12-Aug-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲା ରାମେଶ୍ୱର ଷ୍ଟାଡିୟମ ଠାରେ ଚାଲିଥିବା ଜିଲ୍ଲା ସ୍ତରୀୟ ପ୍ୟାରେଡ ବର୍ଜନ କଲେ ଆଜି ବେସରକାରୀ ବିଦ୍ୟାଳୟ ର ଛାତ୍ରଛାତ୍ରୀ l ସୁବର୍ଣ୍ଣପୁର ଜିଲ୍ଲା ରେ ଦେଖିବାକୁ ମିଳିଛି ଏପରି ଘଟଣା l ଗୋଟେ ପଟେ ଜିଲ୍ଲା ଶିକ୍ଷା ଅଧିକାରୀ ତାଙ୍କ ପତ୍ର ସଂଖ୍ୟା ୪୦୧୬ ଗତ ୮-୮-୨୫ ତାରିଖ ରେ ଜିଲ୍ଲା ସଦର ର ସମୁଦାୟ ୪0 ଟି ବିଦ୍ୟାଳୟ କୁ ପ୍ୟାରେଡ ରେ ଭାଗ ନେବାକୁ ଚିଠି କରିଥିଲେ l ଛାତ୍ର ଛାତ୍ରୀ ମାନେ ମଧ୍ୟ ଉସ୍ରାହ ସହିତ ପ୍ୟାରେଡ ରେ ଭାଗ ନେଲେ ଗୋଟେ ଦିନ ପ୍ୟାରେଡ ଅଭ୍ୟାସ ମଧ୍ୟ କଲେ । ହେଲେ ଜିଲ୍ଲା ଶିକ୍ଷା ଅଧିକାରୀ ଙ୍କ ଆଦେଶ କୁ ଅବମାନନା କରି ଆଜି  ଛୋଟ ଛୋଟ ପିଲା ଙ୍କ ମନରେ ଆଘାତ ଦେଲେ ପୋଲିସ ବିଭାଗ ର ରିଜର୍ଭ ଆର ଆଇ କାହୁଁ ଚରଣ ମାରାଣ୍ଡି ।ଗୋଟେ ସ୍କୁଲରୁ କେବଳ ଗୋଟେ ଦଳ ଭାଗ ନେଇ ପାରିବେ ବୋଲି ଆଜି ସେ ପୁଣି କଲେ ନୁଆଁ ନିୟମ, ଶେଷରେ  ନିରାଶ ହୋଇ ପଡିଆ ରୁ ଫେରିଲେ ଛାତ୍ରଛାତ୍ରୀ l ତେଵେ ପ୍ରଶ୍ନ ଉଠେ ଯଦି ଏମିତି ନିୟମ ଥିଲା ତେଵେ କାହିଁକି କାଲି ଏହି ଛାତ୍ରଛାତ୍ରୀ ମାନଙ୍କୁ ପ୍ୟାରେଡ଼ ଅଭ୍ୟାସ କରାଉଥିଲେ ରିଜର୍ଭ ଆର ଆଇ , କାହିଁକି ପିଲାଙ୍କ ସମୟ ନଷ୍ଟ କରୁଥିଲେ l କାହିଁକି ପଡିଆରୁ ପିଲାଙ୍କୁ ଫେରାଇ ତାଙ୍କୁ ମାନସିକ ଆଘାତ ଦେଲେ l ତେଵେ ଏହି ନୁଆଁ ନିଅମ କୁ ନେଇ ଜିଲ୍ଲା ଶିକ୍ଷା ଅଧିକାରୀ କାହିଁକି ଚିଠି ଖଣ୍ଡେ କଲେ ନାହିଁ l ଏହା କରିବା ଦ୍ବାରା କୋମଳ ମତୀ ଛାତ୍ରଛାତ୍ରୀ ମାନଙ୍କ ମନରେ ଖୁବ କଷ୍ଟ ହୋଇ ଥିବା ଓ ପୋଲିସ ଓ ଶିକ୍ଷା ବିଭାଗ କୁ ଦାୟୀ କରିଛନ୍ତି କରିଛନ୍ତି ଛାତ୍ରଛାତ୍ରୀ। ତେଵେ ଚଳିତ ପ୍ୟାରେଡ ପଡିଆ ରେ ଜିଲ୍ଲା ପ୍ରଶାସନ, ଶିକ୍ଷା ଅଧିକାରୀ ଙ୍କ ମଧ୍ୟରେ ତାଳମେଳ ଆଦୌ ନ ଥିବା ଏଥିରୁ ସ୍ପଟ ଭାବେ ବାରି ହୋଇଛି l ଏ ପୋଲିସ ଅଧିକାରୀ ଙ୍କ ମନମାନି କୁ ନେଇ ବହୁ ପୁର୍ବରୁ ରିଜର୍ଭ କର୍ମଚାରୀଙ୍କ ମଧ୍ୟରେ ଖୁଵ୍ ଅସନ୍ତୋଷ ଦେଖା ଦେଇ ଆସି ଥିବା ଖବର ରହିଥିବା ବେଳେ ଜିଲ୍ଲା ର ଏ ନୂଆଁ ଶିକ୍ଷାଧିକାରୀ ମେମ୍ ମଧ୍ୟ ଆରମ୍ଭ ରୁ ଖୁବ୍ ବିବାଦ ରେ ରହିଛନ୍ତି l ପୁଣି  ଚଳିତ ବର୍ଷ ଏହି ଷ୍ଟାଡିଅମ ପଡିଆ ରେ ଉଚ୍ଚ ଶିକ୍ଷାମନ୍ତ୍ରୀ ଯୋଗ ଦେଇ ପ୍ୟାରେଡ ଅଭିବାଦନ ଗ୍ରହଣ କରିବାକୁ ଥିବା ବେଳେ ମୂଳ ରୁ ପ୍ରଶାସନ ର ଏହି ଛାତ୍ରଛାତ୍ରୀଙ୍କୁ ପ୍ୟାରେଡ ପଡିଆ ରୁ ଫେରାଇ ଶିକ୍ଷା ବିଭାଗ ପୁଣି ବିବାଦ ହେବା ଘଟଣା କୁ ବୁଦ୍ଧିଜୀବୀ ମହଲ ରେ ନା ପସନ୍ଦ କରାଯାଇଛି l ଅନ୍ୟପଟେ ପ୍ରାଇଭେଟ ସ୍କୁଲ ଏସୋସିଏସନ ପକ୍ଷରୁ ମଧ୍ୟ ଏହାକୁ ତିବ୍ର ନିନ୍ଦା କରା ଯାଇଛି।