05-Sep-2025

ସୁବର୍ଣ୍ଣପୁର, (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲା ଫଟୋଗ୍ରାଫର ସଂଘ ପକ୍ଷରୁ ସ୍ଥାନୀୟ ଘୋଡାଘାଟପଡାସ୍ଥିତ ସିତେଲେଇ କଲ୍ୟାଣ ମଣ୍ଡପ ପରିସରରେ ନୁଆଁଖାଇ ଭେଟଘାଟ ତଥା ବାର୍ଷିକ ଉତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜିଲ୍ଲା ସଂଘ ସଭାପତି ଜିତେନ୍ଦ୍ର କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମର ପ୍ରାରମ୍ଭରେ ମାଁ ସୁରେଶ୍ୱରୀଙ୍କ ଫଟୋଚିତ୍ରରେ ପ୍ରଦୀପ ପ୍ରଜ୍ୱଳନସହ ପୁଷ୍ପମାଲ୍ୟ ଅର୍ପଣ ଓ ପରେ ଦିବଙ୍ଗତ ଫଟୋଗ୍ରାଫରଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ପୁର୍ବକ ସଭାକାର୍ଯ୍ୟ ଅରମ୍ଭ ହୋଇଥିଲା । କାର୍ଯ୍ୟକ୍ରମରେ ବରିଷ୍ଟ ଶିକ୍ଷାବିତ ତଥା ଫଟୋଗ୍ରାଫର ପ୍ରତାପ ରାୟଗୁରୁ ମୁଖ୍ୟଅତିଥି ଭାବରେ ଯୋଗଦେଇ ୬୦ ଦଶକର ଫଟୋଗ୍ରାଫଠୁ ଆରମ୍ଭକରି ବର୍ତମାନ ସମୟର ଫଟୋଗ୍ରାଫି ସମ୍ପର୍କରେ ତାଙ୍କର ଅନୁଭୁତି ବଖାଣିଥିଲେ । ଅନ୍ୟମାନଙ୍କ ମଧ୍ୟରେ ବରିଷ୍ଟ ଫଟୋଗ୍ରାଫର ଗୋକୁଲ ଠାକୁର,ସଚ୍ଚିତାନନ୍ଦ ମିଶ୍ର,ଅଶୋକ ସାହୁ,ରବୀନ୍ଦ୍ର ହୋତା ପ୍ରମୁଖ ସମ୍ମାନିତ ଅତିଥି ଭାବରେ ଯେଗାଦେଇ ସମସ୍ତଙ୍କୁ ନୁଆଁଖାଇର ଶୁଭେଚ୍ଛା ବାର୍ତା ପ୍ରଦାନ କରିବାସହ ଫଟୋଗ୍ରାଫି ସମ୍ପର୍କିତ ବକ୍ତବ୍ୟ ପ୍ରଦାନ କରିଥିଲେ । ଏହି ଅବସରରେ ବରିଷ୍ଟ ଫଟୋଗ୍ରାଫର ପ୍ରତାପ ରାୟଗୁରୁ ,ଗୋକୁଲ ଠାକୁର,ସଚ୍ଚିଦାନନ୍ଦ ମିଶ୍ର ଏବଂ ରବୀନ୍ଦ୍ର ହୋତାଙ୍କୁ ସଂଘ ପକ୍ଷରୁ ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ସଭାକାର୍ଯ୍ୟକୁ ଫଟୋଗ୍ରାଫର ମଧୁସଦୁନ ମିଶ୍ର ସଂଯୋଜନା କରିଥିବାବେଳେ ଅନ୍ୟମାନଙ୍କ ମଧ୍ୟରେ ଜିଲ୍ଲା ସଂଘର ଉପ ସଭାପତି କାମପାଳ ପାତ୍ର,ସଂପାଦକ ୟାସର ମହମ୍ମଦ,କୋଷାଧାକ୍ଷ ଚିତରଂଜନ ବିଶି,ସୁକଦେବ ପାତ୍ର,ପ୍ରଶାନ୍ତ ତରିଆ,ଦେବଦତ ତ୍ରିପାଠି ଏବଂ ରାମଚନ୍ଦ୍ର ସାହୁ ପ୍ରମୁଖ ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲାର ସମସ୍ତ ବ୍ଲକରୁ ଫଟୋଗ୍ରାଫରମାନେ ଯୋଗଦେଇଥିଲେ ।