06-Sep-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଳକ ସାମ୍ବାଦିକ ସଂଘର ଜରୁରୀ ବୈଠକ ସ୍ଥାନୀୟ ଆରଏମସି ପରିସରରେ ଅରବିନ୍ଦ ମିଶ୍ରଙ୍କ ଆବାହକତ୍ୱରେ ଅନୁଷ୍ଠିତ ହୋଇ ଯାଇଛି । ବୈଠକରେ ବରିଷ୍ଠ ସାମ୍ବାଦିକ ବିପ୍ରଚରଣ ସାହୁ ସଭାପତିତ୍ୱ କରିଥିଲେ । ଉଭୟେ ସମସ୍ତଙ୍କୁ ନୂଆଖାଇ ଅଭିନନ୍ଦନ ଜଣାଇ ସଭାକାର୍ଯ୍ୟ ଆରମ୍ଭ କରିଥିଲେ । ସଂଘ ଗତ ଦୁଇ ବର୍ଷ ହେବ କୌଣସି କାର୍ଯ୍ୟକ୍ରମ ହେଉନଥିବା ଉପସ୍ଥିତ ସଭ୍ୟମାନେ ଅସନ୍ତୋଷ ପ୍ରକାଶ କରିଥିଲେ। ସଂଘ ରେଜିଷ୍ଟ୍ରେସନ ବେଳେ ୨୬ଜଣ ସଦସ୍ୟକୁ ନେ ଗଠିତ ସଂଘ ଆଜିର ବୈଠକରେ ୧୮ ଜଣ ଉପସ୍ଥିତ ଥିଲେ । ଉପସ୍ଥିତ ସମସ୍ତ ସଭ୍ୟ ପରିଚାଳନା କମିଟିର କାର୍ଯ୍ୟକଳାପ ଉପରେ ଅସନ୍ତୋଷ ପ୍ରକାଶ କରିଥିଲେ । ବୈଠକରେ ସଭାପତି ଅନୁପସ୍ଥିତ ରହିଥ‌ିବା ବେଳେ ସଂପାଦକ ସଂଘର ପରିଚାଳନାରେ କେହି ସହ ଯୋଗ କରୁନଥୁବା ପ୍ରକାଶ କରିଥିଲେ । ତେଣୁ ବୈଠକରେ ସମସ୍ତ ସଭ୍ୟ ପରିଚାଳନା କମିଟୀକୁ ଭାଙ୍ଗି ଦେବାକୁ ପ୍ରସ୍ତାବ ଆଗତ କରିଥିଲେ । ଉପସ୍ଥିତ ସମସ୍ତ ୧୮ଜଣ ସଦସ୍ୟ ଏହାକୁ ଅନୁମୋଦନ ପରେ ଏହାକୁ ଭାଙ୍ଗି ଦିଆଗଲା ବୋଲି ଘୋଷଣା କରାଗଲା । ସଂଘ ପରିଚାଳନା ପାଇଁ କାର୍ଯ୍ୟକାରୀ ସଭାପତି ଭାବେ ଅରବିନ୍ଦ ମିଶ୍ର ଓ ସମ୍ପାଦକ ଭାବେ ଘନଶ୍ୟାମ ମେହେରଙ୍କୁ ସର୍ବ ସମ୍ମତି କ୍ରମେ ମନୋନୀତ କରାଗଲା । ଆଗାମୀ ଦିନରେ ବ୍ଲକର ସମସ୍ତ କାର୍ଯ୍ୟରତ ସାମ୍ବାଦିକ ମାନଙ୍କୁ ନେଇ ଏକ ପୂର୍ଣାଙ୍ଗ ପରିଚାଳନା କମିଟି ଗଠନ କରା‌ଯିବ ବୋଲି ସଭାପତି ଶ୍ରୀମିଶ୍ର ପ୍ରକାଶ କରିଥିଲେ । ବ୍ଲକର ସମସ୍ତ ସାମ୍ବାଦିକମାନଙ୍କୁ ଏକତାର ସୂତ୍ରରେ ରଖ୍ କାର୍ଯ୍ୟ କରାଯିବ ବୋଲି ସେ ଦୃଢତାର ସହିତ ପ୍ରକାଶ କରିଥିଲେ । ଶେଷରେ ନରେଶ ପଧାନ ଧନ୍ୟବାଦ ଅର୍ପଣ କରିଥିଲେ । ବୈଠକରେ ସାମ୍ବାଦିକ କମଳ ମେହେର, ରତ୍ନାକର ସେଠ, ତୁଳସୀ ପ୍ରସାଦ ଦାଶ, ପ୍ରଶାନ୍ତ ସେଠ, ପୂର୍ଷଚନ୍ଦ୍ର ପଣ୍ଡା, ନିମାଇ ଅପା, ଦେବରାଜ ବେହେରା, ସର୍ଜନ ବାରିକ, ପ୍ରେମଲାଲ ସେଠ, ସାଗର ଚରଣ ଜେନା, ମହନ ମେହେର, ଶିଶୁପାଳ ଖମାରୀ,ଲକ୍ଷ୍ମଣ ନାଏକ ପ୍ରମୁଖ ଅଂଶ ଗ୍ରହଣ କରିଥିଲେ ।