07-Aug-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଭର ସୂଜା ରେ  ଅଙ୍ଗ ଭେଳି କୃଷକ ଉତ୍ପାଦନ କମ୍ପାନୀ ଉଦ୍ଘାଟିତ ହୋଇଯାଇଛି l ଏହି ଅନୁଷ୍ଠାନ ର ନିର୍ଦ୍ଦେଶକ ପଙ୍କଜ କୁମାର ସାହୁ ଙ୍କ ତତ୍ୱାବଧାନ ରେ ସଭା ପରିଚାଳିତ ହୋଇଥିଲା l ପ୍ରଥମେ ଏକ ସଭାର ଆୟୋଜନ କରାଯାଇଥିଲା l ମୁଖ୍ୟ ଅତିଥି ଭାବେ ବ୍ଲକ ଉପାଧ୍ୟକ୍ଷl ନିରୁପମା ପଧାନ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ବ୍ଲକ କୃଷି ଅଧିକାରୀ ଆଶିଷ କୁମାର ପାଣିଗ୍ରାହୀ,  ତ୍ରିରଙ୍ଗା ଯୁବକ ସଂଘର ସମ୍ପାଦକ କୈଳାସ ଚନ୍ଦ୍ର ସାହୁ , ଆସିଷ୍ଟାଣ୍ଟ ଟେକ୍ନୋଲୋଜି ମ୍ୟାନେଜର ହରିହର ହଂସ , ଭି ଏ ଡବ୍ଲୁ ବସନ୍ତ ଛୁରିଆ ମଂଚାସୀନ ଅତିଥି ଭାବେ ଯୋଗ ଦେଇଥିଲେ l ଏହି ସଭାରେ ଅତିଥି ମାନେ ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ l ମୁଖ୍ୟତଃ  ଆଗାମୀ ଦିନ ରେ ଅଣ ଧାନ ଫସଲ ଯଥା ତୈଳ ବିଜ୍, ଡାଲି ଜାତୀୟ ଓ ଛତୁ ମୂଲ୍ୟର ବର୍ଦ୍ଧନ ବ୍ୟବସାୟ କରି ବଜାର ରେ ଅଙ୍ଗ ଭେଳୀ ବ୍ରାଣ୍ଡ ରେ ବିକ୍ରୟ କରିବା ପାଇଁ ଗୁରୁତ୍ୱ ଦିଆଯାଇ ଥିଲା l ଏହାପରେ ଏହି ଅନୁଷ୍ଠାନ ର କାର୍ଯ୍ୟାଳୟ କୁ ଦୀପ ପ୍ରଜ୍ବଳନ କରି ଫିତାକାଟି  ଅତିଥି ମାନେ ଉଦ୍ଘାଟନ କରିଥିଲେ l ଏହା ସହିତ ତୈଳ ବୀଜ ତେଲ ଉତ୍ପାଦନ ମେସିନ ଉଦ୍ଘାଟନ କରି ରାଶି ବୀଜ ରୁ ତେଲ ଉତ୍ପାଦନ ର ପରୀକ୍ଷା କରିଥିଲେ l ଏହି ସଭାରେ ବରିଷ୍ଠ ଚାଷୀ ଭକ୍ତରାମ୍ ସାହୁ , ଦୀପାଞ୍ଜଳି ସାହୁ , ନୁର ସାହୁ , ଅନିତା ସାହୁ ,ବିନୋଦିନୀ ସାହୁ , ରାଜ କୁମାର ହାତୀ , ମହେନ୍ଦ୍ର ପଧାନ , ଧ୍ରୁବଚରଣ ସାହୁ , ଜେହେରୁ ବାରିକ , କୁଲଦୀପ ଭୋଇ , ଜବଦୁ ବରିହା , ପିତବାସ ସାହୁ ,  ସୁଦାମ ପ୍ରମୁଖ ଶତାଧିକ ଚାଷୀ ଉକ୍ତ କାର୍ଯ୍ୟକ୍ରମ ରେ ଉପସ୍ଥିତ ଥିଲେ l