08-Nov-2025

ଆଜି ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ଏକ ସାଧାରଣ ସଭା ଓ ସମ୍ବର୍ଦ୍ଧନା ଉତ୍ସବ  ସ୍ଥାନୀୟ ସିଭିଲ କୋର୍ଟ ବାର ହଲ୍ ଠାରେ ଅନୁଷ୍ଠିତ ହୋଇଯାଇଛି l ଜିଲ୍ଲା ଓକିଲ ସଂଘର ସଭାପତି ବାସୁଦେବ ରଥଙ୍କ ଆବାହକତ୍ବରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ବଲାଙ୍ଗୀରର ପୂର୍ବତନ ବିଧାୟକ ନରସିଂହ ମିଶ୍ର ଯୋଗ ଦେଇ ନିଜ ବକ୍ତବ୍ଯରେ ଅତୀତରେ ବଲାଙ୍ଗୀର ବାର୍ ର ଅନେକ ଆଇନଜୀବୀ ଓକିଲାତି ବୃତ୍ତିରେ ନିଜର ଦକ୍ଷତା ପ୍ରତିପାଦନ କରିବା ସହିତ ଜୁଡିସିଆଲ ସାର୍ଭିସ  କ୍ଷେତ୍ରରେ ସୁନାମ ଅର୍ଜନ କରିସାରିଛନ୍ତି ବୋଲି କହିଥିଲେ l ଓକିଲାତି ବୃତ୍ତିର ମୂଲ୍ୟବୋଧ, ପୂର୍ବ ମାନ ଓ ମର୍ଯ୍ୟାଦାକୁ ଅକ୍ଷୁର୍ଣ୍ଣ ରଖିବା ସହ ସମାଜରେ ଏହି ବୃତ୍ତିର ଗାରିମା କିପରି ବଜାୟ ରହି ପାରିବ ତାହାକୁ ଜଗିବା ଆମ ସମସ୍ତଙ୍କ ଦାୟିତ୍ଵ ବୋଲି ମୁଖ୍ୟ ଅତିଥି ଶ୍ରୀ ମିଶ୍ର ସମସ୍ତଙ୍କୁ ପରାମର୍ଶ ଦେଇଥିଲେ l ଏହି ଅବସରରେ ଜିଲ୍ଲାରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ରହିଥିବା ୧୭ଜଣ ବ୍ୟକ୍ତିବିଶେଷଙ୍କୁ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା l ସାମ୍ବାଦିକତା କ୍ଷେତ୍ରରେ ପ୍ରମେୟ ର  କେବିକେ ବ୍ୟୁରୋ ଚିଫ୍ ଅଖିଳ ହୋତା, ଧରିତ୍ରୀ ଖବରକାଗଜର ବିରେନ୍ଦ୍ର ଝଙ୍କାର, ଇଂରାଜୀ ଖବରକାଗଜ 'ଦି ପାଓନିଅର' ର  ସୁଧୀର ମିଶ୍ର , ବିଦେଶରେ ଓଡିଶୀ ନୃତ୍ୟ କରି ଚର୍ଚ୍ଚିତ ଥିବା ଦୁଇ ପ୍ରତିଭା ପ୍ରିୟଂଶା ସାହୁ, କ୍ରିଷ୍ଣା ଠାକୁର, ଉଚ୍ଚାଙ୍ଗ ସାହିତ୍ୟ କ୍ଷେତ୍ରରେ ଶ୍ରୀନିବାସ ଉଦଗାତା, ଜଗଦାନନ୍ଦ ଛୁରିଆ,  ପ୍ରହଲ୍ଲାଦ ସତପଥୀ, ଦେବେନ୍ଦ୍ର ନାଏକ, କ୍ରୀଡା କ୍ଷେତ୍ରରେ ସୁଶ୍ରୀ ଆନନ୍ଦିନୀ ଦର୍ଜି,  ସମାଜସେବା କ୍ଷେତ୍ରରେ ବିକ୍ରମାନନ୍ଦ ବହିଦାର, ଅଶୋକ ରଥ, କାହ୍ନା ସତପଥୀ, ସ୍ୱାସ୍ଥ୍ୟସେବା କ୍ଷେତ୍ରରେ ଡ. ଜ୍ୟୋତ୍ସ୍ନାମୟୀ ମହାପାତ୍ର, ସଙ୍ଗୀତ କ୍ଷେତ୍ରରେ  ଜୀବନବ୍ୟାପୀ ସାଧନା ପାଇଁ ଗୁରୁଶ୍ରୀ ଘାସିରାମ ମିଶ୍ର ଓ କଳା କ୍ଷେତ୍ରରେ ବିଥିକା ଚାଟାର୍ଜୀ ଓ ଅଜୟ ମହାନ୍ତି ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଥିଲା l ସଂଘର ପ୍ରମୋଦ ତ୍ରିପାଠୀ ସଞ୍ଜୟ ଭୋଇ,ଶଙ୍କର ମିଶ୍ର, ସଙ୍ଗୀତା ମାଝୀ, ସୁଶାନ୍ତ ବାଗ, ସୁବାଷ ନନ୍ଦ, ଅଶୋକ ରାଉତ, ମଳୟ ଗଡତ୍ୟା ମାନପତ୍ର ପଠନ କରିଥିବା ବେଳେ କାର୍ଯ୍ୟକ୍ରମକୁ ସଫଳ କରିବାରେ ଜିଲ୍ଲା ଓକିଲ ସଂଘର ଉପସଭାପତି ସୁଧାଂଶୁ ଦେଓ, କୋଷାଧ୍ୟକ୍ଷ ସମୀର ମିଶ୍ରଙ୍କ ସମେତ କାର୍ଯ୍ୟକାରୀ କମିଟିର ସଭ୍ଯ  ସଞ୍ଜୟ ଭୋଇ, ଦୀପ୍ତି ଶର୍ମା, ସବିତା ମିଶ୍ର ପ୍ରମୁଖ ସହଯୋଗ କରିଥିଲେ l ଏହି ଉତ୍ସବରେ ଜିଲ୍ଲା ଓକିଲ ସଂଘର ବହୁ ସଭ୍ଯ ସଭ୍ୟା ଯୋଗ ଦେଇଥିଲେ l ବରିଷ୍ଠ  ଆଇନଜୀବୀ ଜୟକୃଷ୍ଣ ସାହୁ ସଭାକୁ ସଂଯୋଜନା କରିଥିବା ବେଳେ ସଂଘର ସମ୍ପାଦକ ସଞ୍ଜୟ ବଗର୍ତ୍ତୀ ଧନ୍ୟବାଦ ଅର୍ପଣ କରିଥିଲେ l