17-Oct-2025

ସିନାପାଲି  (ଚିନ୍ତାମଣି ନେତାମ )ନୂଆପଡ଼ା ଜିଲ୍ଲା ସିନାପାଲି ବ୍ଲକ ଗୋଷ୍ଠୀ ଶିକ୍ଷା ବିଭାଗ ଅଧିନସ୍ଥ ପତିଆଳପଡା ସରକାରୀ ଉ :ପ୍ରା : ବିଦ୍ୟାଳୟ ପରିସରରେ ପତିଆଳପଡା କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ "ସୁରଭି" କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏନେଇ  ପତିଆଳପଡା କେନ୍ଦ୍ର ସରକାରୀ ଉ:ପ୍ରା : ବିଦ୍ୟାଳୟ ଠାରେ ଅନୁଷ୍ଠିତ  ଉଦ୍ଘାଟନୀ  ଉତ୍ସବରେ  ପତିଆଳପଡ଼ା କ୍ଲଷ୍ଟର ସି.ଆର୍.ସିସି ଶ୍ରୀଯୁକ୍ତ ଖଗେଶ୍ୱର ବାଗ ସଭାପତିତ୍ବ କରିଥିବା ବେଳେ ମୁଖ୍ୟ ଅତିଥି ଭାବରେ  ଅବସରପ୍ରାପ୍ତ ଶିକ୍ଷକ ଶ୍ରୀଯୁକ୍ତ କ୍ଷମା ଧର  ନିଆଲ, ମୁଖ୍ୟବକ୍ତା ଭାବରେ  ଶ୍ରୀଯୁକ୍ତ  ବିଜୟ କୁମାର ଯୋଶୀ ,  ବିଶିଷ୍ଟ ଅତିଥି ଭାବରେ  ଶ୍ରୀଯୁକ୍ତ  ଡମ୍ବରୁଧର ମାଝୀ,ସମ୍ମାନିତ ଅତିଥି ଭାବରେ ଶ୍ରୀଯୁକ୍ତ ଶୋଭା ରାମ ଜଗତ,ଶ୍ରୀଯୁକ୍ତ ବିପିନ ମାଳି, ଶ୍ରୀଯୁକ୍ତ ଶୋଭାରାମ  ଦଣ୍ଡସେନା, ଶ୍ରୀଯୁକ୍ତ ଅଶୋକ କୁମାର ରାଏ,ଶ୍ରୀଯୁକ୍ତ ଧନେଶ୍ୱର ବଞ୍ଜରା, ସାମ୍ବାଦିକ ବ୍ଲକ ପ୍ରତିନିଧି  ଚିନ୍ତାମଣି ନେତାମ ମଞ୍ଚାସିନ ଥିଲେ  l  ପ୍ରାରମ୍ଭରେ ଶ୍ରୀଯୁକ୍ତ ଲୋମସ ସା  ଅତିଥି ଗଣଙ୍କୁ  ସ୍ୱାଗତ କରିଥିଲେ l ଛାତ୍ରଛାତ୍ରୀଙ୍କ ଅନ୍ତର୍ନିହିତ ପ୍ରତିଭାକୁ ଲୋକଲୋଚନକୁ ଆଣିବା ସହିତ ସେ ଗୁଡିକର ପରିପ୍ରକାଶ କରିବା  ଏହି କାର୍ଯ୍ୟକ୍ରମ ର  ମୂଳ ଉଦ୍ୟେଶ ଅଟେ ବୋଲି  ମଞ୍ଚାସିନ ଅତିଥିଗଣ  ମତବ୍ୟକ୍ତ ଦେଇଥିଲେ l

ସେହିପରି ସି:  ଆର:ସି :ସି  ଖଗେଶ୍ୱର ବାଗଙ୍କ  ଅଧକ୍ଷତାରେ ଅନୁଷ୍ଠିତ ଉଦଯାପନୀ ସଭାରେ  ମୁଖ୍ୟ ଅତିଥି ଭାବରେ  ପରିଚାଳନା ସମିତିର  ସଭାପତି ଶ୍ରୀଯୁକ୍ତ ଗଣେଶ ମାଝୀ, ମୁଖ୍ୟ ବକ୍ତା ଭାବରେ ସରକାରୀ ଉଚ୍ଚ ପ୍ରାଥମିକ  ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ  ଧନେଶ୍ୱର ବଞ୍ଜରା, ସମ୍ମାନିତ ଅତିଥି ଭାବରେ  ଦୁଧନାଥ ମାଝୀ, ଯଦୁମଣି ଭୋଇ, ଆଶିଷ କୁମାର ଭୋଇ, , ପୂର୍ବତନ ସି ଆର ସି ସି  ଦେବାନନ୍ଦ ବାଗ  ଉପସ୍ଥିତ ଥିଲେ  l ଏହି ଅଧିବେଶନରେ  ଶ୍ରୀଯୁକ୍ତ  ବେଦବ୍ୟାସ ବାଗ ଧନ୍ୟବାଦ ଦେଇଥିଲେ  l  ପତିଆଳପଡା କ୍ଲଷ୍ଟର ଅନ୍ତର୍ଗତ  ବିଭିନ୍ନ  ବିଦ୍ୟାଳୟର  ଶିକ୍ଷକ  ଶିକ୍ଷୟିତ୍ରୀଙ୍କ ଛାତ୍ର ଛାତ୍ରୀ ମାନେ ଉପସ୍ଥିତ ରହି   ବରିଷ୍ଠ ଓ କନିଷ୍ଠ  ବିଭାଗ ସ୍ତରୀୟ  ପ୍ରବନ୍ଧ, ଚିତ୍ରାଙ୍କନ, ବକୃତା, ତର୍କ, କୁଇଜ, ନୃତ୍ୟ, ସଂଗୀତ ଆଦି ପ୍ରତିଯୋଗିତା ଆୟୋଜନରେ  ସହଯୋଗ  କରିଥିଲେ l  ଛାତ୍ରଛାତ୍ରୀଙ୍କ ଦ୍ୱାରା ପରିବେଷିତ ସାଂସ୍କୃତିକ କାର୍ଯ୍ୟକ୍ରମ ମୁଖ୍ୟ ଆକର୍ଷଣ ଥିଲା । ଶେଷରେ ବିଭିନ୍ନ ପ୍ରତିଯୋଗିତାର ବିଜେତାଙ୍କୁ  ଅତିଥି ମାନେ ପୁରସ୍କୃତ କରିଥିଲେ  l