14-Aug-2025

ବିନିକା(ହିମାଂଶୁ ଶେଖର ପୁଟେଲ)ଓଡ଼ିଶା ପ୍ରାଥମିକ ଶିକ୍ଷକ ସଂଘ ସୁବର୍ଣ୍ଣପୁର ଜିଲ୍ଲା ଶାଖା ତରଫରୁ ସଭାପତି ଶଶାଙ୍କ ଶେଖର ପଣ୍ଡାଙ୍କ ନେତୃତ୍ୱରେ ଶିକ୍ଷକ/ଶିକ୍ଷୟତ୍ରୀ ମାନେ ୫ଦଫା ଦାବୀ ପୂରଣ ନେଇ ସ୍ଥାନୀୟ ଗୋଷ୍ଟି ଶିକ୍ଷା ଅଧିକାରୀଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀଙ୍କ ନିକଟକୁ ଏକ ଦାବିପତ୍ର ପ୍ରଦାନ କରିଛନ୍ତି।ସେମାନେ ଦାବୀପତ୍ରରେ ଉଲ୍ଲେଖ କରିଛନ୍ତି ଯେ ଦେଶର ୨୨ଟି ରାଜ୍ୟରେ ପ୍ରାଥମିକ ଶିକ୍ଷକଙ୍କୁ ୪୨୦୦ଗ୍ରେଡ ପେ ବା ବେତନ ଲେବୁଲ ଏନ ଅନୁଯାୟୀ ୩୫,୪୦୦ଟଙ୍କା ପ୍ରଦାନ କରାଯାଉଥିବା ବେଳେ ଓଡ଼ିଶାରେ ମଧ୍ୟ ଲେବୁଲ୍ ଭି-ଏ କାର୍ଯ୍ୟରତ ଶିକ୍ଷକଙ୍କୁ ମୂଳ ବେତନ ସହ ଦିଆଯାଉ ।ବିଦ୍ୟାଳୟ ମାନଙ୍କରେ ଠିକା ନିଯୁକ୍ତି ବନ୍ଦ କରି କାର୍ଯ୍ୟରତ ଶିକ୍ଷକଙ୍କୁ ନିୟମିତ କରାଯାଉ । ୨୦୦୧ମସିହାରୁ କାର୍ଯ୍ୟରତ ଶିକ୍ଷା ସହାୟକଙ୍କ ୬/୮ବର୍ଷର ଠିକା କାର୍ଯ୍ୟକାଳକୁ ମୂଳ ଚାକିରୀରେ ଗଣନା କରି ନ୍ୟାସନାଲ ଇନକ୍ରୀମେଣ୍ଟ ପ୍ରଦାନ କରାଯାଉ।ବିଦ୍ୟାଳୟ ମାନଙ୍କରେ ଆବଶ୍ୟକୀୟ ଭିତ୍ତିଭୂମି ସଜାଡ଼ିବା ସହିତ ପ୍ରତ୍ୟେକ ଶିକ୍ଷକଙ୍କୁ ଆବଶ୍ୟକୀୟ ଉପକରଣ ନ ଯୋଗାଇବା ପର୍ଯ୍ୟନ୍ତ ୟୁଏସ ଲାଗୁ କରାଯାଉ । ଶିକ୍ଷକଙ୍କୁ ସ୍ବାସ୍ଥ୍ୟ କାର୍ଡ ପ୍ରଦାନ ଓ ବୀମା କାର୍ଡରେ ଅନ୍ତର୍ଭୁକ୍ତ କରାଯାଉ ।ଆଦି ପ୍ରମୁଖ ଦାବୀ ନେଇ ଜିଲ୍ଲା ସଭାପତି ଶ୍ରୀ ପଣ୍ଡାଙ୍କ ନେତୃତ୍ୱରେ ଶିକ୍ଷକ ନେତା ଶିବ ରଣା,ଅନନ୍ତ ପଣ୍ଡା,ନାରାୟଣ ପ୍ରସାଦ ପାଢ଼ୀ,ହିମାଂଶୁ ପଣ୍ଡା,ବିଶ୍ଵ ରଞ୍ଜନ ସାହୁ,ବିନୋଦ ମିଶ୍ର,ତ୍ରିଲୋଚନ ହୋତା,ପ୍ରେମାନନ୍ଦ ଦାସ,ଚିରଞ୍ଜିବୀ ତ୍ରିପାଠୀ,ବିଜୟ ସାହୁ,ଶିବ ନାରାୟଣ ପୁଝାରୀ,ଅନ୍ତର୍ଯ୍ୟାମୀ ଧର,ବିବେକାନନ୍ଦ ନାୟକ,କମଳା ମେହେର,ଗୀତା ସାହୁ,ମାତା ମଲ୍ଲିକ ପ୍ରମୁଖଙ୍କ ସହ ଶତାଧିକ ଶିକ୍ଷକ/ଶିକ୍ଷୟତ୍ରୀ ମାନେ ବିଭିନ୍ନ ସ୍ଲୋଗାନ ଦେଇ ଏକ ଶୋଭାଯାତ୍ରାରେ ବିଇଓ କାର୍ଯ୍ୟାଳୟକୁ ପହଞ୍ଚି ଦାବିପତ୍ର ପ୍ରଦାନ କରିଥିଲେ ।