16-Oct-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗିର ଜିଲ୍ଲା ଦେଓଗାଁ ଥାନା ଅନ୍ତର୍ଗତ ଦେଓଗାଁ କଲେଜଛକ ନିକଟରେ ଟ୍ରକ ଓ ବାଇକ ଧକ୍କାରେ ଜଣେ ଯୁବକ ମୃତ ହୋଇଥିବା ବେଳେ ଟ୍ରକଟି ସମ୍ପୁଣ୍ଣ ଭାବେ ଜଳିଯାଇଥିବା ଜଣାପଡିଛି । ସୂଚନାନୁସାରେ ଦେଓଗାଁ ପଟରୁ ଏକଟ୍ରକ ଦୃତ ଗତିରେ ଆସି କଲେଜଛକ ଠାରେ ୟୁଟର୍ଣ୍ଣଂ ରେ ଜନୈକ ଯୁବକ ବାଇକରେ ଯାଉଥିବା ବେଳେ ଉକ୍ତ ଯୁବକକୁ ବାଇକ ସହିତ ଘୋଷାଡି ନେଇଥିଲା । କଲେଜଛକରୁ ପ୍ରାୟ ଶହେ ମିଟର ଦୂର ବିଦ୍ୟୁତ ଗ୍ରୀଡ ସାମ୍ନା ପର୍ଯ୍ୟନ୍ତ ଘୋଷାଡି ନେଇ ଥିବା ବେଳେ ଯୁବକଙ୍କ ମୁଣ୍ଡ ଓ ଗଣ୍ଡି ଅଲଗା ହୋଇଯାଇଥିଲା । ପରେ ଉକ୍ତ ଟ୍ରକଟି ବାଇକକୁ ଘୋଷାଡି ନେବା ବେଳେ ପ୍ରାୟ ଅଧକିଲୋମିଟର ଦୂରରେ ଟ୍ରକ ଓ ବାଇକଟି ସମ୍ପୁର୍ଣ୍ଣରୂପେ ଜଳିଯାଇଥିଲା । ଉକ୍ତ ଟ୍ରକଟି ଭୁତିଆରବାହାଲ କ୍ରସରର ବୋଲି ଆଲୋଚନା ହେଉଥିବା ବେଳେ ଟ୍ରକଡ୍ରାଇଭର ଗାଡିରୁ ଓହ୍ଲାଇ ଫେରାର ମାରିଥିବା ଜଣାପଡିଛି । ସ୍ଥାନୀୟ ଦମକଳ ବାହିନୀ ର କର୍ମଚାରୀ ମାନେ ଘଟଣାସ୍ଥଳକୁ ପହଞ୍ôଚ ନିଆଁକୁ ଆୟତ୍ତ କରିଥିଲେ । ଅନ୍ୟପଟେ ଦେଓଗାଁ ଥାନାଧିକାରୀ ବୁଲୁ ମୁଣ୍ଡା ଓ ଡିଏସପି ସମର୍ଥ କେ. ବେହେରା ଘଟଣା ସ୍ଥଳକୁ ପହଞ୍ôଚ ଶବକୁ ଜବତ କରି ବ୍ୟବଚ୍ଛେଦ ପାଇଁ ବଲାଙ୍ଗିର ଭୀମଭୋଇ ମେଡିକାଲକୁ ପଠାଇବାସହ ଏନେଇ ଏକ ଅପମୃତ୍ୟୁ ମାମଲା ରୁଜୁକରି ଅଧିକ ତଦନ୍ତ ଜାରୀ ରଖିଥିବା ସୂଚନା ଦେଇଛନ୍ତି । ମୃତ ଯୁବକ ଜଣକ ସଇଁନ୍ତଲା ନବୀନଛକରେ ଥିବା ସରିଫ ଷ୍ଟିଲ ର ମାଲିକ ସରିଫ ସାହା (୩୫) ବୋଲି ଜଣାପଡିଥିବା ଥାନାଧିକାରୀ ସୂଚନା ଦେଇଛନ୍ତି । ପ୍ରକାଶ ଯେ,ଏହି ଛକ ଠାରେ କ୍ରସରର ଏକ ହାଇୱା ଗାଡି ସାଗରପାଲିର ଜନୈକ ବ୍ୟକ୍ତି ଙ୍କୁ ସମାନ ଭାବେ ଦୂର୍ଘଟଣା ଘଟାଇ ମୃତ୍ୟୁ ହୋଇଥିଲା । ଏହି ଛକରେ ବାରମ୍ବାର ଦୁର୍ଘଟଣା ଘଟୁଥିବାରୁ ଏଦିଗରେ ପୋଲିସ ପ୍ରଶାସନ ସ୍ୱତନ୍ତ୍ର ଦୃଷ୍ଟିଦେବାକୁ ସାଧାରଣରେ ଦାବୀ ହୋଇଛି ।