05-Sep-2025

ସୋନପୁର (ମନୋରଞ୍ଜନ ତ୍ରିପାଠୀ)
 ସଦର ବ୍ଳକ ଅନ୍ତର୍ଗତ ସାହର। ଟ୍ରଷ୍ଟ ଉଚ୍ଚ ବିଦ୍ୟାଳୟଠାରେ ପଶ୍ଚିମ ଓଡ଼ିଶାର ଆଠଟି ଜିଲ୍ଲାର ସମସ୍ତ ବି.ସି.ସି. ମାନଙ୍କର ଦକ୍ଷତା ବୃଦ୍ଧି ତାଳମ ଶିବିରର ଦ୍ୱିତୀୟ ଦିବସରେ ସୋନପୁର ବ୍ଳକର ଗୋଷ୍ଠୀ ଶିକ୍ଷା ଅଧିକାରୀ ଲକ୍ଷ୍ମଣ ମିଶ୍ର ରେଡ କ୍ରସ୍ ପତାକା ଉତ୍ତୋଳନ କରି ଥିଲେ । ଏହା ସହିତ ଗୁରୁଦିବସ ପାଳନ ଅବସରରେ ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି । ଏଥିରେ ମୋଟ ୫୯ ଜଣ ଗୁରୁ ରକ୍ତଦାନ କରିଥିଲେ । ରକ୍ତ ସଂଗ୍ରହ କାର୍ଯ୍ୟରେ ଜିଲ୍ଲା ମେଡ଼ିକାଲ ଅଫିସର ଡା ଦୁର୍ଗାଦତ୍ତ ଦାଶ, ଡା ଚିତ୍ତରଞ୍ଜନ ତ୍ରିପାଠୀ, ଡାଟା ଏଣ୍ଟ୍ରି ଅପରେଟର ଜଗତ ଦରୱାନ, ଏଟେଣ୍ଡେଣ୍ଟ ଯୁଧିଷ୍ଠିର ନାଏକ ଏବଂ ଟଙ୍କଧର କୁଆଁର ପ୍ରମୁଖ ସହଯୋଗ କରିଥିଲେ । ଆଜିର ତାଲିମ କାର୍ଯ୍ୟକ୍ରମ ଶେଷରେ ସମସ୍ତ ଶିବିରାର୍ଥୀ ସନ୍ଥକବି ଭୀମଭୋଇଙ୍କ ସମାଧିପୀଠ ମହିମା ଖଲିଆପାଲିକୁ ଖେତ୍ର ପରିଦର୍ଶନରେ ଯାଇଥିଲେ | ଶେଷରେ ରାଜ୍ୟ ଜୁନିଅର ରେଡ୍ କ୍ରସ୍ ଅଫିସର ଲକ୍ଷ୍ମଣ ସ୍ୱାଇଁ ରେଡକ୍ରସ୍ ପତାକା ଅବତରଣ କରି ଶିବିରାର୍ଥୀଙ୍କୁ ଉଦବୋଧନ ଦେଇଥିଲେ । ସଂନ୍ଧ୍ୟାରେ ବିଭିନ୍ନ ସାସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଶେଷରେ ସାଧନ କର୍ମୀ ଚନ୍ଦ୍ର ଶେଖର ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।