23-Aug-2025

ବଲାଙ୍ଗିର: ତମାଖୁଜାତୀୟ ସାମଗ୍ରୀ ସେବନ ଓ ଏହାର ହାନୀକାରତା ସଂପର୍କରେ ଲୋକଙ୍କୁ ସଚେତନ କରିବା ତଥା ସିଗାରେଟ୍‌, ଚଇନି ଓ ନିଶାଜାତୀୟ ସାମଗ୍ରୀ ବିକ୍ରୀ କରୁଥିବା ଲୋକଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଜିଲ୍ଲା ଡଗ୍ସ ଇନିସପେକ୍ଟରଙ୍କ ତରଫରୁ ବ୍ୟାପକ ପଦକ୍ଷେପ ଗହଣ କରାଯାଇଛି । ଏହି କ୍ରମରେ ଗତକାଲି ବଲାଙ୍ଗୀର ଜିଲ୍ଲା ମୁରିବାହାଲ ଥାନା ଅନ୍ତର୍ଗତ ହଲଦି, ଗୁଡିଘାଟ ଓ ଇଛାପୁର ଆଦି ଗାଁ ର ବିଭିନ୍ନ ସ୍କୁଲ ଆଖପାଖ ଅଂଚଳରେ ଚଢ଼ାଉ କରାଯାଇ ଏପରି ତମାଖୁଜାତୀୟ ସାମଗ୍ରୀ ବିକ୍ରୀ କରୁଥିବା ୮ଜଣ ଦୋକାନୀଙ୍କ ଠାରୁ ୧୨ଶହ ୫୦ ଟଙ୍କା ଜରିମାନା ଆଦାୟ କରାଯାଇଛି । ଜିଲ୍ଲା ଡ୍ରଗ୍ସ ଇନିସପେକ୍ଟ ଉମାଶଙ୍କର ମେହେର, ଫୁଡ୍ ଇନିସପେକ୍ଟର ସୌମେନ୍ଦ୍ର ପ୍ରଧାନ ଓ ମୁରିବାହାଲ ସ୍ୱାସ୍ଥ୍ୟ କେନ୍ଦ୍ରର ମେଡିକାଲ ଅଫିସର ଡ.ଥବିର ମେହେରଙ୍କ ମିଳିତ ସହଯୋଗରେ ଗଠିତ ଏକ ସ୍କ୍ୱାର୍ଡ ସ୍କୁଲ ପାଖାପାଖି ଅଂଚଳ ଗୁଡିକରେ ତମାଖୁଜାତୀୟ ସାମଗ୍ରୀ ବିକ୍ରି କରୁଥିବା ଦୋକାନୀ ମାନଙ୍କ ଦୋକାନ ମାନଙ୍କରେ ଚଢ଼ାଉ କରିଥିଲେ । ଏହି ଚଢ଼ାଉରେ ଅବକାରୀ ବିଭାଗ ଓ ପୋଲିସ ବିଭାଗର ବିଭିନ୍ନ ଅଧିକାରୀ ମାନେ ମଧ୍ୟ ସାମିଲ ଥିଲେ । କୋଟ୍‌ପା (ସିଗାରେଟ ଆଣ୍ଡ ଅଦର୍ ଟବାକୋ ପ୍ରଡକ୍ଟସ୍ ଆକ୍ଟ)୨ଠଠ୩ ଅନୁଯାୟୀ ସ୍କୁଲ ପରିସରସ୍ଥ ୧ଠଠ ୟାର୍ଡ ଭିତରେ ଯେଉଁ ଦୋକାନୀ ସିଗାରେଟ୍ କିମ୍ବା ଅନ୍ୟାନ୍ୟ ତମାଖୁଜାତୀୟ ସାମଗ୍ରୀ ବିକ୍ରୟ କରିବ, ତାହାକୁ ଅନ୍ୟୁନ୍ୟ ୨ଠଠଟଙ୍କା ପର୍ଯ୍ୟନ୍ତ ଫାଇନ୍ ର ବ୍ୟବସ୍ଥା ରହିଛି । ଏହି ଆଇନକୁ କଡାକଡି ପାଳନ କରିବା ପାଇଁ ଡ୍ରଗ୍ସ ବିଭାଗ, ଅବକାରୀ ବିଭାଗ, ପୋଲିସ ଓ ସ୍ୱାସ୍ଥ୍ୟ କେନ୍ଦ୍ରର ଅଧିକାରୀ ମାନେ ଲୋକଙ୍କୁ ସଚେତନ କରାଇଥିଲେ  ।