17-Oct-2025

ବଲାଙ୍ଗୀର (ପ୍ରେରଣା ଖବର): ଗତ ୧୦ ଦିନ ବ୍ୟବଧାନରେ ବଲାଙ୍ଗୀର ସହରର ଦୁଇ ଜଣ ମେଳାପୀ ମଣିଷ ବନବାସ ମିଶ୍ର ଓ ଧନଞ୍ଜୟ ନାଗ ଙ୍କ ପରଲୋକ ହୋଇଯାଇଛି l ଏହି ଦୁଇ ଜଣ ହେଉଛନ୍ତି ବଲାଙ୍ଗୀର ପି ପି ଏକାଡେମୀ ୧୯୮୯ ମେଟ୍ରିକ୍ ପାସଆଉଟ୍ ଛାତ୍ର l ଏହି ପରିପ୍ରେକ୍ଷୀରେ ପିପି ଏକାଡେମୀ ୮୯ମେଟ୍ରିକ୍ ବ୍ୟାଚ ତରଫରୁ ସ୍ଥାନୀୟ କୋଶଳ ଛକ ଠାରେ  ଅନୁଷ୍ଠିତ ଏକ ଶୋକସଭାରେ ଏହି ଦୁଇ ମହାନ ଆତ୍ମାଙ୍କ ଉଦ୍ଦେଶ୍ଯରେ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା l ଏହି ଦୁଇ ମହାନ ଆତ୍ମାର ସଦଗତି ପାଇଁ ଦୁଇ ମିନିଟ୍ ନିରବ ପ୍ରାର୍ଥନା କରାଯିବା ସହ ଶୋକସନ୍ତପ୍ତ ଏହି ଦୁଇ ପରିବାରକୁ  ଦଶାହ ଦିନ ୮୯ ମେଟ୍ରିକ୍ ବ୍ୟାଚ ର ସହପାଠୀ ମାନେ ପହଂଚି କିଛି ଆର୍ଥିକ ସହଯୋଗ ପ୍ରଦାନ କରାଯିବାକୁ ସ୍ଥିର ହୋଇଛି l ଆଜି ସନ୍ଧ୍ୟାରେ ସ୍ଵର୍ଗତଃ ବନବାସ ମିଶ୍ରଙ୍କ ପରିବାରକୁ 

ପିପି ଏକାଡେମୀ ୮୯ ମେଟ୍ରିକ୍ ବ୍ୟାଚ ର କିଛି ବନ୍ଧୁ ଭେଟିବାର କାର୍ଯ୍ୟକ୍ରମ ରହିଛି l ଗତକାଲି ସନ୍ଧ୍ୟାରେ ଅନୁଷ୍ଠିତ ଶୋକସଭାରେ ପିପି ଏକାଡେମୀ ୮୯ମେଟ୍ରିକ୍ ବ୍ୟାଚ ର ସନ୍ତକ ବହିଦାର, ସତ୍ୟରଞ୍ଜନ ମିଶ୍ର, କମ୍ବୁପାଣି ପୁଝାରୀ ବାବୁ ପୁଝାରୀ, ବିଷ୍ଣୁ ଅଗ୍ରୱାଲ ଗୌରାଙ୍ଗ ବଗର୍ତ୍ତୀ,ସନତ ବାବୁ, ରଘୁ ନନ୍ଦନ ସିଂହ, ସନତ୍ ଓ କିଶୋର ରାଉଳ ପ୍ରମୁଖ ଯୋଗ ଦେଇ ଏହି ଦୁଇ ବନ୍ଧୁ ଙ୍କ ସହ ବିତାଇ ଥିବା କିଛି ସ୍ମୃତିକୁ ମନେ ପକାଇ ଥିଲେ l