24-Aug-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ଥିତ ଚନ୍ଦ୍ରମା ସଭା ଗୃହରେ ଆଜି କଂଗ୍ରେସ ତରଫରୁ ସଭାପତି ଚୟନ ପ୍ରକ୍ରିୟା ନେଇ ଏକ କର୍ମୀ ସମ୍ମିଳନୀ ଯୁବ ନେତା ପ୍ରଦୀପ ସେଠୀଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା। ଏଥିରେ  ମୁଖ୍ୟଅତିଥି ଭାବେ ପ୍ରଦେଶ କଂଗ୍ରେସ କମିଟି ସମ୍ପାଦକ ତଥା ସୁବର୍ଣ୍ଣପୁର ଜିଲ୍ଲା ପ୍ରଭାରୀ ଦିଲ୍ଲୀପ ଦୁରିଆ ଯୋଗ କଂଗ୍ରେସ ସଂଗଠନକୁ ମଜବୁତ କରିବାକୁ ଆହ୍ୱାନ ଦେଇଥିଲେ |  ବିନିକା ବ୍ଲକ ଓ ନଗର ପକ୍ଷରୁ ବହୁ କଂଗ୍ରେସ କର୍ମୀ ଯୋଗଦେଇ ତୃଣମୂଳ ସ୍ତରରେ କଂଗ୍ରେସ ଦଳକୁ ମଜବୁତ କରିବା ସାଙ୍ଗକୁ ଅଧିକରୁ ଅଧିକ ଲୋକଙ୍କୁ କିପରି ଦଳରେ ସାମିଲ କରାଯିବ ଏବଂ ହେବାକୁ ଯାଉଥିବା ଆଗାମୀ ନିର୍ବାଚନ ମାନଙ୍କରେ କଂଗ୍ରେସ ଦଳ ଯେପରି ସଫଳତା ହାସଲ କରିବ ସେନେଇ ଉପସ୍ଥିତ କର୍ମୀ ମାନେ ନିଜ ନିଜର ମତ ଉପସ୍ଥାପନ କରିଥିଲେ।ସେଥିପାଇଁ ଉଭୟ ବ୍ଲକ ଓ ନଗର ଦାୟିତ୍ଵ ନିର୍ବାହ ପାଇଁ ଅଭିଜ୍ଞ ଦକ୍ଷତା ସମ୍ପନ୍ନ କର୍ମୀଙ୍କୁ ସଭାପତି ଚୟନର ଆବଶ୍ୟକତା ରହିଛି ବୋଲି କହିଥିଲେ।ପରେ ଉପସ୍ଥିତ କର୍ମୀଙ୍କ ପ୍ରସ୍ତାବ ଅନୁଯାୟୀ ବ୍ଲକ ସଭାପତି ଚୟନ ନିମନ୍ତେ ସାଧାରଣ ବର୍ଗରୁ ନରେନ୍ଦ୍ର ପଣ୍ଡା,ଅନୁସୂଚିତ ବର୍ଗରୁ ରବୀନ୍ଦ୍ର ଭଇନା,ଅନୁସୂଚିତ ଜନଜାତି ବର୍ଗରୁ କୁଶ ଭୋଇ,ପଛୁଆବର୍ଗରୁ ହରିହର ଛନ୍ଦ,ମହିଳା ବର୍ଗରୁ ବିନ୍ଦୁନେତ୍ରି ବାଗ ଏବଂ ନଗର ପାଇଁ ସାଧାରଣ ବର୍ଗରୁ ସୁଧାଂଶୁ ପଣ୍ଡା,ଅଜିତ ଦାଶ,ପଛୁଆବର୍ଗରୁ ଉମାକାନ୍ତ ଦୀପ,ଅନୁସୂଚିତ ଜାତି ବର୍ଗରୁ ଗୋବିନ୍ଦା ଝାଙ୍କର,ରାଘବ ଗୁରୁ,ଅନୁସୂଚିତ ଜନଜାତି ବର୍ଗରୁ ଅନିଲ ନାଏକ,ମହିଳା ବର୍ଗରୁ ନିକିତା କର ଆଦିଙ୍କ ନାମ ଚୂଡାନ୍ତ କରାଯାଇ ପିସିସି ତରଫରୁ ଯୋଗଦେଇଥିବା ଶ୍ରୀ ଦୁରିଆଙ୍କୁ ପ୍ରଦାନ କରାଯାଇଥିଲା ସୂଚନା ଯୋଗ୍ୟ ଯେ ଦିଆଯାଇଥିବା ତାଲିକା ମଧ୍ୟରୁ କଂଗ୍ରେସ ହାଇକମାଣ୍ଡ ଚୟନ କରି ବ୍ଲକ ଓ ନଗର ସଭାପତିଙ୍କ ନାମ ଘୋଷଣା କରିବାର କାର୍ଯ୍ୟକ୍ରମ ରହିଛି ବୋଲି ବରିଷ୍ଠ କଂଗ୍ରେସ ନେତା ସନ୍ତୋଷ ପଣ୍ଡା ସୂଚନା ଦେଇଥିଲେ ।