24-Aug-2025

କଣ୍ଟାମାଳ(ପ୍ରେରଣା ଖବର): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ରୁଣ୍ଡିମହୁଲ ଦଧିବାବନ ଉଚ୍ଚ ବିଦ୍ୟାଳୟ ଠାରେ  ଜିଲ୍ଲାସ୍ତରୀୟ ସଂସ୍କୃତ ସମାବେଶ ଅନୁଷ୍ଠିତ ହୋଇଯାଇଛି | ବିଦ୍ୟାଳୟ ପ୍ରଧାନଶିକ୍ଷକ ନାରାୟଣ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ସ୍ଥାନୀୟ ସରପଞ୍ଚ ପଞ୍ଚାନନ ସାହୁ ମୁଖ୍ୟଅତିଥି ଓ ସମ୍ମାନିତ ଅତିଥି ଭାବେ ବଢିଗାଁ ଅବସରପ୍ରାପ୍ତ ସଂସ୍କୃତ ଶିକ୍ଷକ ନବୀନ ଶତପଥି, ବୌଦ୍ଧ ମହିଳା ମହାବିଦ୍ୟାଳୟ ଅଧ୍ୟାପକ ଶିବଦତ୍ତ ପଟ୍ଟନାୟକ, ସୁବର୍ଣ୍ଣପୁରର ଡଃ ସୁରେଶ କୁମାର ପଣ୍ଡା ପ୍ରମୁଖ ଯୋଗଦେଇ ସଂସ୍କୃତ ଦିବସ ପାଳନର ମହତ୍ୱ ଉପରେ ଆଲୋକପାତ କରିଥିଲେ | କଣ୍ଟାମାଳ ପଞ୍ଚାୟତ କଲେଜର ସଂସ୍କୃତ ଅଧ୍ୟାପକ ପୌଲସ୍ତି କୁମାର ପ୍ରଧାନ ମୁଖ୍ୟବକ୍ତା ଭାବେ ଯୋଗଦେଇ ସଂସ୍କୃତ ଭାଷାର ମହନିୟତା ଉପରେ ଭାଷଣ ରଖିଥିଲେ | ଉତ୍କଳ ସଂସ୍କୃତ ଶିକ୍ଷକ ସଂଘ ବୌଦ୍ଧ ଜିଲ୍ଲା ଶାଖାର ସମ୍ପାଦକ ଧରଣୀଧର ସାହୁ ଅତିଥି ପରିଚୟ ଓ ତିଳେଶ୍ୱର ହାଇସ୍କୁଲ ର ସଂସ୍କୃତ ଶିକ୍ଷକ ଉମାକାନ୍ତ ଦେହୁରୀ ମଞ୍ଚ ପରିଚାଳନା କରିଥିଲେ ଏବଂ ଅଶୋକ ପ୍ରଧାନ ବିବରଣୀ ପାଠ କରିଥିଲେ | ଏହି ଅବସରରେ ଅବସରପ୍ରାପ୍ତ ଶିକ୍ଷକ ଶ୍ରଦ୍ଧାକର ବାଘଙ୍କୁ ସମ୍ମାନିତ କରିଥିଲେ | ଦଧିବାବନ ହାଇସ୍କୁଲ ର ସଂସ୍କୃତଚାର୍ଯ୍ୟ ପଣ୍ଡିତ ନିରଞ୍ଜନ ସାହୁ ସମସ୍ତ କାର୍ଯ୍ୟକ୍ରମ ପ୍ରସ୍ତୁତି କରିଥିବା ସହ ଧନ୍ୟବାଦ ଅର୍ପଣ କରିଥିଲେ | ଜିଲ୍ଲାର ସମସ୍ତ ସଂସ୍କୃତ ଶିକ୍ଷକ, ଶିକ୍ଷୟତ୍ରୀ ଙ୍କ ସହଯୋଗ କ୍ରମେ ଏହି କାର୍ଯ୍ୟକ୍ରମ ସଫଳ ହୋଇଥିଲା | ଗୋବିନ୍ଦ ସାହୁ, ସୁରେନ୍ଦ୍ର ପ୍ରଧାନ, ସାଧବ ଛତ୍ରିଆ, ଖଗେଶ୍ୱର ମେହେର ପ୍ରମୁଖକାର୍ଯ୍ୟ କ୍ରମକୁ ପରିଚାଳନାରେ ସହଯୋଗ କରିଥିଲେ |