06-Sep-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବରିଷ୍ଠ ନାଗରିକ ସଂଗଠନର ସଭାପତିଙ୍କୁ ବୌଦ୍ଧ ଠାରେ ସମ୍ବର୍ଦ୍ଧିତ କରାଯାଇଛି।ନୀଳଚକ୍ର ସାହିତ୍ଯ ସଂସଦ,ବୌଦ୍ଧଚକ୍ର ଓ ଭାବସମ୍ରାଟ ତରଫରୁ ଗୁରୁବାର ଦିନ  ବୌଦ୍ଧ ସହରର ପାରିଜାତ ପେଲେସ୍ ସମ୍ମିଳନୀ କକ୍ଷରେ ଗୁରୁ ବନ୍ଦନା ଓ କବିତା ପାଠୋତ୍ସବ ଅନୁଷ୍ଠିତ କରାଯାଇଥିଲା।ଏହି ଉତ୍ସବରେ ଡ.ସଞ୍ଜୟ କୁମାର ପଣ୍ଡା ସଭାପତିତ୍ବ କରିଥିବା ବେଳେ ଅନୁଷ୍ଠାନର ଉପଦେଷ୍ଟା ଚିତ୍ତରଞ୍ଜନ ଦାଶ ଅତିଥି ପରିଚୟ ପ୍ରଦାନ ଓ ପ୍ରାରମ୍ଭିକ ସମ୍ଭାଷଣ ପ୍ରଦାନ କରିଥିଲେ। ଟେମଲାଲ୍ ଦୁବେ, ବୌଦ୍ଧ ଜିଲ୍ଲା ଶିକ୍ଷାଧିକାରୀ,ମୁଖ୍ଯ ଅତିଥି, ଅକ୍ଷୟ କୁମାର ଦାଶ,ଅଧ୍ୟକ୍ଷ,କିଶୋର ନଗର ସ୍ନାତକ ମହାବିଦ୍ୟାଳୟ, ମୁଖ୍ଯ ବକ୍ତା, ପ୍ରଶାନ୍ତ କୁମାର ମହାପାତ୍ର,ପ୍ରାକ୍ତନ ଅଧ୍ଯକ୍ଷ,ପ୍ରଭାସ ଚନ୍ଦ୍ର ମିଶ୍ର, ପ୍ରାକ୍ତନ ଅଧ୍ଯକ୍ଷ,ବୌଦ୍ଧ ପଞ୍ଚାୟତ ମହାବିଦ୍ଯାଳୟ,ଡ.ପ୍ରଫୁଲ୍ଲ କୁମାର ରଥ,ପ୍ରାକ୍ତନ ଅଧ୍ଯକ୍ଷ, ବୀରମହାରାଜପୁର ମହାବିଦ୍ଯାଳୟ,ପଦ୍ମ ଚରଣ ମିଶ୍ର,ପ୍ରାକ୍ତନ ଅଧ୍ଯାପକ,ରାଜନୀତି ବିଜ୍ଞାନ,ବୌଦ୍ଧ ପଞ୍ଚାୟତ ମହାବିଦ୍ଯାଳୟ ଓ ସୁଧୀର କୁମାର ସାହୁ, ଅଧ୍ଯକ୍ଷ, ନାକଟିଦେଉଳ ସ୍ନାତକ ମହାବିଦ୍ଯାଳୟ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।ଅତିଥିମାନଙ୍କ ଦ୍ବାରା ବୌଦ୍ଧଚକ୍ର,ତ୍ରୈମାସିକ ସାହିତ୍ଯ ପତ୍ରିକାର ନୂତନ ସଂଖ୍ଯା ଲୋକାର୍ପିତ  ହୋଇଥିଲା।ଅନୁଷ୍ଠାନର ସମ୍ପାଦକ ଦିଲ୍ଲୀପ ମହାନ୍ତି ମଞ୍ଚ ପରିଚାଳନା କରିଥିବା ବେଳେ ଉପସଭାପତି ସତ୍ଯନାରାୟଣ ସାହୁ ମାନପତ୍ର ପଠନ ଓ  ଜିଲ୍ଲା ସଂଯୋଜକ ସନ୍ତୋଷ କୁମାର କର୍ଣ୍ଣ ଧନ୍ଯବାଦ ଅର୍ପଣ କରିଥିଲେ। ଏହି ଉତ୍ସବରେ ଡ.ପ୍ରଫୁଲ୍ଲ କୁମାର ରଥ,ଅକ୍ଷୟ କୁମାର ଦାଶ,ହରିହର ସାହୁ,ଲକ୍ଷ୍ମଣ କୁମାର ମହାପାତ୍ର,ସୁଶାନ୍ତ କୁମାର ମହାପାତ୍ର,ସନ୍ତୋଷ କର୍ଣ୍ଣ,ସନ୍ତୋଷ କୁମାର ଶତପଥୀ,ସୁନେଲୀ ପୁରୋହିତ, ଉତ୍ତମ କୁମାର ବେହେରା,ଦେବେନ୍ଦ୍ର ମିଶ୍ର, ଚିନ୍ତାମଣି ସ୍ବାଇଁ, ଚିତ୍ତରଞ୍ଜନ ମେହେରଙ୍କୁ ନୀଳଚକ୍ର ଗୁରୁ ଗୌରବ ସମ୍ମାନରେ ସମ୍ମାନିତ କରାଯାଇଛି।ଅନୁଷ୍ଠାନର ଶିକ୍ଷା ସମ୍ମାନ ପ୍ରାପ୍ତ ଦିଲ୍ଲୀପ କୁମାର ମହାନ୍ତି ଓ ଗୋପାଳ ଅମାତ ତଥା ଅନ୍ଯ ଶିକ୍ଷକମାନଙ୍କୁ ମଧ୍ଯ ସମ୍ବର୍ଦ୍ଧିତ କରାଯାଇଛି।ଦ୍ବିତୀୟ ଅଧିବେଶନରେ ସତ୍ଯନାରାୟଣ ସାହୁ, କୁଳମଣି ମେହେର, ହିମାଞ୍ଚଳ ପ୍ରଧାନଙ୍କ  ସଂଯୋଜନାରେ ଅନ୍ଯୁନ୍ଯ ୩୦ ଜଣ କବିଙ୍କ  ଗହଣରେ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା। ଶେଷରେ ସୁଧୀର ଦୀପ ଧନ୍ଯବାଦ ଅର୍ପଣ କରିଥିଲେ।କୃତ୍ରିମ ବୁଦ୍ଧିମତା ନୁହେଁ ବରଂ ବରେଣ୍ଯ ଗୁରୁଙ୍କ ପ୍ରତ୍ଯକ୍ଷ ଶିକ୍ଷା ଦାନ ହିଁ ବିକଶିତ ମାନବ ନିର୍ମାଣ କରି ସମାଜ ସେବାରେ ବ୍ରତୀ କରାଏ ବୋଲି ମତ ପ୍ରକାଶ ପାଇଥିଲା। ଶ୍ରୀ ରଥଙ୍କୁ ସମ୍ବର୍ଦ୍ଧିତ କରାଯାଇଥିବାରୁ ବରିଷ୍ଠ ନାଗରିକ ସଂଗଠନ, ବୀରମହାରାଜପୁର ତରଫରୁ ସଂପୃକ୍ତ ଅନୁଷ୍ଠାନ କୁ କୃତଜ୍ଞତା ଜ୍ଞାପନ କରାଯାଇଛି।