09-Sep-2025

ବିନିକା(ହିମାଂଶୁ ଶେଖର ପୁଟେଲ) ଜାତୀୟ କ୍ରୀଡା ଦିବସ ଅବସରରେ ସ୍ଥାନୀୟ ସିଦ୍ଧାର୍ଥ ଗରୁଡ଼ କ୍ୟାମ୍ପସ ଠାରେ ସିଦ୍ଧାର୍ଥ ସ୍ନାତକ ମହାବିଦ୍ୟାଳୟରେ ଅଧ୍ୟୟନରତ ଯୁକ୍ତ ତିନି ପ୍ରଥମ, ଦ୍ବିତୀୟ ଓ ତୃତୀୟ ବର୍ଷର ଛାତ୍ରମାନଙ୍କ ମଧ୍ଯରେ ଏକ ବନ୍ଧୁତ୍ବପୂର୍ଣ୍ଣ କ୍ରିକେଟ ମ୍ୟାଚ ମଙ୍ଗଳବାର ଅନୁଷ୍ଠିତ ହୋଇଥିଲା ଏଥିରେ ସିନିୟର୍ ଦଳ ବିଜୟୀ ହୋଇଥିଲେ ।କଲେଜ ଅଧ୍ୟକ୍ଷ ଡଃ ଧୀରେନ୍ଦ୍ର କୁମାର ନାୟକ ମେୟର ଧ୍ୟାନଚାନ୍ଦଙ୍କ ପ୍ରତିଛବିରେ ମାଲ୍ୟାର୍ପଣ କରି ଆନୁଷ୍ଠାନିକ ଭାବେ ମ୍ୟାଚକୁ ଉଦ୍ଘାଟନ କରିଥିଲେ। ଟଚ୍ ଜିଣି ପ୍ରଥମେ ସିନିୟର ଦଳ ନିର୍ଦ୍ଧାରିତ ୧୦ ଓଭରରେ ୫ଓ୍ବିକେଟ ହରାଇ ୯୬ରନ କରିଥିଲେ । ତାର ବିପକ୍ଷରେ କନିଷ୍ଠ ଦଳ ୧୦ଓଭରରେ ୮ଓ୍ବିକେଟ ହରାଇ ୫୭ରନ କରିବାକୁ ସକ୍ଷମ ହୋଇଥିଲେ ।ମ୍ୟାଚକୁ ଅଧ୍ୟାପକ ବଚନ ଦାସ,ଶ୍ରୀତମ ସୁଭଦର୍ଶନ,ବିକ୍ରମ ମେହେର ପରିଚାଳନା କରିଥିଲେ। ସିନିୟର ଦଳର ଶଶାଙ୍କ ଶେଖର ଦାସ ୩୮ରନ କରି ୨ଓ୍ବିକେଟ ନେଇଥିବାରୁ ଶ୍ରେଷ୍ଠ ଖେଳାଳି ଭାବେ ବିବେଚିତ ହୋଇଥିଲେ l ବିଜେତା ସିନିୟର ଦଳ ଓ ଉପବିଜେତା ଜୁନିୟର ଦଳକୁ ଅଧ୍ୟକ୍ଷ ଶ୍ରୀ ନାୟକ ଟ୍ରଫି ଦେଇ  ସମ୍ମାନିତ କରିଥିଲେ। ଏହି କାର୍ଯ୍ୟକ୍ରମକୁ ଖେଳ ଶିକ୍ଷକ  ନାରାୟଣ ଚୌଧୁରୀ ଓ ମନୋଜ ନାଏକ ସଂପାଦନା କରିଥିଲେ l