19-Sep-2025

ନୂଆପଡ଼ା / ବୋଡ଼େନ  (ରାମନାଥ ପଣ୍ଡା)
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଲିଟି ସର୍ଗି ଗ୍ରାମ ପଞ୍ଚାୟତରେ ବୋଡ଼େନ ବ୍ଲକ ଉନ୍ନୟନ ଅଧିକାରୀ ସୁଶାନ୍ତ କୁମାର ରଣାଙ୍କ ଅଧ୍ୟକ୍ଷତାରେ ନାରୀ ଅଦାଲତ କମିଟି ଗଠନର ଏକ ବିଶେଷ ଗ୍ରାମ ସଭା ଆୟୋଜିତ ହୋଇଥିଲା । ଗ୍ରାମ ସଭାରେ ବି ଡି ଓ ସୁଶାନ୍ତ କୁମାର ରଣାଙ୍କ ସମେତ ସରପଂଚ ମିନତି ନନ୍ଦ, ଜିଲ୍ଲା ମିଶନ କୋର୍ଡିନେଟର ଆଶିଷ ରଞ୍ଜନ ଖମାରୀ,ଜେଣ୍ଡର ସ୍ପେସିଆଲିଷ୍ଟ ସଞ୍ଜୟ କୁମାର ବନ୍ଧିଛୋର, ଏସ୍ପାଇରେଶନାଲ ବ୍ଲକ ଫେଲୋ ରାକେଶ କୁମାର ଷଡଙ୍ଗୀ,ନାଏବ ସରପଞ୍ଚ ବଳରାମ ବାଗ,ସମାଜ ସେବୀ ବାଞ୍ଛାନିଧି ଜାଲ,ଚଉବନ ମାଝୀ,ବିଭିନ୍ନ ୱାର୍ଡର ୱାର୍ଡ ସଭ୍ୟା,ପଞ୍ଚାୟତ ନିର୍ବାହୀ ଅଧିକାରୀ ନମିତା ସାହୁ ପ୍ରମୁଖ ମଞ୍ଚଷିନ ଥିଲେ ।ଗ୍ରାମ ସଭାର ଉଦ୍ଦେଶ୍ୟ ଥିଲା - ନାରୀ ଅଦାଲତ ପାଇଁ ସଦସ୍ୟା ମାନଙ୍କର ଚୟନ,ପରିଚୟ ଓ ନାମାଙ୍କନ କରିବା ।ନାରୀ ଅଦାଲତ " ସମ୍ବଳ" ଯୋଜନାର ଅନ୍ତର୍ଗତ ଥିବା ମିଶନ ଶକ୍ତିର ଏକ ଉପ ଯୋଜନା ଯାହା ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଭାରତ, ସରକାରଙ୍କ ଦ୍ଵାରା ପରିଚାଳିତ ।ଏହି ଅବସରରେ ଜିଲ୍ଲା ମିଶନ କୋର୍ଡିନେଟର ଆଶିଷ ରଞ୍ଜନ ଖମାରୀ ନାରୀ ଅଦାଲତର ଲକ୍ଷ୍ୟ,ଉଦ୍ଦେଶ୍ୟ ଓ ଦାୟୀତ୍ୱ ବିଷୟରେ ବିସ୍ତୃତ ଭାବରେ ଆଲୋଚନା କରିଥିଲେ ।ଏହି ପଦକ୍ଷେପ ତୃଣମୂଳ ସ୍ତରରେ ମହିଳାଙ୍କ ପାଇଁ ନ୍ୟାୟ ପ୍ରଦାନ ବ୍ୟବସ୍ଥାକୁ ସୁଦୃଢ଼ କରିବାରେ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବେ ପ୍ରତିବିମ୍ବିତ କରୁଛି ।ଆଜି ୯ ଜଣିଆ କମିଟି ଗଠନ ହୋଇଛି, ପଞ୍ଚାୟତରେ ଦେଖା ଦେଉଥିବା ବିଭିନ୍ନ ପ୍ରକାର ନାରୀ ନିର୍ଯାତନାର ସମାଧାନ କରିବା ଦିଗରେ ଏହି କମିଟି କାମ କରିବ ।ଗାଁର ସମସ୍ୟା ଅନ୍ୟ କୌଣସି ଅଦାଲତକୁ ନ ଯାଇ ଗାଁ ରେ ସମାଧାନ ହେବାକୁ ଆଜିର ଏହି ଅଦାଲତ କମିଟି କାର୍ଯ୍ୟ କରିବ ।  ସୂଚନା ଥାଉକି ଏହି କାର୍ଯ୍ୟକ୍ରମ ଆମ ରାଜ୍ୟର ୧୦ ଟି ଆକାଂକ୍ଷୀ ଜିଲ୍ଲା ଅନ୍ତର୍ଗତ ଆକାଂକ୍ଷୀ ବ୍ଲକର ୧୦ ଟି ପଞ୍ଚାୟତରେ ପାଇଲଟ୍ ପ୍ରକଳ୍ପ ଭାବରେ ହାତକୁ ନିଆଯାଇଛି ଯେଉଁଥିରେ ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଲିଟିସର୍ଗୀ ପଞ୍ଚାୟତକୁ ଚୟନ କରାଯାଇଛି ।ଆଜିର କାର୍ଯ୍ୟକ୍ରମରେ ବ୍ୟାଙ୍କ୍ ମିତ୍ର ସବିତା ବାଗ,ଏମ ବି କେ ଚମ୍ପା ବାଗ,ଜି ଆର ଏସ ଡାଇନା ତାଣ୍ଡି,ଗ୍ରାମ ପଞ୍ଚାୟତର ବିଭିନ୍ନ ଗ୍ରାମର ମହିଳା,ଏସଚଜି ମହିଳା,ମିଶନ ଶକ୍ତିର ବିଭିନ୍ନ କ୍ୟାଡ଼ର,ଆଙ୍ଗନ୍ ୱାଡି କର୍ମୀ,ବୁଦ୍ଧି ଜିବୀ,ସାଧାରଣ ଜନତା ଉପସ୍ଥିତ ଥିଲେ । ଏସ୍ପାଇରେଶନାଲ ବ୍ଲକ ଫେଲୋ ରାକେଶ କୁମାର ଷଡଙ୍ଗୀ ମଞ୍ଚ ପରିଚାଳନା କରିବା ସହିତ  ଧନ୍ୟବାଦ୍ ଅର୍ପଣ କରିଥିଲେ।