16-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ସ୍ଥିତ ବାବା କପିଳେଶ୍ୱର ମନ୍ଦିର ପାର୍ଶ୍ଵରେ ଥିବା ମନ୍ଦିର ଅଫିସ ଗୃହ କାନ୍ଥରୁ ଆଜି ସଂକ୍ରାନ୍ତି ଅପରାହ୍ନ ପ୍ରାୟ ୫ଘଣ୍ଟା ସମୟରୁ ଝିର ଝିର ହୋଇ ଅନବରତ ଭାବେ କ୍ଷୀର ଝରୁଛି। ଘଟଣା ପ୍ରଚାରିତ ହେବା ପରେ ଦେଖିବା ପାଇଁ ଭକ୍ତଙ୍କ ନାହିଁ ନଥିବା ଭିଡ ଲାଗି ରହିଛି । ସତରେ ଏହି ପୀଠର କିମ୍ବଦନ୍ତୀ ନିଆରା। ପୀଠ ମଧ୍ୟରେ  ବାବା କପିଳେଶ୍ୱର, ମାଁ ଚରଦେଇଙ୍କ ସହ ଆହୁରି ଅନେକ ଦେବାଦେବୀ ପୂଜା ପାଉଛନ୍ତି। ନୀତି ପ୍ରତିଦିନ ଏଠାରେ ଭକ୍ତଙ୍କ ସମାଗମ ହେଉଛି ।ହେଲେ କାଳେ ନାହିଁ କି ଯୁଗେ ନାହିଁ ଏଭଳି ଅଦଭୂତ ଘଟଣା ଦେଖିବାକୁ ମିଳିନାହିଁ ବୋଲି କେତେକ ଭକ୍ତ କହିଛନ୍ତି। ତେବେ ସତରେ କଣ ପ୍ରଭୁ ଶିବସମ୍ଭୁ ଭକ୍ତଙ୍କ ଭକ୍ତି ପ୍ରତି ସନ୍ତୁଷ୍ଟ ହୋଇଛନ୍ତି କି ବୋଲି ପ୍ରଶ୍ନ ଉଙ୍କି ମାରୁଛି । ଏନେଇ ମନ୍ଦିର ଟ୍ରଷ୍ଟ ବୋର୍ଡ କମିଟି ସଭାପତି ଅଶୋକ ପୃଷ୍ଟି ଆଜି ସଂକ୍ରାନ୍ତି ଥିବାରୁ ଭଗବାନଙ୍କ କୃପା ଭକ୍ତଙ୍କ ଉପରେ ଏବଂ ପ୍ରଭୁଙ୍କ କିଛି ମହତ୍ଵ ରହିଛି ବୋଲି କହିଥିଲେ ।ତେବେ ଏହି ଅଦଦ୍ଭୁତ ଘଟଣା ପରେ ମନ୍ଦିର ପୂଜକ ଓ ସେବାୟତ ମାନେ ସନ୍ଧ୍ୟା ଆଳତୀ ସହିତ ପୂଜାର୍ଚ୍ଚନାକୁ ଗୁରୁତ୍ତ୍ଵ ଦେଉଛନ୍ତି ।ପ୍ରଭୁଙ୍କ ଜୟ ଧ୍ବନିରେ ମନ୍ଦିର ପ୍ରକମ୍ପିତ ହୋଇ ପଡ଼ିଛି ।