24-Sep-2025

ବଲାଙ୍ଗୀର(ପ୍ରେରଣା ଖବର): ବୁଧବାର ଦିନ ଡିଗ୍ରୀ କଲେଜ କୁଶଙ୍ଗ ତରଫରୁ ଜାତୀୟ ସେବା ଯୋଜନା ଦିବସ ଅବସର ରେ ଅଧ୍ୟକ୍ଷ ବିଜୟ କୁମାର କଲେଟଙ୍କ ସଭାପତିତ୍ବରେ କଲେଜ ପରିସରରେ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ ବଲାଙ୍ଗିର ଉପଜିଲ୍ଲାପାଳ  ଆଲୋକ ପଟେଲ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଲୋଇସିଂହା ବ୍ଲକ ଚେୟାରମ୍ୟାନ ଯତୀନ୍ଦ୍ର କୁମାର ପଟେଲ ଏବଂ ସ୍ଥାନୀୟ ସରପଞ୍ଚ ଗୀତାଞ୍ଜଳି ପଟେଲ ଅନ୍ୟତମ ଅତିଥି ଭାବେ ଯୋଗ ଦେଇ ସମସ୍ତଙ୍କୁ ଉତ୍ସାହିତ କରିଥିଲେ l ପ୍ରୋଗ୍ରାମଅଫିସର ଡ. ଲକ୍ଷ୍ମଣ ମେହେରଙ୍କ ତତ୍ତ୍ୱାବଧାନରେ ଶିବିରରେ ୩୬ୟୁନିଟ ରକ୍ତ ସଂଗ୍ରହ ହୋଇଥିଲା l ଏଇ ଅବସରରେ ଭୀମଭୋଇ ମେଡିକା ମେଡିକାଲ ମେଡିକାଲ ବଲାଙ୍ଗିର ଏବଂ ଲୋଇସିଂହା ହସପିଟାଲର ସ୍ୱାସ୍ଥ୍ୟ ବିଶେଷଜ୍ଞଙ୍କ ଦ୍ୱାରା ଛାତ୍ରଛାତ୍ରୀମାନଙ୍କ ସ୍ୱାସ୍ଥ୍ୟ ପରୀକ୍ଷା ସହ ହେମୋଗ୍ଲୋବିନ ପରୀକ୍ଷା ମଧ୍ୟ କରାଯାଇଥିଲା l ଶିବିରର ସଫଳ ପରିଚାଳନା ପାଇଁ ମା ଛେଳିଆପାଟ ସେବା ସଙ୍ଗଠନ ଭରସୁଜାର ସକ୍ରିୟ ଭୂମିକା ରହିଥିଲା l ଏଥିରେ କଲେଜର ସମସ୍ତ କର୍ମକର୍ତ୍ତାଙ୍କ ସହିତ ବଲାଙ୍ଗିରର ସ୍ବେଛାସେବୀ ସଂଗଠନ ଏବଂ ଅଞ୍ଚଳର ଅନେକ ସ୍ବେଛାସେବୀ ସ୍ୱତଃସ୍ଫୁର୍ତ୍ତ ଭାବେ ସହଯୋଗ କରିଥିଲେ l ସମସ୍ତଙ୍କ ପାଇଁ ଖାଦ୍ୟପେୟର ବ୍ୟବସ୍ଥା ରହିଥିଲା l