22-Aug-2025

ବିନିକା(ହିମାଂଶୁ ଶେଖର ପୁଟେଲ)ସମାନ କାମକୁ ସମାନ ଦରମା ଦାବିରେ ଆଜି ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅନୁର୍ଗତ ସିଦ୍ଧାର୍ଥ ଡିଗ୍ରୀ ମହାବିଦ୍ୟାଳୟ ଠାରେ ପରିଚାଳନା କମିଟି ଦ୍ବାରା ନିଯୁକ୍ତ ଅଧ୍ୟାପକ ଏବଂ କର୍ମଚାରୀମାନେ ଫାଟକ ସମ୍ମୁଖରେ ଧାରଣା ଦେଇଛନ୍ତି । ଅଭିଯୋଗ ଅନୁଯାୟୀ ୨୦୦୮ ମସିହାରୁ ୨୦୧୮ ମସିହା ପର୍ଯ୍ୟନ୍ତ ମହାବିଦ୍ୟାଳୟ ପରିଚାଳନା କମିଟି ଦ୍ବାରା ନିଯୁକ୍ତି ପାଇଥିବା ଅଧ୍ୟାପକ ଓ କର୍ମଚାରୀମାନଙ୍କୁ
ସରକାରୀ ଅନୁଦାନ ପ୍ରଦାନ ପାଇଁ ବାରମ୍ବାର ଦାବି ହେଉଥିଲେ ମଧ୍ୟ ଏ ଦିଗରେ ସରକାର କର୍ଣ୍ଣପାତ କରୁନାହାନ୍ତି । ଏହାକୁ ବିରୋଧ କରି ଓଡିଶା ରାଜ୍ୟ ବେସରକାରୀ ଅଧ୍ୟାପକ ଏବଂ କର୍ମଚାରୀ ସଂଘର ସଭାପତି ବିଶ୍ବରଂଜନ ଦାସଙ୍କ ଆହ୍ୱାନ କ୍ରମେ କଲମ ଛାଡ଼ ଆନ୍ଦୋଳନରେ ଏହି କର୍ମଚାରୀ ମାନେ ସାମିଲ ହୋଇଛନ୍ତି । ଯାହା ଫଳରେ ମହାବିଦ୍ୟାଳୟ ଗୁଡିକରେ ପାଠପଢ଼ାରେ ବିଭ୍ରାଟ ପରିଲକ୍ଷିତ ହେଉଛି । ଏହି ପରିପେକ୍ଷୀରେ ବିନିକା ସିଦ୍ଧାର୍ଥ ଡିଗ୍ରୀ ମହାବିଦ୍ୟାଳୟର ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଏହି କଲମ ଛାଡ଼ ଆନ୍ଦୋଳନରେ ସାମିଲ ହୋଇ କଲେଜ ମୁଖ୍ୟ ଫାଟକ ସମ୍ମୁଖରେ ବସି ରହିଛନ୍ତି। ସରକାର ତାଙ୍କ ଦାବୀ ପୂରଣ ନ କରିବା ଯାଏଁ ଧାରଣା ଚାଲୁ ରହିବ ବୋଲି ସୁବର୍ଣ୍ଣପୁର ଜିଲ୍ଲା ସଂଯୋଜକ ଉଦ୍ଧବ ପଧାନ,ବିନିକା ଖଣ୍ଡ ସଂଯୋଜକ ଅଧ୍ୟାପକ ବିଶ୍ଵନାଥ ମିଶ୍ର,ପ୍ରମିତl ମିଶ୍ର, ମାନସ ରଞ୍ଜନ ମିଶ୍ର,ହରିଶ୍ଚନ୍ଦ୍ର ହୋତା,ଭାରତୀ ବାବୁ,ମାନସ ନାୟକ,ଶ୍ରୀକାନ୍ତ ମେହେର ପ୍ରମୁଖ ପ୍ରକାଶ କରିଛନ୍ତି ।