26-Jan-2021

କର୍ଲାମୁଣ୍ଡା, (ପ୍ରେରଣା ଖବର) :ସି.ଆର୍.ପି.ଏଫ୍‌ରେ ଯୋଗ ଦେବେ କର୍ଲାମୁଣ୍ଡା ଝିଅ ସୌମ୍ୟାରାଣୀ। କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ପାଇଁ ଏହା ନିଶ୍ଚିତ ଖୁସିର ଖବର। କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ (ସି.ଆର.ପି.ଏଫ)ରେ ଯୋଗ ଦେବା ପାଇଁ ଯୋଗ୍ୟ ବିବେଚିତ ହୋଇଛନ୍ତି ଏଇ ବ୍ଲକର ସରଗୁଲ ଗ୍ରାମର ପ୍ରଭାତ କୁମାର ହୋତା ଓ ଶାନ୍ତିପ୍ରିୟା ହୋତାଙ୍କ ଝିଅ ସୌମ୍ୟାରାଣୀ ହୋତା, ତାଙ୍କ ବୟସ ୨୦ ବର୍ଷ।
 ସେ ଚଳିତ ବର୍ଷ ରିଷିଡା ଜଗନ୍ନାଥ ଡିଗ୍ରୀ କଲେଜରୁ ସ୍ନାତକ ହାସଲ କରିଛନ୍ତି। ଗତକିଛି ବର୍ଷ ହେଲା ନିୟମିତ ଭାବେ ସକାଳ ଓ ସନ୍ଧ୍ୟାରେ ଦୌଡିବା ସହ ଯବାନ ହେବା ପାଇଁ କଠିନ ପରିଶ୍ରମ ଜାରି ରଖିଥିଲେ। ଏଥର ସେ ସି.ଆର.ପି.ଏଫ ଯବାନ ହେବା ପାଇଁ ପରୀକ୍ଷାରେ ଉର୍ତ୍ତୀର୍ଣ୍ଣ ହୋଇଛନ୍ତି। କର୍ଲାମୁଣ୍ଡା ବ୍ଲକର ପ୍ରଥମ ମହିଳା ଯିଏ ସି.ଆର୍‌.ପି.ଏଫ୍‌ରେ ଯୋଗ ଦେବେ।  ଏଥିପାଇଁ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି ।