12-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ହରଗୈ।ରୀ ଯାତ୍ରା ର ସପ୍ତମ ଦିବସରେ ବହୁ ପ୍ରତିକ୍ଷିତ କୁଙ୍କୁମ ପୂଜା ଅନୁଷ୍ଠିତ ହୋଇଯାଇଛି ।  ଢେରାପଡା ରେ ଅନୁଷ୍ଠିତ
 ହରଗୈ।ରୀ ଯାତ୍ରା ସମୟରେ ଏହି କୁଙ୍କୁମ ପୂଜା ରେ ବସିବା ପାଇଁ ସମସ୍ତ ମହିଳା ଙ୍କ ମଧ୍ୟରେ ଅନେକ ଅପେକ୍ଷା ଥାଏ। କୁଙ୍କୁମ ପୂଜା ସଧବା ନାରୀ ଓ ଅବିବାହିତ ଯୁବତୀ ମାନେ କରିଥାନ୍ତି। ଏହାଦ୍ବାରା ଅନେକ ପୂଣ୍ୟଫଳ ପ୍ରାପ୍ତି ହେବାସହ ପରିବାର ରେ ସୁଖଶାନ୍ତି , ଆରୋଗ୍ୟ ତଥା ଐଶ୍ୱର୍ଯ୍ୟ ଓ  ଯଶପ୍ରାପ୍ତି ହୋଇଥାଏ ବୋଲି ମନେ କରାଯାଏ । ତେଲୁଗୁ ପାନ୍ତୁଲୁ ଆଦିୱ।ନୀ ଦୁର୍ଗାପ୍ରସାଦ  ଙ୍କ ଗୁରୁ ଗମ୍ଭୀର ମନ୍ତ୍ରୋଚ୍ଚାରଣ ଓ ବ୍ରତଧାରୀ ଙ୍କ ହୁଳହୁଳି ରେ  ସମଗ୍ର ପୂଜାସ୍ଥଳି ରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା। ସାଂସାରିକ ଶୁଭ୍ରତା , ଶାନ୍ତି ଓ ମହିଳା ଙ୍କ ଆୟୁ,  ସୁଭାଗ୍ୟ ପ୍ରାପ୍ତି ପାଇଁ ଏହି କୁଙ୍କୁମ ପୂଜା କରାଯାଇଥାଏ ।  ସେପଟେ ପ୍ରାତଃ ସମୟରୁ ମାଁ ବୁଢିମାଙ୍କ ଠାରେ ସ୍ଵତନ୍ତ୍ର ରୀତି ନୀତି ଅନୁଯାୟୀ ପୂଜାପାଠ ସହ ହରଗୈ।ରୀ ଙ୍କ ପୀଠରେ  ସୁପ୍ରଭାତମ୍ , ମହାପୂଜା ଓ ରୁଦ୍ରାଭିଷେକ ଅନୁଷ୍ଠିତ ହୋଇଥିଲା ଆଜି କର୍ତ୍ତା ଭାବରେ ରମୁ ଅଗ୍ରୱାଲ ଓ ଗୁତୁ ଲିଙ୍ଗରାଜ ପାତ୍ର ସପତ୍ନୀକ କାର୍ଯ୍ୟ ତୁଲାଇଥିଲେ। ସଂଧ୍ୟା ରେ 
ହରଗୈ।ରୀ ଙ୍କୁ ସ୍ଵ ଆସ୍ଥାନ ରୁ ଆଣି ନଗର ପରିକ୍ରମା କରାଇ ବିଭିନ୍ନ  ଦ୍ୱାର ସାମ୍ନାରେ  ଶ୍ରଦ୍ଧାଳୁ ହରଗୈ।ରୀ ଙ୍କ ପୂଜା କରିଥିଲେ।ଆଜି ହର ଙ୍କୁ ରାଉରକେଲା  ର ରିଙ୍କୁ ପାତ୍ର ଓ ଗୈାରୀ ଙ୍କୁ ମାଥିଲି ର ନମ୍ରତା ପାତ୍ର ମୁଣ୍ଡରେ ବୋହି ବିଭିନ୍ନ ସାହି ପରିକ୍ରମା କରିଥିଲେ। କାର୍ଯ୍ୟକ୍ରମ ରେ ସମ୍ବଲପୁର ର ପଞ୍ଚବାଦ୍ୟ ଅନୁଷ୍ଠାନ ପକ୍ଷରୁ   ଲୋକନାଚ ଗୀତ ପରିବେଷଣ ରେ ଢେର ରାତି ଯାଏ ଲୋକେ ମଜା ନେଇଥିଲେ।