16-Aug-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ପୌରପରିଷଦ କାର୍ଯ୍ୟାଳୟଠାରେ ୭୯ତମ ସ୍ୱାଧୀନତା ଦିବସ ପାଳିତ ହୋଇ ଯାଇଛି । ସ୍ୱାଧୀନତା ଦିବସ ଅବସରରେ ପ୍ରାରମ୍ଭରେ ପୌରାଧ୍ୟକ୍ଷା ଲିକା ସାହୁ ଓ ପୌରନିର୍ବାହୀ ଅଧିକାରୀ ସନ୍ତୋଷ ବେହେରାଙ୍କ ସହ କାଉନସିଲର ଓ କର୍ମଚାରୀଗଣ ରାଜେନ୍ଦ୍ର ପାର୍କସ୍ଥିତ ପୂର୍ବତନ ମୁଖ୍ୟମନ୍ତ୍ରୀ ମହାରାଜା ରାଜେନ୍ଦ୍ର ନାରାୟଣ ସିଂଦେଓଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇ ଥିଲା।  ପରେ ପୌରକାର୍ଯ୍ୟାଳୟରେ ଅନୁଷ୍ଠିତ କାର୍ଯ୍ୟକ୍ରମରେ ପୌରାଧ୍ୟକ୍ଷା ଲିକା ସାହୁ ମୁଖ୍ୟଅତିଥି ଭାବରେ ଯୋଗଦେଇ ପତାକା ଉତ୍ତୋଳନ କରିବା ସହିତ ଉପସ୍ଥିତ ବ୍ୟକ୍ତିବିଶେଷଙ୍କ

ଉଦ୍ଦେଶ୍ୟରେ ଉଦବୋଧନ ଦେଇଥିଲେ । ଶ୍ରୀମତୀ ସାହୁ କହିଥିଲେ ଯେ,ଭାରତକକୁ ବ୍ରିଟିସ ଶାସନ କବଳରୁ ମୁକ୍ତ କରିବାକୁ ଅନେକ ଲୋକଙ୍କୁ ବଳିଦାନ ଦେବାକୁ ପଡିଛି । ଆଜି ଭାରତର ସ୍ୱାଧିନତା ଦିବସରେ ସେହି ମହାନ ଆତ୍ମାମାନଙ୍କୁ

ମନେ ପକାଇ ସ୍ମୃତିଚାରଣ କରିବାର ସମୟ ଆସିଛି । ଆମେ କେବଳ ସ୍ୱାଧିନ ହେଲେ ହେବ ନାହିଁ ବରଂ ଦେଶଗଠନରେ ମଧ୍ୟ ସହଭାଗୀ ହେବାକୁ ପଡିବ ବୋଲି ପୌରାଧ୍ୟକ୍ଷା କହିଥିଲେ । ଏହି କାର୍ଯ୍ୟକ୍ରମରେ ପୌରାଧ୍ୟକ୍ଷାଙ୍କ ସହିତ ପୌରନିର୍ବାହୀ ଅଧିକାରୀ ସନ୍ତୋଷ ବେହେରା, କାଉନସିଲରଗଣ ଓ ସମସ୍ତ କର୍ମଚାରୀଗଣ ଉପସ୍ଥିତ ରହିଥିଲେ । ଏହି ଅବସରରେ ପୌରପାଳିକା ପକ୍ଷରୁ ସହରର ବିଭିନ୍ନ ସ୍ଥାନରେ ଥିବା ମହାପୁରୁଷ ମାନଙ୍କ ପ୍ରତିମୂତ୍ତର୍ତ୍ତିରେ ମାଲ୍ୟାର୍ପଣ କରାଯାଇଥିଲା ଓ ଜିଲ୍ଲା ହସପିଟାଲରେ ରୋଗୀଙ୍କୁ ଫଳବଣ୍ଟନ କରାଯାଇଥିଲା ।