23-Sep-2025

ବଲାଙ୍ଗୀର, (ବିନୋଦ ଦୀପ) ଗତ ସେପ୍ଟେମ୍ବର 21 ତାରିଖ ରବିବାର ଦିନ ମହାରାଷ୍ଟ୍ର ର ପୁନେ ସ୍ଥିତ ପାଷାଣ ର ଏରୋମି ଠାରେ  ନୂଆଁଖାଇ ଭେଟଘାଟ-2025 ବଡ ଧୁମ ଧାମ ରେ ପାଳିତ ହୋଇଯାଇଅଛି l ଏହି ପର୍ବରେ ରଙ୍ଗ ବେରଙ୍ଗର ପାରମ୍ପରିକ ସମ୍ବଲପୁରୀ ବସ୍ତ୍ର ପରିଧାନ କରି ସହର ରେ ଥିବା ପ୍ରବାସୀ ଓଡିଶା ବାସି ଏକତ୍ର ହୋଇ ବହୁତ ଉଲ୍ଲାସ ଉଦ୍ଦୀପନା  ଏବଂ ହସଖୁସି ରେ ନୂଆଁଖାଇ ପାଳନ କରିଥିଲେ l ସର୍ବପ୍ରଥମେ ଅଧିଷ୍ଠାତ୍ରୀ ଦେବୀ ମଁl ସମଲେଶ୍ୱରୀ ଙ୍କୁ ପୂଜାଅର୍ଚନା କରି ତଥା ଓଡିଶାରୁ ଆଣିଥିବା ନୂଆଧାନ ର ଭୋଗ ଲଗାଇ ଉପସ୍ଥିତ ଥିବା ସମସ୍ତେ ଏକତ୍ର ତଳେ ବସି ଭୋଗ ଖାଇଥିଲେ l  ଦିନ 10 ଟାରୁ କାର୍ଯ୍ୟକ୍ରମ ର ଶୁଭାରମ୍ଭ କରାଯାଇଥିଲା | ଏହା ପରେ ସଦସ୍ୟ ଓ ସଦସ୍ୟ ମାନେ ସମବେତ ଭଜନ ସଂଗୀତ ପରିବେଷଣ କରିଥିଲେ ଏବଂ କୁନି କୁନି ପିଲା ତଥା ବଡ ମାନଙ୍କ ଦ୍ୱାରା ନାଚ,ଗୀତ ଓ ସଙ୍ଗୀତ ପର୍ବ କୁ ଉତ୍ସବ ମୁଖର କରିଥିଲା l ପାରମ୍ପାରିକ ଲୋକଗୀତ ଓ ବାଦ୍ୟର ତାଳେ ତାଳେ ଉପସ୍ଥିତ ଜନସାଧାରଣଙ୍କ ସମ୍ବଲପୁରୀ ନାଚ ଏକ ଅଦ୍ଭୁତ ପରିବେଶ  ସୃଷ୍ଟି କରିଦେଇଥିଲା l ଏହି ମଂଚ ରେ ଯୋଗଦାନ କରିଥିବା ବ୍ୟକ୍ତି ମାନେ ନିଜ ନିଜ ମଧ୍ୟରେ ଭାବ ର ଆଦାନପ୍ରଦାନ କରିଥିଲେ l କୁନି କୁନି ପିଲାମାନଙ୍କ ମଧ୍ୟରେ  ଅନୁଷ୍ଠିତ ହୋଇଥିବା ଚିତ୍ର ,ନାଚ, ସଂଗୀତ  ପ୍ରତିଯୋଗିତା ରେ ଅଂଶ ଗ୍ରହଣ କରିଥିବା କୁନି ପିଲାମାନଙ୍କୁ ପୁରସ୍କାର ବିତରଣ କରାଗଲା l ମଧ୍ୟାହ୍ନ ଅବସରରେ ସୁସ୍ୱାଦୁ ଶୁଦ୍ଧ ଓଡ଼ିଆ ଖାଦ୍ୟ  ଯଥା ଖିରି,ପୁରି,ଲେଥା (କରଡ଼ି ଆମ୍ବିଳ), ଆରିଷା, ରସଗୋଲା,  କଙ୍କଡୋ ଭଜା ଓ ବିରି ବରା, ଆଳୁଚପ, ଚଣା ଝୋଲ (ଘୁଗୁନି),ଭାତ,ଡାଲି ,ପୋଟଳ କସା ଜନସାଧାରଣା ଙ୍କ ମନ ମୋହି ନେଇଥିଲା l ଓଡ଼ିଆ ବାହାରେ ନୁଆଁଖାଇ ପାଳନ କରିବାରେ ପୁନେ ହେଉଛି ଦିଲ୍ଲୀ ପରେ  ଦ୍ୱିତୀୟ ସହର, ଏହି 2007 ମସିହାରୁ ଦୀର୍ଘ 19 ବର୍ଷ ହେବ ଏହି ପର୍ବ ପାଳନ କରି ଆସୁଛନ୍ତି l ନିବେଦିତା, ବନ୍ଦିତା, ଅମୃତା, ଉମାକାନ୍ତ, ବେଣୁଧର, ସ୍ୱାଧୀନ, ନରେନ, ଶିବାଶିଷ, ରବି, ଦିଲୀପ ଓ ସରୋଜ  ପ୍ରମୁଖ  ସଦସ୍ୟ ମାନେ ନୂଆଁଖାଇ ଭେଟଘାଟ କାର୍ଯ୍ୟକ୍ରମକୁ  ଚଳିତ ବର୍ଷ ସୁଚାରୁ ରୂପେ ପରିଚାଳନା କରିଥିଲେ l ଏହି ପର୍ବ ରେ ପୂର୍ବ ବର୍ଷ ମାନଙ୍କ ଅପେକ୍ଷା ପ୍ରବଳ ଜନସମାଗମ ହୋଇଥିଲା l ପରିଶେଷରେ  ଚାହା, ପକୁଡି  ଓ ସିଙ୍ଗଡ଼ା ସାଙ୍ଗକୁ ସମ୍ବଲପୁରୀ ନାଚ  ଓ ସଂଗୀତ ଧୂନ ରେ ସମସ୍ତ ଜନସାଧାରଣ ଝୁମି ଉଠିଥିଲେ l ବନ୍ଧୁତା ଓ ଭାଇଚାରା ର ବନ୍ଧନରେ ବାନ୍ଧି ରଖିଥିବା ନୁଆଁଖାଇ ପର୍ବ ପୁନେ ରେ ସଫଳତା ର ସହ ପରିଚାଳନା କରିଥିବାରୁ ଯୋଗ ଦେଇଥିବା ଜନସାଧାରଣ ଭୁୟସୀ ପ୍ରଶଂସା କରିଥିଲେ ଏବଂ ଆଗାମୀ ଦିନ ମାନଙ୍କରେ ଓଡ଼ିଶାର ବିଭିନ୍ନ ପର୍ବ ପର୍ବାଣୀ ପାଳନ କରିବା ପାଇଁ ଇଛା ବ୍ୟକ୍ତ କରିଥିଲେ l