13-Aug-2025

ଡୁଙ୍ଗୁରିପାଲି( ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ  ବିଦ୍ୟାଳୟ ମାୟାବର୍ହ୍। ଠାରେ ବିଦ୍ୟାଳୟର ପ୍ରଧାନ ଶିକ୍ଷକ ଡ.ରବିଚନ୍ଦ୍ର ପଶାୟତଙ୍କ ସଭାପତିତ୍ଵରେ ଶ୍ରାବଣ ପୂର୍ଣ୍ଣିମା  ଦିନ ସଂସ୍କୃତ ର ଜନକ ପାଣିନୀ ଙ୍କ ଜନ୍ମ ଦିବସ ଅବସରରେ ସପ୍ତାହ ବ୍ୟାପି ଚାଲିଥିବା ସଂସ୍କୃତ ସପ୍ତାହର ଶେଷ   ଦିନରେ ସଂସ୍କୃତ ଦିବସ   ପାଳିତ ହୋଇଯାଇଛି।   ସଭାରେ ରାଧାକୃଷ୍ଣ ବାଳିକା ବିଦ୍ୟାଳୟ ଡୁଙ୍ଗୁରିପାଲି ର ସଂସ୍କୃତ  ଶିକ୍ଷୟିତ୍ରି, ବ୍ୟଙ୍ଗ କବି, ଅଭିନେତ୍ରୀ ତଥା ଜୁନିଅର ରେଡକ୍ରସ ସାଧନ କର୍ମୀ ଶ୍ରୀମତୀ ଅନୁପ୍ରୀୟା ମିଶ୍ର ମୁଖ୍ୟ ଅତିଥି ଭାବରେ ଯୋଗଦାନ କରି ସଂସ୍କୃତ ସବୁ ଭାଷାର ଜନନୀ କେବଳ ନୁହେଁ ଏହା ଆମ ସଂସ୍କୃତି  ବୋଲି ମତବ୍ୟକ୍ତ କରିଥିଲେ। ବରିଷ୍ଠ ଶିକ୍ଷକ ଦୀନବନ୍ଧୁ ପ୍ରଧାନ ସଂସ୍କୃତ ଦିବସକୁ ସଂଯୋଜନା କରିବା ସହ ସଂସ୍କୃତ ଆମ ଦେଶବାସୀଙ୍କ ହୃଦ ସ୍ପନ୍ଦନ  ବୋଲି ମତ ପ୍ରଦାନ କରିଥିଲେ।  ସଂସ୍କୃତ ଶିକ୍ଷକ ରାଜୁ ମେହେର ସ୍ବାଗତ ଭାଷଣ ପ୍ରଦାନ କରିବା ସହ ଦିବସ ର ଉଦ୍ଦେଶ୍ୟ ଜ୍ଞାପନ କରିଥିଲେ।
 ଆଜିକାର ସଭାରେ  ପ୍ରୀତି, ଦୀପ୍ତି,  ଜାଗୃତି,ଅନୁପମା, ଶ୍ରିମୟୀ ସ୍ବାଗତ ସଙ୍ଗୀତ ପରିବେଷଣ କରିଥିବା ବେଳେ ପୂଜାର।ଣୀ ଦୀପ , ଆଭା ସାହୁ ଓ ଛାତ୍ର ଶିକ୍ଷୟିତ୍ରୀ ନିକିତା ଦୀପ ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ। ନବମ ଶ୍ରେଣୀ ଛାତ୍ରୀ ପାୟଲ ବିଶ୍ଵକର୍ମା ନୃତ୍ୟ ପରିବେଷଣ କରିଥିବା ବେଳେ ଖେଳ ଶିକ୍ଷକ ଚିନ୍ମୟ କୁମାର ଦାସ  ଧନ୍ୟବାଦ୍ ଅର୍ପଣ କରିଥିଲେ।  । ସପ୍ତାହ ବ୍ୟାପି ଚାଲିଥିବା ସଂସ୍କୃତ ସପ୍ତାହ ଅବସରରେ ପ୍ରତିଦିନ ସଂସ୍କୃତ ସମ୍ଭାଷଣ , ଗୀତା ଆବୃତ୍ତି ଓ ବେଦ ପାଠ ଆଦି କାର୍ଯକ୍ରମ ଅନୁଷ୍ଠିତ ହେଉଥିଲା ।

ଏହି ଅବସରରେ ବିଭିନ୍ନ ବସ୍ତୁ ମାନଙ୍କ ସଂସ୍କୃତ ଶବ୍ଦର ପ୍ରଦର୍ଶନୀ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମକୁ ନନ୍ଦିଘୋଷ ବାରିକ, ସଞ୍ଜୀବ ପୂଜାରୀ,କିରଣ କୁମାର ପୁଟେଲ, ସ୍ନିଗ୍ଧା ପ୍ରଧାନ, ମୀନକେତନ ଦାସ, ବିଭୀଷଣ ଖମାରୀ, ସୁରଜ୍ ଖମାରୀ , ସମୀର କଠାର ,ପ୍ରଭୁତି   ସହଯୋଗ କରିଥିଲେ ।