12-Oct-2025

ବୌଦ୍ଧ (ଦୁର୍ଯ୍ଯୋଧନ ବିଶି):  ଆଜି ଜିଲ୍ଲା ସ୍ବାସ୍ଥ୍ୟ ସମିତି ବୌଦ୍ଧର ଜିଲ୍ଲା  ମୁଖ୍ଯ ଚିକିତ୍ସାଳୟର ଟୀକାକରଣ କେନ୍ଦ୍ର ଠାରେ ପୋଲିଓ ଟୀକାକରଣ(IPPI) ୨୦୨୫ ଜିଲ୍ଲାପାଳ ବିଭୁତିଭୁଷଣ ନାୟକଙ୍କ କରକମଳରେ ଉଦ୍ଘାଟିତ ହୋଇ ଯାଇଛି।ଏହି କାର୍ଯକ୍ରମରେ ଜିଲ୍ଲା ମୁଖ୍ଯ ଚିକିତ୍ସା ଓ ଜନସ୍ବାସ୍ଥ୍ୟ ଅଧିକାରୀ, ଡାକ୍ତର ସଂଘମିତ୍ରା ପଣ୍ଡା, ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ ଡାକ୍ତର ସନ୍ତୋଷ କୁମାର ତ୍ରିପାଠୀ, ଅତିରିକ୍ତ ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ

(ପରିବାର କଲ୍ୟାଣ) ଡାକ୍ତର ଅମିତାଭ ଦାସ, ଅତିରିକ୍ତ ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ (ରୋଗ ନିୟନ୍ତ୍ରଣ) ଡାକ୍ତର ସାନ୍ତା ନିବେଦିତା, ଜିଲ୍ଲା କାର୍ଯ୍ଯକ୍ରମ ପରିଚାଳକ ଗିରିଜା ପ୍ରସାଦ ମିଶ୍ର, ସ୍ବାସ୍ଥ୍ୟ ବିଭାଗ ର କର୍ମଚାରୀ ଓ ସ୍ବାସ୍ଥ୍ୟବିଭାଗର ଅଧିକାରୀ

ପ୍ରମୁଖ ଉପସ୍ଥିତି ଥିଲେ।ଏହି କାର୍ଯକ୍ରମ ସମଗ୍ର ଜିଲ୍ଲାରେ ଚଳିତ ଅକ୍ଟୋବର ମାସ ୧୨ ତାରିଖରୁ ୧୪ ତାରିଖ ପର୍ଯ୍ୟନ୍ତ ଚାଲିବ। ଏହି ଟୀକାକରଣ ଜନ୍ମ ରୁ ୫ବର୍ଷ ର ଶିଶୁମାନଙ୍କୁ ଦୁଇ ବୁନ୍ଦା ମାତ୍ର ଦିଆଯିବ।ଏହି ଟୀକାକରଣ ଦ୍ବାରା ରାଜ୍ୟ ଓ ଦେଶରୁ ପୋଲିଓ କୁ ସଂପୂର୍ଣ୍ଣ ଦୁର କରାଯାଇ ପାରିବ। ଏହି କାର୍ଯକ୍ରମ ଅବସରରେ ସମସ୍ତ ବ୍ଲକରେ ବିଭିନ୍ନ ସୂଚନା ଓ ଶିକ୍ଷାତ୍ମକ କାର୍ଯକ୍ରମ  କରାଯାଇ ଲୋକମାନଙ୍କୁ ସଚେତନ କରାଯାଉଛି।