25-Sep-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ବିଜେପି ପକ୍ଷରୁ ଆଜି ପଥରଚେପାସ୍ଥିତ ବିଜେପି କାର୍ଯ୍ୟାଳୟ ଠାରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା । ବିଜେପି ଜିଲ୍ଲା ସଭାପତି ଶ୍ରୀବତ୍ସ ବେହେରାଙ୍କ ଆବାହକତ୍ୱରେ ଅନୁଷ୍ଠିତ ଏହି ସମ୍ମିଳନୀ ରେ ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ ଯୋଗ ଦେଇ କେନ୍ଦ୍ର ସରକାରଙ୍କ ଜିଏସ୍‌ଟି ହ୍ରାସ ଏକ ଯୁଗାନ୍ତକାରୀ ପଦକ୍ଷେପ ଅଟେ ଏବଂ ଏହା ଦ୍ୱାରା ଗୃହିଣୀ ମାନେ ବିଶେଷ ଉପକୃତ ହେବେ, ବିଭିନ୍ନ ସାମଗ୍ରୀର ଦରହ୍ରାସ ଗୃହିଣୀଙ୍କ ମୁହଁରେ ହସ ଫୁଟାଇ ପାରିବ ବୋଲି କହିଥିଲେ । ଅତ୍ୟାବଶ୍ୟକୀୟ ସାମଗ୍ରୀର ଦର ହ୍ରାସ, ଜୀବନଧାରଣ ମାନକୁ ଉନ୍ନତ କରିବ । ୨ଠ୧୭ରେ ଆରମ୍ଭ ହୋଇଥିବା ଜିଏସ୍‌ଟି ର ୨୮ପ୍ରକାରର ଟେକ୍ସ ଥିଲା ।ଏହାକୁ ହ୍ରାସ କରାଯାଇ ୪ଟି ସ୍ୱାବ କୁ ଅଣାଯାଇଛି । ଖାଦ୍ୟ, ଔଷଧ, ସାବୁନ, ଟୁଥପେଷ୍ଟ ଓ ଅନ୍ୟ ନିତ୍ୟ ବ୍ୟବହାର ସାମଗ୍ରୀ ଏବେ ଟିକସମୁକ୍ତ ହୋଇଥିବା ବେଳେ ସ୍ୱାସ୍ଥ୍ୟ ବୀମା ଉପରେ ଜିଏସ୍‌ଟି କୁ ହ୍ରାସ କରାଯାଇଛି ବୋଲି ସାଂସଦ ଶ୍ରୀମତୀ ସିଂଦେଓ କହିଛନ୍ତି । ଏହା ଦ୍ୱାରା ସାଧାରଣ ଜନତା, ଗିରିବ, ମଧ୍ୟବିତ୍ତ, ନିମ୍ନମଧ୍ୟବିତ୍ତ ଓ କୃଷକ ଭାଇ ମାନେ ବିଶେଷ ଉପକୃତ ହେବେ ବୋଲି ସାଂସଦ ଶ୍ରୀମତୀ ସିଂଦେଓ କହିଛନ୍ତି । ଆଜିର ଏହି ସାମ୍ବାଦିକ ସମ୍ମିଳନୀରେ ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ, ବିକାଶ ଇନଷ୍ଟିଚ୍ୟୁଟ୍ ର ପ୍ରତିଷ୍ଠାତା ମୁରଲି କ୍ରିଷ୍ଣ, ସାଂସଦ ପ୍ରତିନିଧି ଦିନେଶ ସର୍ମା ଓ ଜିଏସ୍‌ଟି ଟୋଲିର ଜିଲ୍ଲା ସହସଂଯୋଜକ ଗୌରାଙ୍ଗ ନାଏକ ପ୍ରମୁଖ ମଂଚାସୀନ ଥିଲେ ।