11-Sep-2025

ତୁଷୁରା(ପଞ୍ଚାନନ ନାଏକ) ଓଡିଶା ଜୈନ ପ୍ରାନ୍ତୀୟ ସ୍ବେତାମ୍ବର ତେରାପନ୍ଥ ସଭାର ସଭାପତି ଇଞ୍ଜିନିୟର ମନୋଜ ଜୈନଙ୍କ ନେତୃତ୍ବରେ ଶତାଧିକ ଶ୍ରାବକ ଶ୍ରାବୀକାର ଏକ ଟିମ ଅହମଦାବାଦ ସହରରେ ବିରାଜିତ ତେରାପନ୍ଥ ଧର୍ମ ସଂଘର ମହାତପସ୍ବୀ ଆଚାର୍ଯ୍ଯ ମହାଶ୍ରମଣଜୀଙ୍କ ଆର୍ଶିବାଦ ନେବା ସହ  ଧର୍ମ ଆଲୋଚନା କରିଥିଲେ। ସେଠାରେ ଚାରି ଦିନ ଧରି ଜୈନ ଧର୍ମର ବିଭିନ୍ନ ସାଧୁ ସାଧବୀଙ୍କ ଆର୍ଶିବାଦ ନେବା ସହ ଅଞ୍ଚଳରେ ସୁଖ ଓ ଶାନ୍ତି ସବୁ ସମୟରେ ରହିବା ପାଇଁ ଆର୍ଶିବାଦ ଭିକ୍ଷା କରିଥିଲେ। ଗୁରୁ ଭଗବାନ ଆଚାର୍ଯ୍ଯ ମହାଶ୍ରମଣଜୀଙ୍କ କୃପାରୁ ଶ୍ରମଣୀ ନିର୍ମାଣ ପ୍ରଜ୍ଞାଜୀ ଓ ମଧ୍ୟସ୍ଥ ପ୍ରଜ୍ଞାଜୀଙ୍କୁ  ଟିଟିଲାଗଡ ସହରରେ ଅବସ୍ଥାନ କରି ଚାରି ମାସ ପର୍ଯ୍ୟନ୍ତ ଆଖପାଖ ଅଞ୍ଚଳରେ ଧର୍ମ ଆରାଧନା କରିବା ପାଇଁ ପଠାଇ ଥିବାରୁ ଓଡିଶାର ସମସ୍ତ ଜୈନ ସମାଜ ପକ୍ଷରୁ ଗୁରୁ ଆଚାର୍ଯ୍ଯଙ୍କୁ ଅଶେଷ ଅଶେଷ କୃତଜ୍ଞତା ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ସଂପାଦକ ସୁଦର୍ଶନ ଜୈନ, ସଂଗଠନ ମନ୍ତ୍ରୀ ସୁନିଲ କୁମାର ଜୈନ, ପୂର୍ବତନ ସଂପାଦକ ଅନୁପ ଜୈନ, ସଞ୍ଜୀବ ଜୈନ,ଧୂବ କୁମାର ଜୈନ, ଶୈଳେଶ ଜୈନ, ରାମୋତାର ଜୈନ, ତୁଳସୀ ଦାସ ଜୈନ,ସୁରେଷ ଜୈନ, ଦେବଦାସ ଗୋୟଳ ଆଦି କର୍ମକର୍ତ୍ତା ସହଯୋଗ କରିଥିବା ସହ ତୁଷୁରା, ବଲାଙ୍ଗୀର, ସିନାପାଲି,ଟିଟିଲାଗଡ, କଣ୍ଟାବାଞ୍ଜି, ସିନ୍ଧେକେଲା, ଉତ୍କକେଲା, ଚୁଡାପାଳି, ରିଷିଡା ଆଦି ଅଞ୍ଚଳର ଶ୍ରାବକ ଶ୍ରାବୀକା ଉପସ୍ଥିତ ରହିଥିଲେ। ମିଡିଆ ପ୍ରଭାରୀ ମନୋଜ କୁମାର ଜୈନ ପ୍ରକାଶ କରିଥିଲେ।