19-Sep-2025

ଡୁଙ୍ଗୁରିପାଲି, ତା ୧୯/୯(ପ୍ରେରଣା ଖବର):ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ  ବିଦ୍ୟାଳୟ ମାୟାବର୍ହ୍।ଠାରେ  ବିଦ୍ୟାଳୟର ପ୍ରଧାନ ଶିକ୍ଷକ ଡ. ରବିଚନ୍ଦ୍ର ପଶାୟତ ସଭାପତିତ୍ବରେ ବିଦ୍ୟାଳୟ ସ୍ତରୀୟ ବିଜ୍ଞାନ ଆଲୋଚନା ଚକ୍ର "କ୍ୱାଣ୍ଟମ ଯୁଗର  ଶୁଭାରମ୍ଭ - ସମ୍ଭାବନା ଓ ଆହ୍ବାନ" ଅନୁଷ୍ଠିତ  ହୋଇଯାଇଛି । ବିଜ୍ଞାନ ଶିକ୍ଷକ ଦୀନବନ୍ଧୁ ପ୍ରଧାନ ସଭାକୁ ସଂଯୋଜନା  କରିଥିଲେ। ଗଣିତ  ଶିକ୍ଷକ ମନୋଜ କୁମାର ପୂଜାରୀ ଓ  ବିଜ୍ଞାନ ଶିକ୍ଷକ କିରଣ କୁମାର ପଟେଲ ବିଚାରକ ଭାବରେ ଯୋଗଦାନ କରି ପ୍ରତିଯୋଗୀ ମଧ୍ୟରୁ ଦଶମ ଶ୍ରେଣୀର ପୂଜାରଣୀ ଦିପଙ୍କୁ ବ୍ଲକ୍ ସ୍ତରୀୟ ପ୍ରତିଯୋଗିତାରେ ଭାଗ ନେବା ପାଇଁ ମନୋନୀତ କରିଥିଲେ। ଛାତ୍ର ଛାତ୍ରୀଙ୍କ ମଧ୍ୟରୁ ପୂଜାରଣୀ ଦୀପ, ଝରଣା ସାହୁ, କରିସ୍ମା , ଅନୁପମା, ଅଯୁଶୀ, ସୀତା, ବିକାଶ,ଶ୍ରୀତମ, ଆଦିତ୍ୟ ନିଜ ନିଜ ପାୱାର ପଏଣ୍ଟ ପ୍ରଦର୍ଶନ କରି ଆଲୋଚନା ଚକ୍ରରେ ଭାଗ ନେଇଥିଲେ ।

ଶିକ୍ଷକ ଚିନ୍ମୟ କୁମାର ଦାସ  ଏହି ଅବସରରେ ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ।  କାର୍ଯ୍ୟକ୍ରମକୁ ରାଜୁ ମେହେର, ସଞ୍ଜୀବ ଖମାରୀ, ସ୍ନିଗ୍ଧା ପ୍ରଧାନ, ମୀନକେତନ ଦାସ, ବିଭୀଷଣ ଖମାରୀ, ସୁରଜ୍ ଖମାରୀ , ସମୀର କାଠର, ସୋଭାଗିନି ସାହୁ, ସୂର୍ଯ୍ୟକାନ୍ତି କାଣ୍ଡ ପ୍ରଭୁତି   ସହଯୋଗ କରିଥିଲେ ।