରସାଦ ସେବନରେ ଆପ୍ୟାୟିତ କରାଯାଇଥିଲା।ପରେ ଭଗବାନ ଶ୍ରୀକୃଷ୍ଣ ଓ ବଳରାମ ନଗର ଯାତ୍ରାରେ ବାହାରିବା ପରେ ସହର ରାସ୍ତାର ଉଭୟ ପାର୍ଶ୍ବରେ ଭକ୍ତ ଛିଡା ହୋଇ ପ୍ରଭୁଙ୍କ ଦର୍ଶନ କରିବା ସହିତ ଭବ୍ୟ ସମ୍ବର୍ଦ୍ଧନା ଜ୍ଞାପନ କରିଥିଲେ।ଅନ୍ୟ ପକ୍ଷରେ କଂସ ପ୍ରେରିତ ଅସୁର କୁଲକୁ ନିଧନ କରି ଖୁସିରେ ପ୍ରଭୁ କୃଷ୍ଣ ବଳରାମ ଗୋପାଳ ପୁଅଙ୍କ ସହିତ ମଜା ନେଇଥିଲେ ।ଘରକୁ ପ୍ରତ୍ୟାବର୍ତ୍ତନ ବିଳମ୍ବ ହେବାରୁ ମା ଯୋଶଦା ଓ ନନ୍ଦ ରାଜା ଆଖିରୁ ଲୁହ ଗଡ଼ାଇ କୃଷ୍ଣ ବଳରାମଙ୍କୁ ଖୋଜି ଖୋଜି ଶେଷରେ ଦଣ୍ଡସନାପଡ଼ା ଠାରେ ଭେଟିଲେ।ସେଠାରେ କୃଷ୍ଣଙ୍କୁ ପାଇ ମୋ ଧନ କଳା ମାଣିକ ମଞ୍ଚସ୍ଥ ହୋଇଥିଲା।ଯାହାକୁ ହଜାର ହଜାର ଭକ୍ତ ଦେଖି ଆନନ୍ଦରେ ବିଭୋର ହୋଇ ପ୍ରଭୁଙ୍କ ଜୟଗାନ କରିଥିଲେ।କୃଷ୍ଣ ଭୂମିକାରେ ଶ୍ରୀମାନ ସାହୁ,ବଳରାମ କାହ୍ନା ମାହାଣା,ନନ୍ଦରାଜା ମୁକୁନ୍ଦ ସାହୁ,ଯଶୋଦା ଶଶାଙ୍କ ଶେଖର ଦାସଙ୍କ ଅଭିନୟ ଚିତ୍ତାକର୍ଷକ ଥିଲା ।ସେହିପରି ଯାତ୍ରାର ପୂଜକ ଭାବେ ମାନଭଞ୍ଜନ ପୂଜାରୀ,ସର୍ବେଶ୍ଵର ପୁରୋହିତ,ଗୁରୁ ତଥା କମିଟି ସଭାପତି ମନୋଜ ଦାସ,ସମ୍ପାଦକ ରଞ୍ଜନ ଦାସ,ସାଂସ୍କୃତିକ ସମ୍ପାଦକ ପଦ୍ମ ଲୋଚନ ସାହୁ,ସୂର୍ଯ୍ୟ କୁମାର ଦାସ,ରାମଚନ୍ଦ୍ର ଦାସ,ସୀତାରାମ ଦାସ,ରଗୁନାଥ ମାହାଣା,ଶିବ ଶଙ୍କର ଦାସ,ରଘୁନାଥ ସାହୁ,ଜୟ ନାରାୟଣ ସାହୁ,ରମାକାନ୍ତ ଦାସ, ଦେବାଂଶୁ ସାହୁ,ସଞ୍ଜୟ ସାହୁ ପ୍ରମୁଖଙ୍କ ସମେତ ନୃତ୍ୟ କଳା ପରିଷଦ ସଦସ୍ୟ ଏଥିରେ ସାମିଲ ହୋଇଥିଲେ।