06-Oct-2025

ବଲାଙ୍ଗିର(ପ୍ରେରଣା ଖବର) ମାଁ ଓ ପୁଅର ଅନାବିଳ ସାସ୍ୱତ ପ୍ରେମ ବଳିଦାନ ପରି ରୋଚକ କାହାଣୀ ଉପରେ ଆଧାରିତ ନୁଆଁ କୋସଲୀ ସର୍ଟଫିଲ୍ମ ‘ମୋର ମାଁ’ ଦର୍ଶକ ମାନଙ୍କ ପାଇଁ ପ୍ରଦର୍ଶିତ ହୋଇଛି । ସ୍ଥାନୀୟ ଯାଦବ ଭବନ ଠାରେ ଗତକାଲି ଏହି ଫିଲ୍ମ ପ୍ରଦର୍ଶିତ ହୋଇଛି । ସୁରେଶ ଭୋଇ ଭୋଇ ନିର୍ଦ୍ଦେଶିତ ଏହି ଫିଲ୍ମରେ ମାଁ ଭୂମିକାରେ ଜଣାଶୁଣା ଅଭିନେତ୍ରୀ ଓ ଗାୟିକ ଅନୀତାଦାସ ତ୍ରିପାଠୀ ଅଭିନୟ କରିଥିବା ବେଳେ ଅନ୍ୟ ଭୂମିକାରେ ମୁରଲି ପତି, କପିଳେଶ୍ୱର ଖମାରୀ, ବେବି ବେହେରା, ଶଙ୍କର ତ୍ରିପାଠୀ, ଶୁଭେନ୍ଦ୍ରୁ, ଅନୁ, ପ୍ରିୟଙ୍କା, ଅଲ୍ପନା, ପ୍ରଶନ୍ନ, କର୍ଣ୍ଣ ଙ୍କ ସମେତ ଚାଇଲ୍ଡ ଆର୍ଟିଷ୍ଟ ଭାବରେ ସ୍ୱାସ୍ତିକ ଓ କ୍ରିଷ୍ଣା ଅଭିନୟ କରୁଛନ୍ତି । ଗୀତିକାର କପିଳେଶ୍ୱର ଖମାରୀଙ୍କ ରଚିତ ଗୀତକୁ ସଙ୍ଗୀତ ଓ ସ୍ୱରରେ ସଜାଇଛନ୍ତି ପଶ୍ଚିମଓଡ଼ିଶାର ଆଗଧାଡିର ଗାୟକ ପଙ୍କଜ ଜାଲ । ସ୍ୱାସ୍ତିକ ପ୍ରଡକ୍ସନ ନିବେଦିତ ଏକ ଘଂଟା ଅବଧିର ଏହି ଫିଲ୍ମର କାହାଣୀ ଓ କଳାକାର ମାନଙ୍କ ଅଭିନୟକୁ ଦର୍ଶକ ମାନେ ପସନ୍ଦ କରିବେ ବୋଲି ଟାଇଟଲ୍ ଭୂମିକାରେ ଅଭିନୟ କରିଥିବା କଳାକାର ଅନୀତା ଦାଶ ତ୍ରିପାଠୀ କହିଛନ୍ତି । ଗତକାଲି ସ୍ଥାନୀୟ ଯାଦବ ଭବନ ଠାରେ ଏହି ଫିଲ୍ମ ପ୍ରଦର୍ଶିତ ହେବା ପୂର୍ବରୁ ଫିଲ୍ମରେ ଅଭିନୟ କରିଥିବା ସମସ୍ତ କଳାକାର ଓ ଟେକ୍‌ନିସିଆନ ଓ ନାଟ୍ୟପ୍ରେମୀ ମାନଙ୍କୁ ନେଇ ଏକ ସଭାର ଆୟୋଜନ ହୋଇଥିଲା। ଏଥିରେ ମୁଖ୍ୟ ଅତିଥି ଭାବରେ ବିଶିଷ୍ଟ ଚଳଚ୍ଚିତ୍ର ଅଭିନେତା ରତନ ମେହେର ଯୋଗ ଦେଇ ଓଟିଟି ପ୍ଲାଟଫର୍ମରେ ପ୍ରଦର୍ଶିତ ହୋଇଥିବା ଏପରି ସିନେମାକୁ ଦର୍ଶକ ମାନେ ଦେଖିବା ସହ ନିଜର ଗଠନମୂଳକ ପ୍ରସ୍ତାବ ଦେଲେ କଳାକାର ମାନେ ଉତ୍ସାହିତ ହେବେ ଏବଂ ଆଗକୁ ଏହି ମାଟିରେ ଏପରି ଉନ୍ନତମାନର ସିନେମା ନିର୍ମାଣ ହୋଇପାରିବ ବୋଲି ଆଶାବ୍ୟକ୍ତ କରିଥିଲେ।