06-Sep-2025

(ରାମନାଥ ପଣ୍ଡା)
 ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ରୋକାଲ ଓ କରଙ୍ଗାମାଲ୍ ପଞ୍ଚାୟତରେ ଏକକ ବ୍ୟବହାର ଯୋଗ୍ୟ ପ୍ଲାଷ୍ଟିକ ନିଷେଧ ଅଭିଯାନ କାର୍ଯ୍ୟକ୍ରମରେ ବି ଡି ଓ ସୁଶାନ୍ତ କୁମାର ରଣା,ଡି ଆର୍ ସି ଏସ ଶିବ ପ୍ରସାଦ ସ୍ୱାଇଁ, ଜିଲ୍ଲା ଉଦ୍ୟାନ କୃଷି ଉପ ନିର୍ଦ୍ଦେଶକ ହରେକୃଷ୍ଣ ଚାନ୍ଦ ହାଁସଦା,ହସ୍ତ ଶିଳ୍ପ ଉପ ନିର୍ଦ୍ଦେଶକ ପୁଷ୍ପ ରଞ୍ଜନ ସାହୁ,ଆର୍ ଏମ ସି ସେକ୍ରେଟାରୀ ଆର୍ଯ୍ୟ କୁମାର ମୁଦୁଲି,ସରପଂଚ ଠାକୁର ବାଗ,ସରପଂଚ ରାମ ଲାଲ ପଣ୍ଡା,ବି ଆର୍ ସି ହେରାମ୍ୱ ବିଶ୍ଵାଳ,କନିଷ୍ଠ ଯନ୍ତ୍ରୀ ଅମରେନ୍ଦ୍ର ବିଶ୍ଵାଳ, ପଞ୍ଚାୟତ ନିର୍ବାହୀ ଅଧିକାରୀ ବିଜୟ ଲକ୍ଷ୍ମୀ ମହାନ୍ତି,ପି ଇ ଓ ତାପସ ଅଗସ୍ତି ଜଏ ଡି ଇ ଓ ସହସ୍ରାନ୍ସୁ ଯୋଶୀ,ମହିଳା ପରି ଦର୍ଷିକା ବେଦମତି ଖମାରୀ, ଏମ ବି କେ ଇନ୍ଦିରା ବାଗ ଯୋଗଦାନ କରିଥିଲେ ।ଉପରୋକ୍ତ ପଞ୍ଚାୟତ ମାନଙ୍କରେ ପ୍ଲାଷ୍ଟିକ ସଂଗ୍ରହ କରିବା ସହିତ ସଚେତନତା ସଭା  ଆୟୋଜିତ ହୋଇ ଜନସାଧାରଣଙ୍କୁ ପ୍ଲାଷ୍ଟିକର ଅପକାରିତା ବିଷୟରେ ଅବଗତ କରିବା ସହ ପରିବେଶ ପାଇଁ ଗଛର ଆବଶ୍ୟକତା ଉପରେ ଟିପ୍ପଣୀ ପ୍ରଦାନ କରି ସଚେତନ କରାଯାଇଥିଲା । ମୁଖ୍ୟତଃ ରୋକାଳ ସାପ୍ତାହିକ ବଜାରରେ ପ୍ଲାଷ୍ଟିକ ଆବର୍ଜନା ସଂଗ୍ରହ କରାଯାଇଥିଲା ଏବଂ ବିଡ଼ିଓ ଙ୍କ ସମେତ ଉପରୋକ୍ତ ଜିଲ୍ଲା ଅଧିକାରୀ ଦୋକାନୀ ମାନଙ୍କୁ ସଚେତନ କରିଥିଲେ ଓ ପରବର୍ତ୍ତୀ ସମୟରେ ଭୁଲ ନ କରିବାକୁ ଚେତାବନୀ ଦେଇଥିଲେ ।ବଜାର କମିଟି ସଦସ୍ୟଙ୍କୁ ଡଷ୍ଟ ବିନର ବ୍ୟବହାର ଓ ବଜାର ସଫା ରଖିବାକୁ ବିଭିନ୍ନ ଗୁରୁ ମନ୍ତ୍ର ପ୍ରଦାନ କରିଥିଲେ  । ମିଶନ ଶକ୍ତିର ବିଭିନ୍ନ କ୍ୟାଡ଼ର,ୱାର୍ଡ ମେମ୍ବର,ଏସ ଏଚ୍ ଜି ମହିଳା, ଜନ ସାଧାରଣ ଏହି ଅଭିଯାନ କାର୍ଯ୍ୟକ୍ରମରେ ସାମିଲ ହୋଇ ପ୍ଲାଷ୍ଟିକ ସଂଗ୍ରହ କରିବା ଦେଖିବାକୁ ମିଳିଥିଲା ।